Son xəbərlər (247)

Azərbaycan Turizm və Menecment Universiteti (ATMU) rektoru Ilham Mədətovun təhsilin keyfiyyətinin artırılması yönümündə apardığı işlər çərçivəsində sənaye – universitet əməkdaşlığı prosesi davam edir. Bu istiqamətdə 23 May 2018-ci il tarixində ATMU-nun “Biznes idarəçiliyi” fakültəsində dünyanın məşhur KPMG audit şirkəti ilə birlikdə “Karyera Günləri” təşkil olunub. “Karyera günləri”-nin açılış mərasimində ATMU-nun Elm və inkişaf məsələləri üzrə prorektoru Anar Eminov, “Biznes İdarəçiliyi” fakültəsinin dekan müavini Hüseyn Həsənov, İqtisadiyyat kafedrasının müdiri Vüqar Nəzərov və maliyyə ixtisasında təhsil alan tələbələr və KPMG şirkətinin İnsan resursları üzrə menecer Nərgiz İbrahimova və koordinator Aydan Badalova iştirak ediblər.Tədbirdə universitetin prorektoru Anar Eminov sənaye əlaqələrinin qurulması, sənaye və təhsil arasında boşluğun minimuma endirilməsi, tədris prosesində sənaye ağırlıqlı tədris planlarının tətbiqi, yeni ixtisasların yaradılması və təsdiqi prosesində sənaye ehtiyaclarının düzgün qiymətləndirilməsi və nəzərə alınması məsələləri ilə bağlı geniş açıqlama ilə çıxış edib.KPMG-nin İnsan resursları üzrə meneceri Nərgiz İbrahimova təmsil etdiyi audit, vergi, məsləhət xidmətləri təqdim edən şirkət haqqında iştirakçıları məlumatlandırıb. Diqqətə çatdırıb ki, dünyanın 155 ölkəsində filialları olan KPMG şirkəti bir neçə fərqli ixtisas üzrə 162,000 peşəkar kadrı vahid komandada birləşdirir. Bu komandanın üzvü olmaq və beynəlxalq peşəkar status qazanmaq fürsətini təqdim edən KPMG ATMU-da “Karyera günləri” keçirməklə istedadlı tələbə- gənclərin seçilməsi,təcrübə və iş üçün cəlb olunması siyasətini başlıca məqsəd sayır. Sonda bildirilib ki, ATMU kompyuter laboratoriyasında KPMG-nin xüsusi yaratdığı link vasitəsi ilə qeydiyyatdan keçən tələbələrlərin məqsədli imtahan nəticələri tezliklə ictimaiyyətə açıqlanacaq.  “Karyera günləri”nin vaxtaşırı təşkili barədə ATMU və KPMG arasında razılıq sənədi imzalanıb.

