Azərbaycan gəncliyi hər zaman ictimai proseslərin önündə gedərək, dövlətçiliyin inkişafında önəmli rol oynamışdır. Ümummilli lider Heydər Əliyev cəmiyyətin tərəqqisinin gənclərimizin müasir dövrün tələblərinə cavab verən intellektual səviyyəyə malik şəxslər kimi yetişməsindən asılı olduğunu dəfələrlə qeyd etmiş, gənclərə, onların təhsili və maarifləndirilməsinə daim böyük diqqət və qayğı göstərmişdir. Ulu öndərin ideyaları bu gün Azərbaycan Respublikasının Prezidenti cənab İlham Əliyev tərəfindən uğurla həyata keçirilir. Daha savadlı, istedadlı və dinamik gəncliyin formalaşması üçün bu gün hökumətimiz, o cümlədən təhsil sahələrində islahatlar həyata keçirir, gənclərin ictimai-siyasi həyatda rolunun artırılmasına xüsusi diqqət yetirir. Məhz dövlət başçımızın məqsədyönlü siyasəti nəticəsində respublikamız bu sahədəki strateji məqsədlərinə doğru inamla irəliləyir.Ölkəmizdə enerji sahəsində əldə edilmiş uğurlar iqtisadiyyatın bütün digər sahələrində də dinamik inkişafa nail olmaq məqsədilə mühüm tədbirlərin görülməsinə imkan verir. Hazırda Azərbaycanda turizm sənayesinin qeyri-neft sektorunun aparıcı istiqamətlərindən birinə çevrilməsi istiqamətində mütəmadi tədbirlər həyata keçirilir. Turizm sahəsinin inkişafı perspektivdə önəmli maddi mənfəətin əldə edilməsi ilə yanaşı, ölkə vətəndaşlarının, əsasən də gənclərimizin iş yerləri ilə təminatına, bütünlükdə insanların sosial rifahının daha da yüksəldilməsinə hesablanmışdır.13 il əvvəl ölkəmizdə turizm sektorunun inkişaf etdirilməsi üçün tələb olunan ixtisaslı kadrların hazırlanmasını təmin etmək məqsədilə Azərbaycan Respublikasının Prezidenti cənab İlham Əliyevin təşəbbüsü və müvafiq Sərəncamı ilə Azərbaycan Turizm və Menecment Universiteti (ATMU) yaradılmışdır. Məlum olduğu kimi, hazırda Azərbaycan turizm sənayesinin problemlərindən biri də dünya standartlarına cavab verən peşəkar kadrların azlığı ilə bağlıdır. Turizm sənayesinin dünya iqtisadiyyatının ən gəlirli və insan tutumlu sahələrindən biri olduğunu nəzərə alsaq, bu sahənin işsizliyin aradan qaldırılması, ölkənin iqtisadi inkişafı, habelə maddi-mədəni irsinin, tarixinin, adət-ənənələrinin təbliği baxımından müstəsna imkanlara malik olduğu aydın olar. Bugünlərdə ölkəmizin başçısı cənab İlham Əliyevin imzaladığı iki mühüm sərəncam Azərbaycanda təhsilin bütün səviyyələrdə inkişafına göstərilən növbəti böyük qayğıdan xəbər verir. Belə ki, “Ali təhsil müəssisələrində təqaüd sisteminin təkmilləşdirilməsi ilə bağlı əlavə tədbirlər barədə Azərbaycan Respublikası Prezidentinin Sərəncamı” və “Doktorantlara, ali təhsil, orta ixtisas və peşə təhsili müəssisələrində, həmçinin Azərbaycan Milli Elmlər Akademiyasının magistratura səviyyəsində təhsil alan tələbələrə təqaüdlərin verilməsi haqqında Azərbaycan Respublikası Prezidentinin Sərəncamı” doktorant və dissertantları elm tutumlu tədqiqatları uğurla yerinə yetirmələrinə,  ali məktəb tələbələrini daha yaxşı oxumağa,eyni zamanda layiqli vətəndaş, peşəkar kadr  olmağa səfərbər edir.

Bakı Biznes Universitetinin koordinatoru və Azərbaycan Turizm və Menecment Universitetinin tərəfdaş olduğu  “EQAC –Erasmus Plus” layihəsi üzrə növbəti təlim- tədbir Böyük Britaniyanın London şəhərində yerləşən Middlesex Universitetində keçirilib. Beynəlxalq tədbirdə Azərbaycan Turizm  və Menecment Universitetini layihə meneceri, dosent Flora Ələsgərova, rektor müşaviri Elvin Yusifli, “Akkreditasiya və Keyfiyyət təminatı” şöbəsinin bölmə rəhbəri Simnar Mamedov və layihə mütəxəssisi Samir Məhərrrəmov təmsil ediblər.Təlimi giriş sözü ilə açan Middlesex Universiterinn programlar üzrə direktoru George Dafoulas universtetdəki diqqətçəkən yeniliklərdən,həmçinin layihənin icrasını şərtləndirən məqsəd və vəzifələrdən ətraflı bəhs edib.Azərbaycan universitetlərində keyfiyyətə nəzarət mərkəzlərinin yaradılması və fəaliyyət mexanizminin Avropa təhsil standartlarına uyğun formalaşdırılmasını başlıca hədəflərdən biri kimi dəyərləndirib. Middlesex Universitetinin keyfiyyətə nəzarət bölməsində yaradılan idarəetmə sistemi təlim iştirakçıları tərəfindən maraqla qarşılanıb və praktik tapşırıqlar çərçivəsində detallı müzakirəyə səbəb olub. ATMU-nun layihə meneceri F.Ələsgərova bildirib ki, Avropa ölkələrinin çoxsaylı tərəfdaş universitet nümayəndələrinin azərbaycanlı təlim iştirakçıları ilə apardıqları fikir mübadiləsi konkret vəzifələrin icrasına təkan verəcək.Beynəlxalq təlimin sonunda Azərbaycanın Böyük Britaniyadakı səfirliyinin 1-ci katibi Hüseyn Hüseynov və Middlesex Universitetinin səlahiyyətli təmsilçisi Tim Blackman iştirakçılara sertifikatlar təqdim ediblər.

15 fevral 2019 – cu il tarixində Azərbaycan Turizm və Menecment Universitetinin rektoru İlham Mədətov ilə Amerika Ticarət Palatasının nümayəndələri arasında  görüş keçirilib. Ali təhsil müəssisəsinin rektoru İ.Mədətov qonaqlara ATMU-nun inkişaf dinamikası, hədəfləri, tədris prosesi, beynəlxalq əlaqələr, tələbə həyatı ilə bağlı ətraflı məlumat verib. Qonaqlar isə Amerika Ticarət Palatasının ölkəmizdəki fəaliyyəti,həyata keçirdiyi müxtəlif yerli və beynəlxalq layihələr, icrası planlaşdırılan işlərdən danışıblar. Görüşdə ATMU və adıkeçən təşkilat arasında əməkdaşlıq imkanları müzakirə olunub.

Təbrik edirik

ATMU-nun 2017-ci il məzunu Sara Rəcəbli 1 fevral 2019-cu il tarixində Azərbaycan Gəncləri Gününə həsr olunmuş Respublika toplantısında Gənclər üçün Prezident mükafatına layiq görülüb.

1 -dən səhifə 71

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…