Hotellərdə xidmət keyfiyyətinin yüksəldilməsi və hotel əməkdaşlarının peşə bacarıqlarının artırılması məqsədilə iyul ayının 15-dən etibarən Azərbaycan Hotel Assosiasiyası tərəfindən, Dövlət Turizm Agentliyinin dəstəyi ilə “İxtisaslaşmış Hotelçilik Təlimləri”nə start verilib.

Təcrübəli ekspertlər tərəfindən təmizlik şöbəsi, iaşə xidməti və ön büro istiqamətlərində keçirilən ödənişsiz təlimlərdə iştirakçılar sahə üzrə praktiki biliklər əldə etmək, yerli sənaye mütəxəssislərinin təcrübələrindən faydalanmaq imkanı əldə edirlər.

Tələbələrdən gələn yüksək marağı, həmçinin ATMU tələbələrinin ölkəmizdə keçirilən önəmli tədbirlərdə könüllü olaraq fəaliyyətini nəzərə alaraq Azərbaycan Hotel Assosiasiyası avqust ayının sonuna qədər təlimləri tələbələr üçün açıq elan edir.

İştirak etmək istəyən tələbələr link vasitəsilə qeydiyyatdan keçə bilərlər:   https://forms.gle/FbB3NnqXVVa7ZGj79