20 sentyabr 2024-ci il tarixində Türkiyə Respublikasının Süleyman Dəmirəl Universitetinin rektoru Prof.Mehmet Saltan Azərbaycan Turizm və Menecment Universitetini ziyarət edib.

Görüşdə ilkin olaraq ATMU-nun rektoru İlham Mədətov rəsmi qonağa universitet haqqında, tədris prosesi, beynəlxalq əlaqələr və xüsusən Türkiyə universitetləri ilə əlaqələr haqqında ətraflı məlumat verib.

Daha sonra hər iki universitet arasında mümkün əməkdaşlıq imkanları müzakirə edilib, xüsusilə beynəlxalq təhsil layihələri və proqramları çərçivəsində əməkdaşlıqların təşkili prioritet hesab edilib.

Öz növbəsində Süleyman Dəmirəl Universitetinin rektoru da təmsil etdiyi ali təhsil müəssisəsi və universitetin hər il inkişaf edən imkanları haqqında ATMU heyətini məlumatlandrıb.

Daha sonra Türkiyə - Azərbaycan əlaqələrinin gələcək illər üçün perspektivləri xüsusilə təhsil istiqamətində müzakirə edilib.

Sonda hər iki universitetin nümayəndələrinin iştirakı ilə xatirə şəkli çəkilib.