Son xəbərlər (317)

ATMU-nun 2017-ci il məzunu Sara Rəcəbli 1 fevral 2019-cu il tarixində Azərbaycan Gəncləri Gününə həsr olunmuş Respublika toplantısında Gənclər üçün Prezident mükafatına layiq görülüb.

Azərbaycan Turizm və Menecment Universitetində “20 Yanvar: Azərbaycanın qəhrəmanlıq salnaməsi” mövzusunda “dəyirmi masa” keçirilib. ATMU-nun rektoru İlham Mədətov 20 Yanvar faciəsinin 29-cu ildönümünə həsr olunan “dəyirmi masa”da çıxış edərək 1990-cı il yanvarın 19-dan 20-nə keçən gecə totalitar sovet rejiminin Azərbaycan xalqına qarşı həyata keçirdiyi tarixi cinayət haqqında ətraflı məlumat verib. 20 Yanvar faciəsini “çağdaş Azərbaycan tarixinin qəhrəmanlıq salnaməsi” adlandıran rektor ümummilli lider Heydər Əliyevin keçmiş sovet rəhbərliyinin Azərbaycanda törətdiyi hərbi siyasi cinayətin beynəlxalq aləmə çatdırılmasındakı tarixi xidmətlərindən danışıb. İ.Mədətov 20 Yanvar faciəsini sovet imperiyası tərəfindən xalqımızın müstəqillik əzmini sarsıtmaq üçün qabaqcadan düşünülmüş ssenari əsasında həyata keçirildiyini diqqətə çatdırıb.Son iki əsrdə ermənilərin Azərbaycan xalqına qarşı həyata keçirdiyi soyqırımı və işğalçılıq siyasətinin növbəti mərhələsi olduğnu, 20 Yanvar faciəsinin erməni və ermənipərəst sovet rəhbərliyi tərəfindən törədildiyini qeyd edib. Dövlət müstəqilliyimizə tuşlanan gülləyə sinələrini sipər edən qəhrəman oğul və qızlarımızın gələcək nəsillərə örnək olduğunu, onların əziz xatirələrinin daima əziz tutulacağını vurğulayıb.Tədbirdə universitetin İctimai fənlər  kafedrasının müdiri ,dos.İbrahim Əliyev, adıçəkilən kafedranın professoru Məhərrəm Zülfüqarlı detallı məruzələrində bildiriblər ki, 1990-cı il yanvar ayının 20-i Azərbaycan tarixinin qanlı səhifəsinə çevrilsə də, eyni zamanda xalqımızın qəhrəmanlıq ənənələrinə sadiqliyini, vətənin müstəqilliyi və azadlığı uğrunda canından belə keçməyə hazır olduğunu bir daha sübut edib.Faciədən bir gün sonra ümummilli lider Heydər Əliyev təhlükə və təqiblərə baxmayaraq, Azərbaycanın Moskvadakı daimi nümayəndəliyinə gələrək sovet rəhbərliyinə, kommunist rejiminə etirazını bildirməklə, düzgün qərar qəbul etmək bacarığını bir daha təsdiqləyib. Bu faciə zamanı xalqımızın Azərbaycan milləti olaraq düşmənə qarşı birləşdiyini bütün dünyaya bildirib.Qeyd edilib ki,  Qanlı Yanvar hadisələrinə əsl siyasi-hüquqi qiymət yalnız Azərbaycan xalqının ümummilli lideri Heydər Əliyevin yenidən hakimiyyətə qayıtmasından sonra verildi. Ulu öndər 20 Yanvar şəhidlərinin xatirəsini daim əziz tutub,dahi rəhbərin təşəbbüsü ilə Şəhidlər Xiyabanında möhtəşəm abidə kompleksi ucaldılıb.ATMU-da gün ərzində 20 Yanvar faciəsinə həsr olunan sənədli və bədii əsərlər sərgilənib.

