Azərbaycanca
Layihənin tam adı: Azərbaycan Universitetlərində Keyfiyyətə Nəzarət Mərkəzlərinin Yaradılması və İnkişaf Etdirilməsi, EQAC
Layihənin başlama tarixi: 1 mart 2018-ci il
Layihənin bitmə tarixi: 1 dekabr 2021-ci il
Layihənin ümumi büdcəsi: 893.137 avro
ATMU-ya ayrılmış qrant: 43.672 avro
Azərbaycan Turizm və Menecment Universiteti (ATMU) 2017-ci ildən bəri Bakı Biznes Universitetinin koordinatorluğu ilə həyata keçirilən və Avropa Birliyi tərəfindən maliyyələşdirilən “Azərbaycan Universitetlərində Keyfiyyət Nəzarət Mərkəzlərinin Yaradılması və İnkişaf Etdirilməsi, EQAC” adlı Erasmus+ layihəsininin fəal üzvlərindən biridir.
Layihənin məqsədi: Azərbaycan ali təhsil müəssisələrində Keyfiyyətə Nəzarət Mərkəzlərinin yaradılması ilə yanaşı ali təhsil müəssisələrin fəaliyyəti ilə əlaqədar keyfiyyət prinsiplərinin beynəlxalq standartlara uyğunlaşdırılmasıdır.
Layihə çərçivəsində konsorsium qurmuş universitetlər:
Yerli universitetlər:
- Azərbaycan Turizm və Menecment Universiteti
- Azərbaycan Dövlət Pedaqoji Universiteti
- Azərbaycan Memarlıq və İnşaat Universiteti
- Azərbaycan Texniki Universitet
- Azərbaycan Kooperasiya Universiteti
- Bakı Biznes Universiteti
- Gəncə Dövlət Universiteti
- Mingəçevir Dövlət Universiteti
- Naxçıvan Universiteti
- Odlar Yurdu Universiteti
- Sumqayıt Dövlət Universiteti
Xarici universitetlər:
- Middlesex Universiteti (Birləşmiş Krallıq)
- Alikante Universiteti (İspaniya)
- KTH Kral Texnoloqiya İnstitutu (İsveç)
- SMK Tətbiqi Sosial Elmlər Universiteti (Litva)
Layihə çərçivəsində əldə olunmuş mühüm nailiyyətlərimiz:
- Keyfiyyət Təminatı Mərkəzinin yaradılması ilə əlaqədar fəaliyyət planının hazırlanması;
- “Turizm işi” ixtisası üzrə pilot proqramının hazırlanılması və qiymətləndirilməsi;
- 10 nəfərdən ibarət pilot müəllim qrupuna və 30 yaxın tələbənin iştirakı ilə təlimlərin keçirilməsi;
- ATMU inzibati və akademik heyət üzvlərinin Bakı Biznes Universitetində keçirilmiş keyfiyyətin artırılmasına həsr olunmuş tədbir və təlimlərdə iştirakı;
- Yeni silabus nümunələrinin hazırlanması;
- Açıq dərslərin monitorinq qaydalırının hazırlanması.
Əlavə olaraq, universitetdə Keyfiyyətin İdarəedilməsinin Mərkəzləşdirilmiş Elektron Sisteminin formalaşdırılması məqsədi ilə QPR Software proqram təminatının tətbiq olunması və Keyfiyyət Təminatı Nizamnaməsinin hazırlanması da nəzərdə tutulur.
ATMU EQAC layihəsində 3 nəfərdən ibarət işçi qrupla təmsil olunur. Layihə komandasının tərkibi aşağıda adları qeyd olunmuş şəxslərdən ibarətdir:
Qaçabəyova Faina Adil qızı
Layihə meneceri
Yusifli Elvin Qürbət oğlu
Keyfiyyət siyasəti üzrə məsul şəxs
Mamedov Simnar Tanırverdi oğlu
Keyfiyyət siyasəti üzrə məsul şəxs
Layihənin tam adı: Xəzər regionunun inkişafını dəstəkləmək məqsədilə universitet-sənaye əməkdaşlığını həyata keçirən Təcrübə Müəssisələri pilot kursları, PICASP
Layihənin başlama tarixi: 15 yanvar 2021-ci il
Layihənin bitmə tarixi: 14 yanvar 2024-cü il
Layihənin ümumi büdcəsi: 882.359,00 avro
ATMU-ya ayrılmış qrant: 72.130,00 avro
Layihənin məqsədi biznes cəmiyyətinin və xüsusən də kiçik və orta biznes fəaliyyəti ilə məşqul olan sahibkarların iştirakı ilə universitet-senayə əməkdaşlığının icrası və əlaqələndirilməsidir. Layihə biznes idarəçiliyi sahəsində fəaliyyətinin inkişafını; Avropa Birliyini təmsil edən tərəfdaşları ilə ən yaxşı təcrübələrin mübadiləsinin gücləndirilməsini, kurrikulumların hazırlanması və məzunların işlə təmin edilməsi məqsədilə maraqlı tərəflərin iştirakını; standartların qurulmasını; davamlı keyfiyyətin təminatı kimi vəzifələri cəmləşdirir.
