14 MART 2019cu ilFairmont Baku Oteli ATMU tələbələrinin təcrübə proqramına cəlb edilməsiylə bağlı təqdimat etmişdir. Təqdimatdan dərhal sonra, maraqlanan tələbələr müsahibəyə dəvət olundu. 53 tələbə müsahibədə iştirak etmiş, bir çox tələbələr öz CVlərini təqdim ediblər.

Azərbaycan Turizm və Menecment Universitetinin rektoru cənab İlham Mədətov 18 mart 2019 – cu il tarixdə ali təhsil müəssisəsində Kuba  Respublikasının Bakıdakı fövqəladə və  səlahiyyətli səfiri cənab Alfredo Nieves Portuondo   ilə görüşü zamanı ölkələrimiz arasındakı mövcud tarixi əlaqələrin möhkəmlənməsi və dinamik inkişafını şərtləndirən cəhətlərə münasibət bildirib. Qarşılıqlı səmimilik şəraitində keçən söhbət əsnasında Azərbaycan Turizm və Menecment Universitetinin (ATMU) fəaliyyət tarixində xarici əlaqələrin üstünlükləri, ikili dirlom proqramının yaratdığı imkanlar,tələbə-müəllim mübadiləsi, dünyanın nüfuzlu otel və turizm sənaye müəssisələrində  təcrübə semestrinin təşkili və sair məsələlər nəzərdən keçirilib.Rektor İlham Mədətov böyük elçini, o cümlədən ATMU-nun ixtisaslı kadr hazırlığı sahəsində perspektiv planları barədə məlumatlandırıb. hər iki ölkədə turizmin müasir vəziyyəti, inkişaf istiqamətləri və problemləri, ikitərəfli əməkdaşlıq  məsələləri ətrafında fikir mübadiləsi aparılıb.

Azərbaycan Turizm və Menecment Universitetində (ATMU)  adıçəkilən ali təhsil müəssisəsinin  “Biznes idarəçiliyi” fakultəsi İqtisadiyyat kafedrasının təşkilatçılığı ilə “Müəssisələrdə daxili audit funksiyasının rolu, reallıqlar və yeni çağırışlar” mövzusunda seminar keçirilib. Sənaye nümayəndələri ilə əməkdaşlığı şərtləndirən növbəti tədbirdə AFB Bank ASC-nin məsul nümayəndələri-Audit Komitəsinin sədri Şadiyyə Amanova, Baş auditoru Əlibala Ağayev və Auditor Murad Əliyev iştirak ediblər. Seminarda “Daxili Audit üzrə Beynəlxalq Standartlar və Etik Məcəllə”, “Daxili audit tapşırıqlarının əhatə dairəsi və tətbiq sahələri”, “Müasir dövrdə audit tapşırıqlarının aparılmasına tələblər və istifadə edilən alətlər”, “Fırıldaqçılıq halları,başvermə səbəbləri və aşkar olunmasında daxili auditin rolu”, “Daxili audit tapşırıqlarının icrası zamanı və daxili audit fəaliyyətinin səmərəliliyinin artırılmasında İT-nin praktik rolu” və sair mövzularda söhbət-müzakirə aparılıb.Tədbir iştirakçıların geniş fikir mübadiləsi şəraitində başa çatıb.

Finlandiya Respublikasının Kajaani şəhərində ”Erasmus+” proqramı çərçivəsində ”Beynəlxalq həftə” adlı tədbir keçirilib. Bildiyiniz kimi beynəlxalq təhsil proqramında müxtəlif ölkələrin universitetləri müvafiq istiqamətlər,o cümlədən də tələbə-müəllim mübadiləsində maraqlıdırlar. Azərbaycan Turizm və Menecment Universitetinin Beynəlxalq əlaqələr şöbəsinin müdiri Orxan Musa müxbirimizə bildirib ki, ATMU Kajaani Tətbiqi Elmlər Universiteti ilə 4 ildən çoxdur ki, adikeçən beynəlxalq təhsil proqramı çərçivəsində əməkdaşlıq edir. Bu il fevralın 23–dən martın 1-ə kimi fəaliyyət göstərən beynəlxalq tədbirin əsas qayəsi isə müxtəlif ali təhsil müəssisələri arasında səmərəli əməkdaşliq, ”Erasmus+” proqramı cərcivəsində yeni cagırıs ilinin müzakirəsi ilə bərabər, beynəlxalq tələbə layihələrinin səmərəli təskilindən ibarət idi. O.Musanın bildirdiyinə görə 2016- cı ildən bugünədək ATMU ve KAMK tələbələri Azərbaycan və Finlandiyada kənd turizminin tədqiqi və araşdırılması istiqamətində muxtəlif layihələr həyata keciriblər. Hər iki  ölkədə yay məktəbləri təşkil olunub. ATMU-nun 8 nəfər tələbəsi ”Erasmus+” beynəlxalq təhsil proqramından yararlanmaqla tərəfdaş universitetdə təhsil alıb.Onu da qeyd edək ki, Azərbaycan Turizm və Menecment Universiteti və KajaaniTətbiqi Elmlər Universiteti müvafiq ali təhsil müəssisələrinin fəaliyyət strategiyasına uyğun olaraq  ikili diplom proqramının tezliklə gerçəkləşməsinə qərar veriblər.  

1 -dən səhifə 44

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…