Azərbaycan Turizm və Menecment Universitetinin rektoru İlham Mədətov 08 oktyabr  2018 – cı il  tarixində Şimalı Kipr Türk Respublikasının Bakıdakı nümayəndəliyinin rəhbəri xanım Ufuk Turganer ilə görüşüb. İlkin olaraq rektor İlham Mədətov qonağa Azərbaycan Turizm və Menecment universitetinin yaranma tarixi,ali təhsil müəssisənin hədəfləri, xarici əlaqələri, gələcək planları haqqında ətraflı məlumat verib. Eyni zamanda ATMU ilə Şimali Kipr Türk Respublikasında fəaliyyət göstərən universitetlər arasında mövcud əlaqələrin möhkəmlənməsi və inkişafı, ATMU tələbələrinin adı keçən ölkədə təcrübə – semester müddətinin təşkili, gələcək ikitərəfli əməkdaşlıq perspektivləri müzakirə olunub.

25 sentyabr 2018-ci il tarixində Azərbaycan Turizm və Menecment Universitetində “Azərbaycan Avstriya Turizm Proqramı” çərçivəsində görüş keçirilmişdir. Görüşdə Azərbaycan Dövlət Turizm Agentliyinin təhsil sektorunun rəhbəri Hüseyn Həsənov və əməkdaşı Leyla Xəlilova, ATMU-nun rektoru İlham Mədətov, Universitetin Elm və inkişaf məsələləri üzrə prorektoru Anar Eminov, Beynəlxalq əlaqələr şöbəsinin müdiri Orxan Musa, “Azerbaycan Avstriya Turizm Proqramı”-nın meneceri Humay Cəfərli və Avstriyanın IMC Krems Tətbiqi Elmlər Universitetinin beynəlxalq proqramlar üzrə direktoru Yens Enen iştirak etmişlər.Görüş çərçivəsində hər iki tərəf ATMU ilə Krems arasında 11 ildir davam etdirilən Azərbaycan-Avstriya Turizm Proqramının uğurlarından məmnunluğunu bildirmişdir. Proqram çərçivəsində təhsil almış tələbələrin müvəffəqiyyət göstəricilərinə dair statistik məlumatlar təqdim olunmuş, proqramın gələcək inkişaf perspektivləri və davam etdirilməsi üçün gərəkli bilinən şərtlər ətraflı müzakirə olunmuşdur.

