Son xəbərlər (431)

Azərbaycan Turizm və Menecment Universitetinin (ATMU) Turizm biznesi, Menecment və İngilis dili kafedralarının müəllimləri Bakı Biznes Universitetində (BBU) Avropa İttifaqı tərəfindən maliyyələşdirilən Erasmus+ proqamının “Azərbaycan universitetlərində keyfiyyətə nəzarət mərkəzlərinin yaradılması və inkişaf etdirilməsi, EQAC” layihəsi çərçivəsində təlimlərə qatılıblar. Beləliklə,“Turizm işinin təşkili” ixtisası üzrə ATMU-da icrasına start verilən pilot layihənin təmsilçiləri - Samirə Əmirova, Rəna Ağasıyeva, Cabir Feyzullayev və Fuad Cabbarov Litvanın SMK Tətbiqi Sosial Elmlər Universitetinin təhsil eksperti xanım İnga Juknyte-Petreikienin apardığı təqdimat-sessiyalarda Avropanın təhsil təcrübəsi ilə tanışlıq imkanı qazanıblar.

ATMU əməkdaşları “Tələbə yönümlü təhsil”, “Avropa təhsil məkanında AST standartları”, “Mənimsəmə nəticələri və kompetensiyalar”, “Tədris və qiymətləndirmə” adlı sessiyalar zamanı verilən praktik tapşırıqların icrası mərhələsində şəxsi tədris metodoloqiyalarını diqqətə çatdırıblar. Pilot layihə üzrə keçirilən təlimdə ATMU-nun yeni sillabus forması xanım Juknyte-Petreikie tərəfindən yüksək qiymətləndirilib.

Bakı Biznes Universitetində adıçəkilən ali məktəbin koordinatorluğu ilə növbəti tədbir keçirilib. Avropa İttifaqı tərəfindən maliyyələşdirilən Erasmus+ proqamının “Azərbaycan universitetlərində keyfiyyətə nəzarət mərkəzlərinin yaradılması və inkişaf etdirilməsi, EQAC” layihəsi çərçivəsində keçirilən mərasimdə bildirilib ki, keyfiyyətin təminatı effektivliyinin artırılmasında layihənin səmərəli tətbiqi ali təhsil sistemində əhəmiyyətli rol oynaya bilər. Azərbaycan Turizm və Menecment Universitetinin (ATMU) prorektoru Zaur Bağırov, rektor müşaviri Elvin Yusifli və Elmi innovasiyalar bölməsinin rəhbəri Faina Qaçabəyovanın da iştirak etdiyi tədbirdə professor Zaur Bağırov Keyfiyyət Təminatı Mərkəzlərinin, o cümlədən monitorinq və qiymətləndirilmə proseslərinin tam müstəqil olması amilinə aydınlıq gətirib. Daha sonra “bu proses tələb olunan səviyyədə təşkil edilərsə, yerli universitetlər arasında rəqabətliliyin artırılmasına zəmin yaradar” dedi.

Z.Bağırov diqqətə çatdırıb ki, 2019-cu ildə ATMU keyfiyyət təminatı sahəsində diqqətçəkən uğurlara imza atıb və İSO keyfiyyət təminatı seritifikatını alıb.

Toplantıda layihənin ölkə üzrə tərəfdaş ali məktəblərindən Azərbaycan Dövlət Pedaqoji, Azərbaycan Texnologiya, “Naxçıvan”, Sumqayıt Dövlət, Azərbaycan Turizm və Menecment, Azərbaycan Memarlıq və İnşaat, Azərbaycan Kooperasiya, Odlar Yurdu, Gəncə Dövlət və Mingəçevir Dövlət universitetlərinin rektorları və prorektorları, həmçinin İngiltərədən olan layihə üzrə ekspert Corc Dafoulas iştirak edib.

Layihənin davamlılığının təmini məqsədilə bir sıra tərəfdaş universitetlər arasında bağlanan əməkdaşlıq müqavilələrində universitetlərarası tələbə-müəllim mübadiləsinin həyata keçirilməsi, kreditlərin tanınması, ortaq konfransların, simpoziumların təşkili kimi məsələlər öz əksini tapıb.

Azərbaycan Turizm və Menecment Universiteti (ATMU) və Erasmus+ Bakı ofisinin təşkilatçılığı ilə 24 yanvar 2020-ci il tarixində “Ali təhsildə potensialın gücləndirilməsi” layihələrinin yazılması ilə bağlı sual-cavab sessiyası keçirilib.
Tədbirə Azərbaycanın 14 universitetindən nümayəndə qatılıb.

Görüşün məqsədi Erasmus+ layihələrini işləyən komanda üzvlərini maraqlandıran texniki sualları cavablandırmaq, universitetlər arası Erasmus+ şəbəkəsini gücləndirmək, həmçinin nəzərdə tutulan son müraciət tarixinə kimi layihələrin uğurla yekunlaşdırılmasına dəstək göstərmək idi.

Azərbaycan Turizm və Menecment Universitetində (ATMU) “20 Yanvar: Azərbaycanın qəhrəmanlıq salnaməsi” mövzusunda dəyirmi masa keçirilib. ATMU-dan AZƏRTAC-a bildirilib ki, tədbirdə universitetin tədris işləri üzrə prorektoru, professor Zaur Bağırov çıxış edərək zaman-zaman ermənilər tərəfindən xalqımıza qarşı həyata keçirilən deportasiya siyasətindən və 20 Yanvar faciəsinin acı nəticələrindən söz açıb. O, keçmiş SSRİ rəhbərliyi tərəfindən yanvarın 19-dan 20-nə keçən gecə Bakıya qoşun yeridildiyini, əliyalın, günahsız insanların qətlə yetirildiyini faktlarla diqqətə çatdırıb.

“Azadlığı, vətən sevgisini şərəf bilən soydaşlarımız otuz il əvvəl şər qüvvələrə yox deyib, Azərbaycanın müstəqilliyinə canları-qanları bahasına nail oldular. Tarix qəhrəmanlıq səhifələrini təmənnasız yazanlara borcludur. Bu baxımdan həmin gecəni də unutmağa, unutdurmağa haqqımız yoxdur”, - deyə Zaur Bağırov qeyd edib.

Tarix üzrə elmlər doktoru Məhərrəm Zülfüqarlı 1990-cı il yanvarın 19-dan 20-nə keçən gecə qanlı hadisənin başvermə səbəbini xronoloji ardıcıllıqla nəzərə çatdırıb. O, 20 Yanvarın tariximizin qanlı, lakin şanlı, qürur səhifəsi olduğunu söyləyib.

Sonda 20 Yanvarla bağlı videoçarx nümayiş olunub.

1 -dən səhifə 108

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…