2018/2019-cu tədris ilinin qış imtahan sessiyası ərzində şəffaflığı və obyektivliyi təmin etmək məqsədilə Azərbaycan Turizm və Menecment Universitetində imtahan qərargahı yaradılıb. Qərargah sədri rektor İlham Mədətov, sədr müavinləri isə prorektorlar Hüseyn Həsənov və İranə Əliyevadır. İmtahan qərargahına Milli Məclisin üzvü Musa Qasımlı, AMEA-nın nəzdində Fəlsəfə İnstitutunun direktoru İlham Məmmədzadə, “Skal İnternational Baku”nun prezidenti Ceyhun Aşurov, “CRC” şirkətinin təsisçisi Dəyanət Əhmədov, AZTA sədrinin müşaviri Müzəffər Ağakərimov,Azərbaycan Respublikası Prezidenti yanında QHT Şurasının mütəxəssisi Tural Hüseynli,Milli QHT forumunun Turizm İnkişaf Mərkəzinin rəhbəri Ruslan Quliyev,  KİV nümayəndələri və valideynlər daxildir.Bu gün ATMU-da 2018/2019–cu tədris ilinin qış imtahan sessiyasının gedişini izləmək məqsədilə keçirilən “Açıq qapı” günündə ali təhsil müəssəsəsinin rektoru İlham Mədətov tədbir iştirakçılarını salamladıqdan sonra “elmin incəliklərinə bələd olmaq, seçdiyi peşənin gələcəkdə layiqli mütəxəssisi olmaq üçün oxumağın əsas meyar olduğunu” diqqətə çatdırdı. Universitet və ya kolleclərə daxil olmağın asan, lakin oxumağın çətinliklərindən söz açdı.Eyni zamanda valideynlərə övladlarını səbəbsiz və mənasız əyləncələrdən qorumağı tövsiyə etdi. Uşağın qabiliyyəti, bacarığı nəyə çatarsa və istəyi nəyə olarsa, onu o sahəyə yönləndirməyin faydalı olduğunu dedi.ATMU-nun prorektoru Hüseyn Həsənov diqqətə çatdırdı ki, imtahanlarda səffaflığı qorumaq, neqativ hallara imkan verməmək üçün qərargaha daxil olan hər bir şikayət, imtahanların təşkilində və gedişində baş verən nöqsanlar operativ aradan qaldırılır. Buna görə də qərargahın qaynar xətti 24 saat açıqdır. Gecənin hansı saatında verdiyi cavabla, qiymətləndirilmə ilə bağlı tələbənin qaynar xəttə müraciət etmək imkanı var.Ümumi tanışlıqdan sonra tədbirdə iştirak edən valideynlər, ekspertlər və universitetin rəhbərliyi imtahanların gedişini izləmək üçün imtahan zalına daxil oldular.Qeyd etmək lazımdır ki, ATMU-da 3 fakültə fəaliyyət göstərir. Konkret olaraq indiyədək ali təhsil müəssisəsinin turizm və qonaqpərvərlik fakültəsində bakalavr və magistr pilləsi üzrə 42 qrupda 121 imtahan keçirilib.Ümumi imtahan nəticəsi isə 2.439 həddindədir.Biznes idarəçiliyi fakültəsində 40 qrup üzrə 112 imtahandan 1619, Xidmət mühəndisliyi fakültəsində isə 22 qrup üzrə 124 imtahandan 1744 nəticə alınıb. 2018/2019-cu tədris ilinin qış imtahan sessiyası fevralın əvvəlində başa çatacaq.

Azərbaycan Turizm və Menecment Universitetində 2018/2019-cu tədris ilinin qış imtahan sessiyası başlayıb. Rektor İlham Mədətov dekanlar, müəllimlər, tütorlarlar və nəzarətçilərlə görüşündə imtahanların şəffaf keçiriləcəyini, tələbələrin biliyinin qiymətləndirilməsində obyektivliyin təmin olunacağını bildirib. Ali təhsil müəssisəsində imtahan sessiyasının gedişinə nəzarət etmək, tələbə və valideynlərin müraciətlərinin qəbulu, o cümlədən araşdırılması məqsədilə qərargah, onun nəzdində “Qaynar xətt”in yaradıldığını diqqətə çatdırıb. ATMU-dan verilən məlumatda bidirilir ki, akademik təqvimə müvafiq “Turizm və qonaqpərvərlik” fakültəsində bakalavr təhsili üzrə ümumilikdə 164 imtahan-131 yazılı, 26 təqdimat, İnformatika fənnindən 7 imtahan isə yazılı-təqdimat, magistr təhsili üzrə 74 imtahandan 53-ü yazılı, 20-i təqdimat, “Biznes idarəçiliyi” fakültəsində bakalavr təhsili üzrə 168 imtahandan 108-i yazıllı, 61-i təqdimat, magistr təhsili üzrə 51 imtahandan 15-i yazılı, 36-ı təqdimat , “Xidmət mühəndisliyi” fakültəsində bakalavr təhsili pilləsində 140, magistr təhsili üzrə 88 imtahan yazılı olacaq. Dekanlıqlar tərəfindən fənn və qruplara görə “Tələbənin biliyinin çoxballı sistemlə qiymətləndirilməsi cədvəli” tərtib edilib.Azəbaycan Turizm və Menecment Universitetində 1688 nəfər bakalavr və magistrantın iştirak etdiyi qış semestr imtahanları fevral ayının 2-nə kimi davam edəcək. Sessiya imtahanları nəticəsində yarana biləcək narazılıqların mövcud qaydalar əsasında araşdırılması məqsədilə apellyasiya komissiyası fəaliyyət göstərəcək. Qeyd edilən dövrdə valideynlərin və ictimaiyyət nümayəndələrinin iştirakı ilə “Açıq qapı” günü keçiriləcək.

4 -dən səhifə 80

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…