Son xəbərlər (356)

Türkiyə Respublikasının İzmir Kamalpaşa Bələdiyyəsi və Ege Peşəkar Aşpazlar Dərnəyinin təşkilatçılığı ilə 30 aprel - 6 may 2019 – cu il tarixlərində Türkiyə Respublikasının İzmir şəhərində “III Beynəlxalq yemək yarışması və Mədəniyyət” festivalı keçirilib. Adıkeçən beynəlxalq tədbirdə Azərbaycan Milli Kulinariya Mərkəzinin  təşəbbüsü və təşkilatçılığı çərçivəsində ölkəmiz də iştirak hüququ qazanıb. Dünya xalqları təmsilçilərinin qatıldığı beynəlxalq tədbirdə Azərbaycan Turizm və Menecment Universiteti (ATMU)  xidmət mühəndisliyi fakultəsinin qida məhsulları mühəndisliyi ixtisası üzrə təhsil alan 3 – cü kurs tələbəsi Gülnur Nağızadə ”III Beynəlxalq yemək yarışması və Mədəniyyət” adlı beynəlxalq yarışmanın qalibi olub. Münsiflər heyətinin yekdil qərarı ilə G.Nağızadə beynəlxalq festivalın qızıl və gümüş medalına layiq görülüb.

06-09 may 2019-cu il tarixlərində Ekoloji Tarazlıq ictimai birliyi, Kajaani Tətbiqi Elmlər Universiteti (KAMK), və “Ketury” ictimai birliyinin birgə həyata keçirdiyi “Dayanıqlı turizmin inkişafı və Azərbaycanın kəndlərində yerli sənətkarlığa dəstək” layihəsi çərçivəsində Azərbaycan Turizm və Menecment Universiteti və  Kajaani Tətbiqi Elmlər Universitetinin tələbələri ilə birgə Lənkəranda Yay Ekoloji Turizm Düşərgəsi təşkil olunub.Düşərgənin təşkilində əsas məqsəd  Finlandiya və Azərbaycanın turizm və hotel menecmenti sahəsində ixtisaslaşan tələbələr arasında ekoloji turizm sahəsində marketinq potensialının təhlili, Lənkəran regionunun mədəni-irsi, tarixi, ekoloji resurslarının öyrənilməsi, birgə ekoloji turlarda iştirak və Lənkaran-Astara regionu üçün tur paketin hazırlanması və gələcəkdə Finlandiyalı turistləri tur paket vasitəsi ilə ölkəmizə cəlb olunmasıdır.Yay düşərgəsində iştirak edən universitet tələbələri öz təcrübələrini genişləndirmək məqsədilə Lənkəran regionunun ekoturizm, müxtəlif etnik azlıqların məskunlaşdığı, sahibkarlıqla məşğul olduqları ərazilərə və muzeylərə səfər ediblər. Tədbir çərçivəsində tələbələrə Azərbaycan Turizm və Menecment Universiteti və turizm sahəsi üzrə peşəkar ekspertləri tərəfindən Azərbaycan və qonşu ölkələrdə (Türkiyə, İran, Rusiya və Gürcüstan) eko-turizm təcrübələri, Lənkəran regionunda tur paketin hazırlanması imkanları barədə ətraflı məlumat verilib. Adıçəkilən hər iki universitet tələbələri öz ölkələrinin mövcud turizm potensialı, dövlət dəstəyi və turistlər üçün perspektiv imkanlarına həsr olunan təqdimatlarla çıxış ediblər. Onu da qeyd etmək lazımdır ki, layihə çərçivəsində respublikanın aparıcı turizm sahəsində çalışan mütəxəssislərin iştirakı ilə Azərbaycanda ekoloji turizmin inkişafına dair marketinq strategiyası hazırlanıb müvafiq dövlət qurumlarına təqdim olunacaq. Bu il ərzində turizm sahəsində çalışan qadın sahibkarlara dəstək məqsədilə biznesin təşkili və müasir marketinq strategiyalarına əsaslanan, regional və beynəlxalq əməkdaşlığın inkişafı üzrə təlimlər təşkil ediləcək.

Ulu öndər Heydər Əliyevin anadan olmasının 96 illiyi münasibətilə ATMU-da keçirilən şahmat  yarşının qalibləri mükafatlandırılıb. “Güclülər arasında Şahmat üzrə ATMU birinciliyi”nin qalibləri ilə görüşən rektor İlham Mədətov Azərbaycanın dünyada idman ölkəsi kimi də tanındığını diqqətə çatdırdı. Ali təhsil müəssisəsində ümummilli lider Heydər Əliyevin əziz xatirəsinə həsr olunan tədbirlər çərçivəsində keçirilən şahmat yarışının qalblərinə – Tərlan Növrəsli, Həmzə İsmayılov, Zəhra İsmayılova və Cəmilə Bayramlıya qiymətli xatirə hədiyyələri təqdim olundu. 

