Azərbaycan Turizm və Menecment Universitetində İtaliya Respublikasında fəaliyyət göstərən Romualdo Del Blanko Fondunun baş katibi Simone Giometti ilə görüş keçirilib. ATMU-nun rektoru İlham Mədətov qonağa universitetin fəaliyyət istiqamətləri, beynəlxalq əlaqələri və gələcək planlar haqqında ətraflı məlumat verib. Geniş fikir mübadiləsi şəraitində davam edən görüşdə mümkün əməkdaşlıq imkanlarının daha da inkişaf etdirilməsi müzakirə edilib. Beynəlxalq təşkilatın müvafiq tədbirlərindən birinin ATMU-da təşkil edilməsi qərara alınıb.Qeyd etmək lazımdır ki, ATMU 2015-ci ildən Romualdo Del Blanko Fondu ilə əməkdaşlıq edir. İndiyədək ATMU nümayəndələri təşkilatın müxtəlif tədbirlərində fəal iştirak ediblər.

22 aprel 2019-cu il tarixində Azərbaycan Turizm və Menecment Universitetinin rektoru İlham Mədətov, rektor müşaviri Elvin Yusifli və  dekan Anar Mirzəyevin iştirakı ilə 2018/2019-cu tədris ilinin qış imtahan sessiyasını əla qiymətlərlə başa vuran “Biznes idarəçiliyi” fakültəsinin əlaçı tələbələri ilə görüş keçirilib.  Geniş fikir mübadiləsi şəraitində keçən görüşdə tədris prosesi, tələbə-müəllim münasibətləri, mübadilə proqramlarının əhəmiyyətindən danışılıb. Tədrisin keyfiyyət mexanizminin təkmilləşdirilməsi istiqamətində görülən işlər çərçivəsində yay imtahan sessiyası dövründə də yüksək nəticələrin təmini məqsədilə əlaçı tələbələrin rəyi öyrənillib.   Rektor İlham Mədətov imtahanlarda yüksək nəticə göstərən tələbələrə təşəkkürnamə təqdim edib.

Azərbaycan gəncliyi hər zaman ictimai proseslərin önündə gedərək, dövlətçiliyin inkişafında önəmli rol oynamışdır. Ümummilli lider Heydər Əliyev cəmiyyətin tərəqqisinin gənclərimizin müasir dövrün tələblərinə cavab verən intellektual səviyyəyə malik şəxslər kimi yetişməsindən asılı olduğunu dəfələrlə qeyd etmiş, gənclərə, onların təhsili və maarifləndirilməsinə daim böyük diqqət və qayğı göstərmişdir. Ulu öndərin ideyaları bu gün Azərbaycan Respublikasının Prezidenti cənab İlham Əliyev tərəfindən uğurla həyata keçirilir. Daha savadlı, istedadlı və dinamik gəncliyin formalaşması üçün bu gün hökumətimiz, o cümlədən təhsil sahələrində islahatlar həyata keçirir, gənclərin ictimai-siyasi həyatda rolunun artırılmasına xüsusi diqqət yetirir. Məhz dövlət başçımızın məqsədyönlü siyasəti nəticəsində respublikamız bu sahədəki strateji məqsədlərinə doğru inamla irəliləyir.Ölkəmizdə enerji sahəsində əldə edilmiş uğurlar iqtisadiyyatın bütün digər sahələrində də dinamik inkişafa nail olmaq məqsədilə mühüm tədbirlərin görülməsinə imkan verir. Hazırda Azərbaycanda turizm sənayesinin qeyri-neft sektorunun aparıcı istiqamətlərindən birinə çevrilməsi istiqamətində mütəmadi tədbirlər həyata keçirilir. Turizm sahəsinin inkişafı perspektivdə önəmli maddi mənfəətin əldə edilməsi ilə yanaşı, ölkə vətəndaşlarının, əsasən də gənclərimizin iş yerləri ilə təminatına, bütünlükdə insanların sosial rifahının daha da yüksəldilməsinə hesablanmışdır.13 il əvvəl ölkəmizdə turizm sektorunun inkişaf etdirilməsi üçün tələb olunan ixtisaslı kadrların hazırlanmasını təmin etmək məqsədilə Azərbaycan Respublikasının Prezidenti cənab İlham Əliyevin təşəbbüsü və müvafiq Sərəncamı ilə Azərbaycan Turizm və Menecment Universiteti (ATMU) yaradılmışdır. Məlum olduğu kimi, hazırda Azərbaycan turizm sənayesinin problemlərindən biri də dünya standartlarına cavab verən peşəkar kadrların azlığı ilə bağlıdır. Turizm sənayesinin dünya iqtisadiyyatının ən gəlirli və insan tutumlu sahələrindən biri olduğunu nəzərə alsaq, bu sahənin işsizliyin aradan qaldırılması, ölkənin iqtisadi inkişafı, habelə maddi-mədəni irsinin, tarixinin, adət-ənənələrinin təbliği baxımından müstəsna imkanlara malik olduğu aydın olar. Bugünlərdə ölkəmizin başçısı cənab İlham Əliyevin imzaladığı iki mühüm sərəncam Azərbaycanda təhsilin bütün səviyyələrdə inkişafına göstərilən növbəti böyük qayğıdan xəbər verir. Belə ki, “Ali təhsil müəssisələrində təqaüd sisteminin təkmilləşdirilməsi ilə bağlı əlavə tədbirlər barədə Azərbaycan Respublikası Prezidentinin Sərəncamı” və “Doktorantlara, ali təhsil, orta ixtisas və peşə təhsili müəssisələrində, həmçinin Azərbaycan Milli Elmlər Akademiyasının magistratura səviyyəsində təhsil alan tələbələrə təqaüdlərin verilməsi haqqında Azərbaycan Respublikası Prezidentinin Sərəncamı” doktorant və dissertantları elm tutumlu tədqiqatları uğurla yerinə yetirmələrinə,  ali məktəb tələbələrini daha yaxşı oxumağa,eyni zamanda layiqli vətəndaş, peşəkar kadr  olmağa səfərbər edir.

