Azərbaycan Turizm və Menecment Universitetinin tələbələri üçün “Karyera və kommunikasiya” şöbəsinin təşkilatçılığı ilə məlumat sessiyası təşkil edilib. Görüşdə Fairmont Baku Otelin Heyətin idarə olunması üzrə menecerinin müavini Zəminə Bayramova və Ön ofis departamentinin menecer müavini Şahin Həsənov iştirak ediblər. Sessiyada əsas məqsəd əməkdaşı olduqları otel haqqında və hazırda aktiv olan təcrübə proqramları barədə tələbələri məlumatlandırmaq olub. Həmçinin tələbələri işəgötürənlərlə birbaşa əlaqələndirmək, onların karyera imkanlarını dəstəkləmək də görüşün məqsədləri çərçivəsində idi.

Böyük maraqla qarşılanan məlumat sessiyasında Fairmont Baku otelin əməkdaşları tərəfindən tələbələrə otelin yaranma tarixi, müxtəlif departamentləri haqqında ətraflı bilgilər verilib, həmçinin fəaliyyət istiqamətləri barədə məlmatlar çatdırılıb.

Daha sonra tələbələrin dil bilikləri nəzərdən keçirilib və görüş gənclərin müsahibə mərhələsi ilə davam edib.

Sessiyanın sonunda tələbələri maraqlandıran suallar otel əməkdaşları tərəfindən ətraflı cavablandırılıb.