Layihə çərçivəsində konsorsium qurmuş tərəfdaşların sihahısı:
Yerli tərəfdaşlar:
- Azərbaycan Turizm və Menecment Unviersiteti
- Xəzər Universiteti
- Miras - Mədəni İrsin Öyrənilməsinə Kömək İctimai Birliyi
Xarici tərəfdaşlar:
- Beynəlxalq Biznes Universiteti (Qazaxıstan)
- Degli Studi Gabriele D'annunzion Di Chieti-Pescara Universiteti (İtaliya) - koordinator universitet
- Gediminas adına Vilnüs Texniki Universiteti (Litva)
- Ser.In.Ar. Forlì-Cesena ScpA təşkilatı (İtaliya)
- Ş. Yesenov adına Xəzər Dövlət Texnoloji və Mühəndislik Universitet (Qazaxıstan)
- Varşava Universiteti (Polşa)
Layihənin tam adı: Rektorlar Konfransının (Şurasının) yaradılması, ECAR
Layihənin başlama tarixi: 15 yanvar 2021-ci il
Layihənin bitmə tarixi: 14 yanvar 2024-cü il
Layihənin ümumi büdcəsi: 937.797,00 avro
Layihənin məqsədi:
Təhsil Nazirliyinin bilavasitə iştiraki ilə təhsil müəssisələrinin, ali və ali təhsildən sonrakı təhsilin inkişafı, tədris prosesinin, elmi işin, elmi-pedaqoji və digər işçilərin ixtisasının artırılmasının və yenidən hazırlanmasının təşkili müsbət təcrübənin ümumiləşdirilib yayılması, Respublikada təhsil sistemini təkmilləşdirilməsi, habelə ali təhsil müəssisələri kollektivləri üzvlərinin sosial müdafiəsi, ali məktəbin Respublikanın sosial iqtisadi və mədəni inkişafına təsirinin gücləndirilməsi istiqamətlərində fəaliyyətlərini əlaqələndirmək məqsədilə Rektorlar Konfransını yaratmaqdır. Konfransın təşkili Təhsil Nazirliyi – ali təhsil müəssisələri – sənaye arasında şəbəkənin yaradılmasına maraqlı tərəfdaşların mütəmadi görüşərək fikir mübadiləsi aparması və yeni qərarlar qəbul etməsini təmin edəcəkdir.
Şuranın vəzifələri aşağıdakılardır:
- Azərbaycan ali təhsil müəssisələri arasında elmi, təhsil, mədəni və iqtisadi əməkdaşlığı təşviq etmək və digər milli və beynəlxalq təşkilatlarla dialoqa kömək etmək.
- Ali təhsil sistemində prinsip və standartların inkişafı. Azərbaycan Respublikasında qəbul edilmiş Təhsil Qanunu, Təhsil Standartı, təhsil strategiyalarının bütün ali məktəblərdə bərabər icrasına dəstək olmaq məqsədi ilə, dövlət orqanları, təhsil müəssisələri və iş dünyası arasında intensive görüş və dialoqların keçirilməsini təmin etmək.
- Milli Təhsil şəbəkəsi yaratmaq.
- Bütün növ ali təhsil müəssisələrindən ibarət olan ali təhsil sisteminin tarazlı inkişafını dəstəkləmək.
- Azərbaycan elminin, mədəniyyətinin və təhsilinin inkişafı üçün vacib olan məsələlər barədə rəylər formalaşdırmaq və təqdim etmək.