Noyabrın 30-da Azərbaycan Turizm və Menecment Universitetinin (ATMU) təşkilatçılığı ilə “Müasir dövrdə effektiv idarəetmənin problemləri” mövzusunda respublika elmi-praktik konfransı keçirilib.Tədbirdə çıxış edən ATMU-nun rektoru İlham Mədətov konfransın keçirilməsinin əsas məqsədinin müasir dövrümüzdə idarəetmə sistemində təzahür edən modernləşmə və yeni idarəetmə modellərinin, müasir vətəndaşı məmnun edən idarəetmənin qurulmasının zəruriliyini üzə çıxarmaqdan ibarət olduğunu söyləyib. Bildirilib ki, konfransa respublikanın 20 ali məktəbindən 65 məruzə təqdim edilib.Rektor bildirib ki, idarəetmə sosial, siyasi funksiya daşıyaraq ictimai həyatımızın bütün sferalarında müxtəlif istiqamətlərdə özünü göstərir. İdarəetmə ictimai həyatımızın bütün sferalarının tənzimlənməsində, davamlı inkişafın, rifah və məmnunluq səviyyəsinin təmin olunmasında, peşəkar və səmərəli fəaliyyətin formalaşdırılmasında böyük əhəmiyyət kəsb edir. Spesifik fəaliyyət növü olan idarəetmə tələbatların və fəaliyyət formalarının uzlaşdırılması vasitəsilə inkişaf proseslərinin tənzimlənməsinə yönələn xüsusi sosial funksiya kimi, hər dövrün öz obyektiv zərurətindən irəli gələn modellər və metodlar əsasında həyata keçirilir.Universitetin beynəlxalq əlaqələr şöbəsinin müdiri Orxan Musa ATMU tərəfindən bu konfransın dörd ildir keçirildiyini söyləyib. Müasir dövrdə mövzunun aktuallığını qeyd edən O.Musa diqqətə çatdırıb ki, konfransda müasir idarəetmə, idarəetmə prinsipləri, idarəetmə üçün qarşıda duran əsas vəzifələr müzakirə olunacaq, bu sahədə mövcud problemlərin həllinə və digər məsələlərə aydınlıq gətiriləcək.Sonra İqtisadi İslahatların Təhlili və Kommunikasiya Mərkəzinin icraçı direktoru, iqtisad elmləri doktoru Vüsal Qasımlı “Strateji idarəetmə: effektivlik, hesabatlılıq və şəffaflıq” mövzusunda məruzə ilə çıxış edib. O, strateji idarəetmədən, dövlət və biznes idarəetməsinin modellərindən, həmçinin bu sahədə dövlət və özəl qurumların birgə əməkdaşlığından, müasir dövrdə idarəetmənin problemlərindən söz açıb.V.Qasımlı konfransda müzakirə olunan məsələlərin sonralar dövlət siyasətində və biznesin inkişaf etdirilməsində öz vacib praktik tətbiqini tapacağına və əhəmiyyətli rol oynayacağına əminliyini bildirib.Dövlət Turizm Agentliyinin nümayəndəsi Elvin Yusifli, Azərbaycan Dövlət Aqrar Universitetinin əməkdaşı Asif Həsənov və digər çıxış edənlər konfransın mövzusunun aktual olduğunu söyləyib, tədbirin fərqli sahələrdə fəaliyyət göstərən tərəfdaş qurumlar arasında əməkdaşlığın qurulmasına, şəbəkələşmə və yeni elmi yaradıcılıq imkanlarının yaradılmasına mühüm töhfə verəcəyini qeyd ediblər.Sonra konfrans işini “İqtisadiyyatda müasir yanaşmalar və inkişaf tendensiyaları”, “Xidmət sektorunda idarəetmə tendensiyaları” və “Sosial sahələrin idarə edilməsi” mövzularında bölmələr üzrə davam etdirib. Bölmə iclaslarında müvafiq dövlət qurumlarının nümayəndələrinin müxtəlif sahələr üzrə məruzələri dinlənilib.

1 -dən səhifə 22

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…