Son xəbərlər (377)

İsveçrə Konfederasiyasının Chur Universiteti turizm fakültəsinin bakalavr pilləsində təhsil alan bir qrup  tələbəsi ATMU-nun qonağı olub. Universitetin turizm və qonaqpərvərlik fakültəsinin dekanı Bahadur Bilalov əcnəbi tələbələrlə görüşündə Azərbaycanın turizm potensialı, turizmin inkişafını şərtləndirən mühüm amillər, o cümlədən idman turizminə diqqət  və qayğıdan bəhs edib. Seminar-görüş fikir mübadiləsi şəraitində başa çatıb.

Müsəlman Şərqində ilk parlamentli respublikanın – Azərbaycan Xalq Cümhuriyyətinin yaranmasının 101 illiyi tamam olur. Bu münasibətlə Azərbaycan Turizm və Menecment Universitetində (ATMU) “Azərbaycan Respublikası Azərbaycan Xalq Cümhuriyyətinin varisidir” mövzusunda dəyirmi masa təşkil olunub. ATMU-nun rektoru İlham Mədətov vətən tarixinin ən şərəfli səhifələrindən biri olan 28 MAY – Respublika Günü münasibətilə işturakçıları təbrik etdi. Rektor İ. Mədətov və tədbirdə məruzə ilə çıxış edən “Heydər Əliyev lektoriyası”nın rəhbəri M. Zülfüqarlı diqqətə çatdırdılar ki, 1918-ci il may ayının 28-də Azərbaycanın müstəqilliyini bəyan edən Azərbaycan Xalq Cümhuriyyəti bolşevik rusiyası tərəfindən işğalına kimi – yəni 23 ay ərzində öz üzərinə götürdüyü çətin tarixi missiyanı şərəflə yerinə yetirdi. Azərbaycanın ilk Parlamenti və Hökuməti, dövlət aparatı təşkil edildi, ölkənin sərhədləri müəyyənləşdirildi, bayrağı, himni və gerbi yaradıldı, ana dili dövlət dili elan edildi, dövlət quruculuğu sahəsində ciddi tədbirlər həyata keçirildi. Ölkənin ərazi bütövlüyü və milli təhlükəsizliyi təmin edildi, qısa müddətdə yüksək döyüş qabiliyyətli hərbi hissələr yaradıldı, milli tələblərə və demokratik prinsiplərə uyğun dövlət orqanları quruldu. Azərbaycanın ilk universiteti təsis olundu, təhsil milliləşdirildi. Diqqətə çatdırıldı ki, 101 il əvvəl Tiflisdə İstiqlal bəyannaməsini imzalayan və o tarixi missiyada müəyyən səbəb üzündən şəxsən iştirak edə bilməyən 76 nəfər Avropa təhsilli, o cümlədən Məşhəddə, Nəcəfdə, Kərbəlada təhsil alan digər aydınlarımızın bir amalı vardı. İstiqlalımızı bütün dünyaya bəyan etmək. Nə yazıq ki, 1920-ci il aprelin 28-də  Azərbaycan Xalq Cümhuriyyəti öz şərəfli tarixinə son qoymağa məcbur edildi. Azadlıqsevərlər müstəqillik ideyalarını qanlarında, canlarında yaşatdılar. 1991-ci il oktyabrın 18-də dövlət müstəqilliyimizi yenidən bərpa etdilər. Bu gün fəxrlə deyirik: Biz Müstəqil Azərbaycan Rüspublikasının vətəndaşlarıyıq. Bir kərə yüksələn bayraq bir daha enməz.

Azərbaycan Turizm və Menecment Universitetinin (ATMU) biznes idarəçiliyi fakültəsi iqtisadiyyatkafedrasının təşkilatçılığı və “startup”  layihələrinin ilkin müəlliflərindən və yaradıcılarından - “Technote” MMC-nin təşəbbüsü ilə ali tahsil müəssisəsində  “Azərbaycanda stratup bazarı və onun müasir vəziyyəti” mövzusunda tədbir keçirildi. Tədbirdə innovativ inkişafın (o cümlədən startup fəaliyyətinin) dəstəklənməsi sahəsində aidiyyatı üzrə mövcud vəziyyətlə bağlı geniş disskusiya xarakterli debat aparıldı. “Techcrunch” kimi nəhəng firmaların texnologiya, biznes, sahibkarlıq və rəqəmsal ekosistemlərdə aparılan əməliyyatlardan  danışıldı. Qlobal bazarda baş verən ən son xəbərləri “Braking News” olaraq əldə edə bilmək imkanları təhlil edildi. Mütəxəssislər tərəfindən innovasiya təşəbbüskarlığının və rəqəmsal texnologiyalardan istifadə bacarıqlarının öyrədilməsi və təbliği, o cümlədən son 5 ildə Azərbaycanda “startup” bazarının mövcud və müasir vəziyyəti, “startup” layihələrinə cəlb edilən investisiyalar və investorlar barədə təhlillərin aparılması istiqamətində dəyərli fikirlər səsləndirildi. Eyni zamanda elmi nailiyyətlər, bilik və rəqəmsal yeniliklər bazasında məhsul, xidmət, texnologiya, proses və həllərin hazırlanmasına, təqdim olunmasına və istifadəsi ilə bağlı istiqamətlərə aydınlıq gətirildi. “Azərbaycanda stratup bazarı və onun müasir vəziyyəti”mövzusunda keçirilən tədbirdə ATMU-nun biznes idarəçiliyi fakültəsinin müvafiq ixtisas üzrə təhsil alan tələbələri iştirak ediblər.

24.05.2019-cu il tarixində Azərbaycan Turizm və Menecment Universitetinin Karyera və kommunikasiya şöbəsi və Sosial Biznes Gənclər Mərkəzinin birgə təşkilatçılığı ilə ali təhsil müəssisəsində “Gənclər və Qlobal Məqsədlər” adlı tədbir keçirilib. BMT layihələrində Dayanıqlı İnkişaf Məqsədləri üzrə pakistanlı ekspert Qaiser Navab və siyasi elmlər üzrə fəlsəfə doktoru Məhəmməd Şakil Əhməd ATMU tələbələrinə Dayanıqlı İnkişaf Məqsədləri (DİM) anlayışı, tarixi, qeyd edilən prosesdə gənclərin rolu, Pakistanda gənclərin bu sahədə fəaliyyətləri, müxtəlif yanaşmalar, tənqidi düşüncə tərzinin inkişafı və təhsilin vacibliyi barədə ətraflı məlumat verdilər. ATMU tələbələrini maraqlandıran sualları cavablandırdılar. Tədbirə fikir mübadiləsi şəraitində yekun vuruldu.

5 -dən səhifə 95

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…