Sentyabrın 20-də Azərbaycan Turizm və Menecment Universitetində yeni dərs ilinin başlanması münasibətilə universitet tələbələri ilə görüş və “Heydər Əliyev” lektoriyasının təşkilatçılığı ilə “Əsrin müqaviləsinin müstəqil dövlətçiliyin güclənməsində rolu”adlı tədbir olub. ATMU-nun rektoru İlham Mədətov ali təhsil müəssisəsinin tələbəsi adını qazanan  tələbələri təbrik edib.Onlara təhsildə uğurlar qazanıb,dəyərli kadr kimi formalaşmağı arzulayıb. ATMU-nun Tədris işləri üzrə prorektoru İranə xanım Əliyeva əvvəlcə 1-ci kurs tələbələrinin diqqətinə universitet rəhbərliyinin tövsiyyələrini çatdırıb.Azərbaycanda təhsilin inkişaf tendensiyasiyalı əsasının ötən əsrin 70-ci illərində ümummilli lider Heydər Əliyev tərəfindən qoyulduğundan, Prezident İlham Əliyevin Azərbaycan təhsilinə diqqət və qayğısından, Heydər Əliyev Fondunun həyata keçirdiyi layihələrdən danışan İ.Əliyeva, eyni zamanda  ATMU-da yaradılan şəraitdən, obyektivlik və şəffaflıqdan, tədrisin yüksək səviyyədə təşkili üçün görülən işlərdən söz açıb. Tələbələri dərsə davamiyyətə, nizam-intizama ciddi fikir verməyə, dərslərə, qarşıdan gələn imtahan sessiyalarına məsuliyyətlə hazırlaşmağI tövsiyyə edib.ATMU-nun Elm və inkişaf məsələləri üzrə prorektoru Anar Eminov ”Əsrin müqaviləsi”nin müstəqil dövlətçiliyin güclənməsində rolu” mövzusundakı məruzəsində qeyd edib ki,ulu öndər Heydər Əliyevin şəxsi nüfuzu və Ona olan inam sayəsində 1994-cü ilin sentyabr ayında «Əsrin müqaviləsi» imzalandı. Həmin ilin dekabr ayında isə müqavilə Milli Məclis tərəfindən ratifikasiya olundu.«Əsrin müqaviləsi»nin imzalanması Azərbaycanın dirçəlişinə, iqtisadi inkişafına böyük yol açdı. Bir sözlə, bu müqavilənin imzalanması müstəqil Azərbaycanın inkişafının əsasını təşkil edir. Prezident İlham Əliyev belə bir fikir söyləyib ki, bizim məqsədimiz neftdən gələn gəlirləri Azərbaycan xalqının gələcək rifahına yönəltməkdən ibarətdir «Əsrin müqaviləsi» imzalandıqdan sonra 1996-cı ildə «Şahdəniz» yatağı üzrə müqavilə imzalandı və 1997-ci ildə «Çıraq» platformasından ilk neft çıxarıldı. Qeyd edildi ki, 1998-ci ildə Bakı – Novorosiysk neft kəmərinin bərpası nəticəsində Azərbaycan neftinin Qara dəniz vasitəsilə ixracına başlanıldı. 1999-cu ildə Bakı-Supsa neft kəməri, 2002-ci ildə isə Bakı-Tbilisi-Ceyhan əsas ixrac boru kəmərinin təməli qoyuldu və 4 ildən sonra istismarına başlanıldı. Daha sonra Bakı-Tbilisi-Ərzurum qaz kəməri istifadəyə verildi. 2012-ci ildə TANAP üzrə layihə imzalandı. Bu il iyun ayının 12-dən Azərbaycan təbii qazı Türkiyəyə,oradanda Avropaya nəql olunur. A.Eminov Trans-Anadolu Boru Kəmərlərinin (TANAP) Əskişəhərdə keçirilən açılış mərasimində Türkiyə və Azərbaycan Prezidentləri ilə yanaşı, bir çox ölkənin dövlət və hökumət başçıları iştirak etdiyini diqqətə çatdırdı. TANAP layihəsi çərçivəsində təbii qazın “Şahdəniz” və eyni zamanda Azərbaycanın digər yataqlarından Avropa bazarlarına nəqlinin mühüm siyasi və iqtisadi əhəmiyyəti olduğunu dedi. ATMU-nun Turizm və qonaqpərvərlik fakültəsinin dekanı Bahadur Bilalov tədbirdə diqqətə çatdırdı ki, ulu öndər Heydər Əliyevin müəllifi olduğu neft strategiyasının uğurlu nəticələri sayəsində, ictimai-siyasi sabitliyə nail olunub. Azərbaycan nəinki neft sənayesində, qeyri-neft sektorunda da sərmayəçilər üçün əlverişli və cəlbedici ölkəyə çevrilib.Təsadüfü deyil ki, tarixi, siyasi, iqtisadi və beynəlxalq əhəmiyyətinə görə 1994-cü il sentyabrın 20-da imzalanmış neft müqaviləsi «Əsrin müqaviləsi» adlandırılıb.Onu da qeyd edim ki, Xəzər dənizinin Azərbaycan sektorunda “Azəri”, ”Çıraq” yataqlarının və “Günəşli” yatağının dərinlikdə yerləşən hissəsinin birgə işlənməsi və neft hasilatının pay bölgüsü haqqında düzəlişə əsasən bu yataqların işlənməsi müddəti 2050-ci ilə qədər uzadılıb.Yeni dərs ilinin başlanması münasibətilə və “Heydər Əliyev” lektoriyasının təşkilatçılığı ilə “Əsrin müqaviləsinin müstəqil dövlətçiliyin güclənməsində rolu”mövzusunda keçirilən tədbir ATMU  tələbələrinin çoxsaylı suallarının cavablandırılması ilə başa çatıb.

