Son xəbərlər (407)

Azərbaycan könüllülük siyasətini həyata keçirən və dəstəkləyən nümunəvi ölkələrdən biridir. Bu sözləri jurnalistlərə Dövlət Turizm Agentliyinin aparat rəhbəri Kənan Qasımov “Turizm Könüllüləri” Təşkilatı İctimai Birliyinin təsis konfransında deyib.“Biz Dövlət Turizm Agentliyi olaraq ictimai təşəbbüsləri nəinki dəstəkləyir, eyni zamanda, könüllülük işi ilə bağlı layihələrdə iştirak edirik. Bununla bağlı ölkəmizdə qərar qəbul olunub, “Turizm Könüllüləri” Təşkilatı İctimai Birliyi yaradılıb. Bu konfransdan sonra adı çəkilən təşkilat rəsmi olaraq fəaliyyətə başlayacaq. Təşkilatın məqsədi Azərbaycanda bu sahəyə marağı olan, özlərini turizmdə sınamaq istəyən gəncləri gedən proseslərə cəlb etməkdir. Burada əsas mahiyyət ondan ibarətdir ki, könüllülər ölkədə turizmlə bağlı keçirilən tədbirlərdə iştirak etsinlər, fəallıq göstərsinlər, həm ölkənin qarşıya qoyduğu siyasətin həyata keçirilməsində, həm də öz karyeralarının formalaşdırılmasında rol oynasınlar”. Azərbaycan Turizm və Menecment Universitetinin rektoru İlham Mədətovun rəhbərliyi ilə universitetin bir qrup tələbəsi də dekabrın 5-də keçirilən “Turizm Könüllüləri” Təşkilatı İctimai Birliyinin təsis konfransının iştirakçısı olub. Rektor İ.Mədətov “Turizm Könüllüləri”Təşkilatı İctimai Birliyinin fəaliyyətinə uğurlar arzulayıb. ATMU tələbələrinin ixtisaslı kadr kimi yetişməsində İctimai Birliyin fəaliyyətindən səmərəli faydalanacağına əmin olduğunu xüsusi vurğulayıb.

Azərbaycan Turizm və Menecment Universitetinin rektoru cənab İlham Mədətov 05 dekabr 2019 – cu il tarixində Kolumbiya Respublikasının ölkəmizdə fəaliyyət göstərən səfiri, cənab Luis Antonio Dimate Cardenas ilə görüşüb. İki ölkə arasında mövcud olan əlaqələrin gündən-günə daha da inkişaf etməsindən məmnunluğunu bildirən rektor İlham Mədətov böyük elçiyə Azərbaycan Turizm və Menecment Universitetinin yaranma tarixi, missiyası, inkişaf istiqamətləri, xarici və müvafiq təşkilatlarla qarşılıqlı münasibətlərin faydalılığı barədə ətraflı məlumat verib. Qeyd edək ki, görüş əsnasında həm Azərbaycan, həm də Kolumbiya Respublikalarında turizmin müasir vəziyyəti, inkişaf istiqamətləri, problemləri, ikitərəfli əməkdaşlıq perspektivləri,o cümlədən bir sıra diqqətçəkən məsələlər gündəmin əsas müzakirə predmeti olub.

Azərbaycan Turizm və Menecment Universitetinin “Biznes idarəçiliyi” fakültəsinin Menecment kafedrasının təşkilatçılığı ilə universitetdə “Narkomaniyaya yox” adlı növbəti tədbir olub. Azərbaycan Respublikası Prezidentinin 2019-cu il 22 iyul tarixli Sərəncamı ilə təsdiq olunmuş “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019–2024-cü illər üçün Dövlət Proqramı” və adıçəkilən sənəddə qeyd olunan xüsusi məqamlar iştirakçıların diqqətinə çatdırılıb. Həkim-narkoloq Asif Kəngərli narkotik vasitələrin insan orqanizminə mənfi təsiri, narkomanların bir sıra xəstəliklərə tutulma riskləri və s. barədə geniş məlumat verib. Tədbirə qatılan tələbələr və digər iştirakçılar mövzuya dair videoçarx izləyiblər. Tədbirin sonunda həkim-narkoloq A.Kəngərli tələbələrin çoxsaylı suallarını cavablandırıb.

“NewEra tours” şirkətinin direktoru Elçin Rüstəmov dekabrın 2-də “Qonaq spiker”statusunda Azərbaycan Turizm və Menecment Universitetində olub. “Turizm işinin təşkili” və “Otel idarə olunması”na dair seminarda E.Rüstəmov adıçəkilən mövzular ətrafında tələblərə hərtərəfli məlumat verib və onları maraqlandıran sualları cavablandırıb. Qeyd edilməlidir ki, sənayə nümayəndələrinin ATMU-nun tədris prosesinə cəlb olunması ,nəzəri və praktiki bilikləri tələblərlə bölüşmələri “Karyera və kommunikasiya” şöbəsinin əsas fəaliyyət istiqamətindən biridir.Seminar universitetin“Turizm və otelçilik” ixtisasında təhsil alan tələbləri üçün təşkil olunub.

1 -dən səhifə 102

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…