Aprelin 30-da Azərbaycan Turizm və Menecment Universitetində (ATMU) Elmi şuranın iclası keçirilib. ATMU-nun rektoru İlham Mədətov iclasın gündəliyinə “2018-2019-cu tədris ilinin yay  imtahan sessiyası və dövlət imtahanlarının təşkili haqqında” (məruzəçi  Tədris işləri üzrə prorektor Hüseyn Həsənov) və Ümummilli lider Heydər Əliyevin anadan olmasının 96 illiyi ilə əlaqədar ATMU-da keçiriləcək tədbirlər haqqında (məruzəçi tarix elmlər doktoru, professor Məhərrəm Zülfüqarlı ) məruzə və çıxışların daxil edildiyini diiqqətə çatdırdı. İclasın cari məsələlər zərfinə isə 2019-2020-ci tədris ili üçün dərs yüklərinin bölgüsü, Xidmət mühəndisliyi fakültəsinin vəsatəti, “Dillər” kafedrasının baş müəllimi, f.ü.f.d.Ü.S.Baxşəliyevanın dosent vəzifəsinə təyin edilməsi, t.ü.e.d., prof. M.P.Zülfüqarlının “Azərbaycan əleyhinə siyasətə qarşı N.Nərimanovun mübarizəsi” ( 1920-1925) və “Bakı kommunasının anti-Azərbaycan fəaliyyəti”,  i.ü.f.d., dos. E. Süleymanov, i.ü.f.d., dos. E. Qocayeva, i.ü.f.d., dos. A. Eminov və i.ü.f.d. A. Mirzəyevin  həmmüəllif olduqları “Müasir Azərbaycan iqtisadiyyatının əsaslarI”, “İngilis dili” kafedrasının müəllimi R.R.Qurbanovanın seçmə fənnə dair “Diplomatik sənədlərin tərcüməsinin əsasları” adlı dərs vəsaitləri və kafedra əməkdaşlarının müştərək hazırladığı “Turizm sahəsi üçün ingiliscə-azərbaycanca lüğət”, o cümlədən bakalavriat pilləsində təhsil alanlar üçün t.e.n., dos. B.Bilalov, t.e.n., dos. H.Hüseynov və Q.Yusupovun “Turizmdə nəqliyyat xidmətləri” və K..Salmanovanın “Komputer tərcümə proqramları” adlı fənn proqramlarının çapa tövsiyyə olunması daxildir. Azərbaycan Turizm və Menecment Universitetinin doktorantları- Əhmədov Rəşad İsmayıl oğlunun ,Mazanov Azər Balabəy oğlunun, Əlizadə Tərgül Etibar qızının, Nəzərova Gülnar Fərrux qızının,Orxan İsmayıl oğlu Musanın ,Samir Müseyib oğlu Məhərrəmovun ,Əliyev Vasif Zirəddin oğlunun dissertasiya mövzuları və elmi məsləhətçilərin təsdiqinin Əlaqələndirmə Şurasına tövsiyə olunması məsələləri daxil edilib.Prorektor Hüseyn Həsənov hesabat- çıxışında 2018/2019 tədris ilinin yay semestr və dövlət imtahanlarına hazırlıq mərhələsinin təşkili  istiqamətində görülən konkret tədbirlərə aydınlıq gətirdi. ATMU kollektivini bu mərhələdə də öz  qüvvələrini səfərbər etməyi məqsədəuyğun saydığını dedi. Elmi Şuranın iclasında Azərbaycan Turizm və Menecment Universitetinin doktorantlarının dissertasiya mövzularının və elmi məsləhətçilərinin təsdiqinin Əlaqləndirmə Şurasına tövsiyyə edilməsi məsələsi, ”Dillər” kafedrasının baş müəllimi, f.ü.f.d.Ü.S.Baxşəliyevanın  AAK-ın təlimatına uyğun olaraq dosent elmi dərəcəsi verilməsinə dair vəsadəti qəbul olundu.Dərslik və fənn proqramlarının çap edilməsi qərara alındı.Elmi şura iclasında “2018/2019-cu tədris ilinin yay  imtahan sessiyası və dövlət imtahanlarının təşkili, Ümummilli lider Heydər Əliyevin anadan olmasının 96 illiyi ilə əlaqədar ATMU-da görüləcək tədbirlər və  yuxarıda qeyd olunan cari məsələlər qənaətbəxş qiymətləndirildi. 2018/2019-cu tədris ilinin yay  imtahan sessiyası və dövlət imtahanlarına hazırlıq prosesinin yüksək səviyyədə təşkili rəy və  təkliflər nəzərə alınmaqla tövsiyyə edildi.

4 -dən səhifə 89

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…