Sentyabrın 15-də Azərbaycan Turizm və Menecment Universitetində (ATMU) 2018/2019-cu il tədris ilinin başlanması münasibətilə tədbir keçirilib.Azərbaycanın dövlət himni səsləndirildikdən sonra .Azərbaycan Turizm və Menecment Universitetinin Elm və inkişaf məsələləri üzrə prorektoru Anar Eminov “Bilik Günü-2018”adlı tədbiri açıq elan etdi.Tədbirdə ATMU-nun rektoru cənab İlham Mədətov Bilik günü münasibətilə tələbələri təbrik edərək, onlara yeni uğurlar arzulayıb. Universitetin 12 illik fəaliyyəti dövründə ölkənin ali təhsil ocaqları arasında bir sıra nailiyyətlərə imza atdığını deyən İ.Mədətov qeyd edib ki, indiyədək 2497 məzun universitetin bakalavr pilləsini bitirib, onlardan 151-i magistr dərəcəsi alıb. Onun sözlərinə görə, tələbələrdən 194-ü ilk dəfə olaraq bakalavr və magistr pilləsində Azərbaycan Turizm və Menecment Universitetinin, o cümlədən Avstraliyanın İMC Krems TEU-nun diplomunu alıb. Qeyd olunub ki, bu tədris ilində universitet tələbələrindən 3 nəfər Türkiyədə, 9-u Kiprdə, 47-i İsraildə, Çində 4 nəfər və 200-dən çoxu isə Azərbaycanda istehsalat təcrübəsini uğurla başa vurub.İ.Mədətov vurğulayıb ki, yeni tədris ilində ATMU-ya 10 ixtisas üzrə qəbul olunan 441 tələbədən 211-i dövlət sifarişi əsasında, 230-u isə ödənişli əsaslarla təhsilini davam etdirəcək. Azərbaycan Turizm Agentliyinin rəsmisi Kənan Qasımov yeni tədris ilinin başlanması münasibətilə tələbə və müəllimləri təbrik edib Ölkədə turizm sektorunun inkişafına toxunan K.Qasımov deyib: “Son illər regionlarda turizm infrastrukturunun gücləndirilməsi, çoxsaylı yeni turizm obyektlərinin istifadəyə verilməsi, təbii və mədəni turizm destinasiyalarının turist cəlbediciliyi baxımından inkişafı və ölkənin tanıdılması istiqamətində önəmli tədbirlərin təşkili məhz, qeyri-neft sektorunun aparıcı sahələrindən biri olan turizmin inkişafı deməkdir.Daha sonra K.Qasımov Azərbaycan Respublikası Dövlət Turizm Agentliyinin strukturunda fəaliyyət göstərən  ATMU-da yaradılan təhsil-təcrübə imkanlarından səmərəli  faydalanıb yaxşı oxumalarını tələbələrə tövsiyyə etdi .Azərbaycanın yüksək ixtisaslı və peşəkar kadrlara hər zaman ehtiyacı olduğunu dedi. 2018/2019-cu tədris ilində ATMU tələbəsi adını qazanan 441 tələbənin 4 ildən sonra bakalavr pilləsini uğurla başa vurmalarını arzuladı. Diqqətətə çatdırdı ki, Azərbaycan Turizm və Menecment Universitetində təhsil sahəsində heç bir tələbəyə güzəşt edilmir. Deməli,,tələbə kontingenti olaraq dərslərə ciddi hazırlaşmaqla,semestr imtahanlarında hazırlıq səviyyənizi layiqincə təsdiqləməlisiniz.Tədbirdə AATP qrupunda təhsil alan Kamran İsmayılov Azərbaycan Turizm və Menecment Universiteti ilə eyni zamanda tərəfdaş ali təhsil müəssisəsi-Avstriyanın İMC Krems Tətbiqi Elmlər Universitetinin də diplomunu almaq üçün tələbələrə yaradılan imkandan danışdı.Hər bir tələbənin xaricdə və ölkəmizin nüfuzlu turizm müəssisələrində təcrübə keçmələrinə şərait yaradıldığını bildirdi.ATMU-ya ən yüksək balla qəbul olan Gülçöhrə Abdurahmanlı sevincini tələbələrlə bölüşdü. Sonda ATMU-ya yüksək balla qəbul olan 12 gəncə tələbə biletləri təqdim olunub.

1 -dən səhifə 21

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…