Əsas fəaliyyətlər aşağıdakıları əhatə edəcəkdir:
- Rektorlar konfransının yaradılması
- Konfransın nizamnaməsini hazırlanması
- Konfransın strukturu, idarəetmə və büdcə, üzvlük qaydalarının müəyyənləşdirilməsi
- Beş illik strateji planın hazırlanması
- Fəaliyyət planını hazırlaması
- Konfransın administrative idarə heyəti üçün təlimlər
- Konfransın bir illik fəaliyyət planının icrası
Layihə çərçivəsində konsorsium qurmuş tərəfdaşların sihahısı:
Yerli tərəfdaşlar:
- Azərbaycan Turizm və Menecment Unviersiteti
- Azərbaycan Dövlət Pedaqoji Universiteti
- Azərbaycan Dövlət Mədəniyyət və İncəsənət Universiteti
- Azərbaycan Dillər Universiteti
- Azərbaycan Texniki Universiteti
- Azərbaycan Texnologiya Universiteti
- Azərbaycan Universiteti
- Bakı Ali Neft Məktəbi
- Bakı Avrasiya Universiteti
- Bakı Biznes Universiteti – koordinator universitet
- Bakı Mühəndislik Universiteti
- Xəzər Universiteti
- Lənkəran Dövlət Universiteti
- Naxçıvan Universiteti
- Odlar Yurdu Universiteti
Xarici tərəfdaşlar:
Layihənin tam adı: Creative Spark: Ali Təhsil Müəssisəsi Proqramı
Layihənin başlama tarixi: Yanvar 2021-ci il
Layihənin bitmə tarixi: Dekabr 2021-ci il
Layihənin ümumi büdcəsi: £24,703
Proqramın əsas məqsədləri təşkilati bacarıqları inkişaf etdirmək və yaradıcı sənayenin inkişafına töhfə vermək üçün yeni layihə ideyalarını dəstəkləməkdir. Proqram, həmçinin gənclərin böyük potenisalının olmasına baxmayaraq işsizlik problemi ilə üzləşdiyi ölkələrdə yaradıcı iqtisadiyyatı inkişaf etdirmək üçün yeni əməkdaşlıq imkanlarının dəstəkləməsini hədəfləyir. Birləşmiş Krallığın dəstəyi ilə “British Council” tərəfindən maliyyələşdirilən bu proqram 2018-ci ildən fəaliyyətə başlayıb və yarandığı tarixdən Cənubi Qafqaz, Mərkəzi Asiya, Ukrayna və Birləşmiş Krallıq arasında əməkdaşlıq şəbəkəsinin genişləndirilməsini nəzərdə saxlayır.
Azərbaycan Turizm və Menecment Universiteti Azərbaycan Dövlət İqtisad Universitetinin(UNEC) tərəfdaşlığı və Böyük Britaniyanın Grinviç Universitetinin koordinasiyası altında “Creative Spark: Ali Təhsil Müəssisəsi Proqramı”-na 2021-ci ildən qatılıb. Layihə çərçivəsindəali təhsil müəssələrində gənc sahibkarların yetişdirilməsi məqsədilə tələbə və müəllimlərin səriştələrinin inkişafı üçün imkanların artırılması, sahibkarlıq mərkəzlərinin yaradılmasına töhfə verilməsi, yerli sənaye ekosistemlərinin inteqrasiyası kimi prioritetlər müəyyənləşdirilmişdir.
Məlumat üçün qeyd edilməlidir ki, proqram çərçivəsində universitetimizin 20 nəfər tələbəsi və 5 nəfər heyət üzvü “Learn English Select” onlayn ingilis dili kursundan yararlanmaq və Ümumdünya Əqli Mülkiyyət Təşkilatının (WIPO) “Əqli mülkiyyət əsasları” seminarına ödənişsiz qatılmaq imkanı əldə etmişdir.
Layihənin tam adı: Tədqiqat üfüqlərinizi genişləndirin
Layihənin başlama tarixi: Aprel 2019-cu il
Layihənin bitmə tarixi: Dekabr 2021-ci il
“Tədqiqat üfüqlərinizi genişləndirin” layihəsi Azərbaycan Turizm və Menecment Universiteti (ATMU) və Azərbaycan Respublikasının Dövlət Turizm Agentliyi arasında mövcud olan birgə səmərəli əməkdaşlıq əsasında ATMU-da tədqiqat mühitinin inkişaf etdirilməsi məqsədilə həyata keçirilir. Layihənin ilkin mərhələsində 9 tədqiqatçı ilə birgə turizm sahəsinin müxtəlif istiqamətlərini əhatə edən tədqiqatlar aparılır.
Layihənin tədqiqat mövzuları:
