Azərbayca Turizm və Menecment Universitetinin rektoru İlham Mədətov dünya elminə inteqrasiyanın əsas hədəfi olan gənc tədqiqatçılar və doktorantların digər ali təhsil müəssisələri ilə birgə tədqiqatlarının təşkili və aparılmasında onlara kömək göstərilməsi, yazılan dissertasiyaların keyfiyyəti, elmi məqalələrin praktik əhəmiyyəti və nüfuzlu beynəlxalq jurnallarda çapı kimi məsələləri diqqətdə saxlayır. Bu yönümdə aparılan silsilə tədbirlər Azərbaycan Turizm və Menecment Universitetinin elmi tədqiqat yönümlü universitetə çevrilməkdə iddialı olan ali təhsil müəssisələrinin sırasında aparıcı mövqelərdə qərarlaşması missiyasından irəli gəlir.Bu istiqamətdə aparılan işlər çərçivəsində Azərbaycan Turizm və Menecment Universitetinin Elm və inkişaf məsələləri üzrə prorektoru Anar Eminov və Biznes idarəçiliyi fakültəsinin dekanı Anar Mirzəyevin Bakı Mühəndislik Universitetinin elmi işlər üzrə prorektoru Elçin Süleymanov və Azərbaycan Dövlət İqtisad Universitetinin İqtisadi Araşdırmalar Elmi-Tədqiqat İnstitutunun direktoru Yadulla Həsənli ilə birgə ərsəyə gətirdiyi elmi araşdırmaları məqalə formatında  beynəlxalq aləmdə aparıcı jurnalda nəşr edilmişdir. Birgə əməkdaşlıq nəticəsində işlənib hazırlanmış “The Role of Education in Organization and Development of Economics in Azerbaijan” adlı elmi məqalə nüfuzlu elmi jurnalda-  Academic Journal of Economic Studies (Volume 4, Issue 2 (June, 2018)) son sayında nəşr olunmuşdur.Qeyd etmək lazımdır ki, Rumıniyanın Buxarest şəhərindəki  “Dimitrie Cantemir”  Universiteti Maliyyə Bank Muhasibatlıq Fakültəsinin beynəlxalq elmi jurnalı olan  Academic Journal of Economic Studies  RePEc (IDEASEconPapers), Germany  EBSCO Host, USA DOAJ (Directory of Open Access Journals), Sweden CEEOL (Central and Eastern European Online Library), bazalarında indekslənir. Germany bazalarda indexlenen jurnalın RePEc impact faktoru 0.031-dir. Eyni zamanda bu jurnal 20 yaxın databazada indekslənir.

 Azərbaycan Turizm və Menecment Universiteti bu ildən icrasına başlanacaq “ERASMUS+” proqramı çərçivəsində Ali Təhsildə Potensialın Gücləndirilməsi profilinə (KA2) uyğun “Azərbaycan Universitetlərində Keyfiyyətə Nəzarət Mərkəzlərinin Yaradılması və İnkişaf Etdirilməsi” layihəsində tərəfdaş kimi iştirak edəcək. Layihənin ölkə üzrə aparıcısı Bakı Biznes Universiteti olmaqla,  Azərbaycandan 11, Avropadan isə 5 universitet qatılıb.Layihənin icrasına başlamazdan öncə ATMU-da akademik heyət və tələbələr arasında məmnuniyyət sorğusu keçirilib. Sorğunun keçirilməsində məqsəd mövcud keyfiyyət mərkəzlərinin işinin vəziyyətinə münasibəti öyrənmək və yaxın üç il ərzində Avropa universitetlərindən öyrəniləcək təcrübəni mübadilə etməkdir.

Universitetin əməkdaşları Turizm və Qonaqpərvərlik fakültəsinin dekan müavini Flora Ələsgərovanın “İqtisadi artımda turizm nəqliyyatının inkişafının rolu” və Menecment kafedrasının müəllimi Aqil Vəliyevin “İqtisadiyyat, mədəniyyət və mədəni diplomatiya arasında əlaqə” adlı məqalələri Rumıniyanın Spiru Haret Universitetinin İqtisadi seriyasına daxil edilib. Jurnal istinad indeksinə malik olmaqla sahə üzrə tanınmış tədqiqatların yayılmasını təmin edir. “İqtisadi artımda turizm nəqliyyatının inkişafının rolu” məqaləsində turizmin inkişafında nəqliyyatın rolu, turizm nəqliyyatında beynəlxalq təcrübə və ölkədə nəqliyyat turizminin mövcud vəziyyəti araşdırılaraq təhlil olunmuş və gələcək inkişafı üçün təkliflər verilib. “İqtisadiyyat, mədəniyyət və mədəni diplomatiya arasında əlaqə” məqaləsində isə “iqisadiyyat” və “mədəniyyət” arasında zidiyyətlər araşdırılaraq mədəniyyətin iqtisadi inkişafa necə təsir etdiyi müəyyənləşdirilmiş və ölkəmizin iqtisadi inkişafında mədəniyyətin rolu təhlil edilmişdir.

Azərbaycan Turizm və Menecment Universitetinin Xidmət mühəndisliyi fakültəsi “Beynəlxalq münasibətlər” kafedrasının təşkilatçılığı ilə “Sosial iş” ixtisası üzrə təhsil alan tələbələr, magistr və doktorantlar üçün “Elm tədqiqatdan başlayır” layihəsi çərçivəsində təlim keçirilib. Təlimin təşkilatçısı kafedra müdiri Kənan Allahverdiyev və təlimin moderatoru isə kafedranın müəllimi Ayşəm Balayeva  idi.Təlimlərin keçirilməsində məqsəd elm sahəsində mövcud kadr potensialını, o cümlədən elmi tədqiqat problemləri ilə məşğul olan gənc mütəxəssislərin, eləcə də elmdə peşəkar idarəçilik funksiyalarını həyata keçirməyə qadir olan kadrların hazırlığını təmin etməklə, elmi potensialı ölkənin sosial-iqtisadi və mədəni-mənəvi inkişafına yönəltməkdir.Təlimlər zamanı gənclərə düzgün elmi tədqiqatın aparılması, tədqiqat nəticələrinin təhlili ilə bağlı məlumatlar verilib, xüsusi analiz proqramı olan SPSS proqramında bazanın yaradılması, məlumatların daxil edilməsi və təhlili ilə bağlı biliklər verilib, tələbələrə, magistr və doktorantlara proqramda işləmə texnikası öyrədilib.

1 -dən səhifə 4

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…