Azərbaycan Respublikasının Prezidentinin 2016-cı il 6 dekabr tarixli Fərmanı ilə təsdiq edilmiş “Azərbaycan Respublikasında ixtisaslaşmış turizm sənayesinin inkişafına dair Strateji Yol Xəritəsi”nin Tədbirlər Planın 4.1.6.-cı bəndinə uyğun olaraq rektor İlham Mədətovun göstərişi ilə 2018/2019-cu tədris ilindən Amerika və Avropa universitetlərinin tədris proqlamlarına uyğun olaraq Azərbaycan Turizm və Menecment Universitetində MBA proqramında 4 ixtisas üzrə tələbə qəbuluna start verilmişdir. Magistratura pilləsində 22 ixtisas üzrə mütəxəssislər hazırlığını uğurla həyata keçirən  ATMU –ya  Azərbaycan Nazirlər Kabineti tərəfindən 2018/2019-cu tədris ilində MBA proqramı çərçivəsində 4 ixtisas (Turizm və otelçiliyin idarəedilməsi, Menecment, Marketinq, Maliyyə) üzrə ümumilikdə 65 plan yeri ayrılmışdır. Adıçəkilən proqram müəyyən sahədə fəaliyyət göstərən mütəxəssislərə də təhsil almaq imkanı verir. Tədris ATMU-nun yüksək ixtisaslı yerli və əcnəbi professor-müəllimləri tərəfindən axşam saatlarında keçiriləcəkdir. MBA proqramında idarəetmə və təşkilati davranış, maliyyənin idarə olunması, biznes və iqtisadiyyat üçün statistika, marketinq konsepsiyaları, menecerlər üçün mühasibat, istehsalın və əməliyyatların idarə olunması, strateji idarəetmə, insan resurslarının idarə olunması, idarəetmənin iqtisadiyyatı, informasiya texnologiyalarının idarə olunması, kapital qoyuluşu və maliyyə strategiyaları, bazarın öyrənilməsi və beynəlxalq biznes kimi aktual fənlərin tədrisi nəzərdə tutulub.Qeyd etmək lazımdır ki, dünyanın tanınmış universitetlərinin təcrübəsinə əsaslanıb tədris prosesində ən son texnoloji nailiyyətləri həyata keçirən ATMU-da MBA proqramının tətbiqi gənclər üçün idarəetmə sahəsində yeni bilik və bacarıqların əldə edilməsinə böyük imkanlar yaradacaq.ATMU-nun mətbuat xidmətinin məlumatında qeyd olunur ki, MBA proqramının üstünlükləri ilə bağlı hər üç fakültədə xüsusi təqdimatlar təşkil olunmuşdur. 23 may 2018 – ci il tarixindəki növbəti təqdimatda Tədris işləri üzrə prorektor İranə Əliyeva və Elm və inkişaf məsələləri üzrə  prorektor Anar Eminov MBA proqramı üzrə yeniliklər və innovativ metodlar barədə danışmış, eyni zamanda proqramın tətbiqi ilə bağlı konkret  təkliflər vermişlər. Turizm və qonaqpərvərlik fakültəsinin dekan müavini Flora Ələsgərovanın təqdimat- çıxışı proqramın təşkili barədə idi.Tədbirə dəvət olunmış Azərbaycan Xəzər Dəniz Gəmiçiliyi Təlim tədris mərkəzi Biznes inkişafı şöbəsinin müdiri, MBA proqramı üzrə müəllim və ekspert Namiq Əlizadə öz çıxışında şəxsi təcrübəsinə istinad etmiş,o cümlədən proqrama dair yeniliklərin konkret icmalını vermişdir.

Azərbayca Turizm və Menecment Universitetinin rektoru İlham Mədətov dünya elminə inteqrasiyanın əsas hədəfi olan gənc tədqiqatçılar və doktorantların digər ali təhsil müəssisələri ilə birgə tədqiqatlarının təşkili və aparılmasında onlara kömək göstərilməsi, yazılan dissertasiyaların keyfiyyəti, elmi məqalələrin praktik əhəmiyyəti və nüfuzlu beynəlxalq jurnallarda çapı kimi məsələləri diqqətdə saxlayır. Bu yönümdə aparılan silsilə tədbirlər Azərbaycan Turizm və Menecment Universitetinin elmi tədqiqat yönümlü universitetə çevrilməkdə iddialı olan ali təhsil müəssisələrinin sırasında aparıcı mövqelərdə qərarlaşması missiyasından irəli gəlir.Bu istiqamətdə aparılan işlər çərçivəsində Azərbaycan Turizm və Menecment Universitetinin Elm və inkişaf məsələləri üzrə prorektoru Anar Eminov və Biznes idarəçiliyi fakültəsinin dekanı Anar Mirzəyevin Bakı Mühəndislik Universitetinin elmi işlər üzrə prorektoru Elçin Süleymanov və Azərbaycan Dövlət İqtisad Universitetinin İqtisadi Araşdırmalar Elmi-Tədqiqat İnstitutunun direktoru Yadulla Həsənli ilə birgə ərsəyə gətirdiyi elmi araşdırmaları məqalə formatında  beynəlxalq aləmdə aparıcı jurnalda nəşr edilmişdir. Birgə əməkdaşlıq nəticəsində işlənib hazırlanmış “The Role of Education in Organization and Development of Economics in Azerbaijan” adlı elmi məqalə nüfuzlu elmi jurnalda-  Academic Journal of Economic Studies (Volume 4, Issue 2 (June, 2018)) son sayında nəşr olunmuşdur.Qeyd etmək lazımdır ki, Rumıniyanın Buxarest şəhərindəki  “Dimitrie Cantemir”  Universiteti Maliyyə Bank Muhasibatlıq Fakültəsinin beynəlxalq elmi jurnalı olan  Academic Journal of Economic Studies  RePEc (IDEASEconPapers), Germany  EBSCO Host, USA DOAJ (Directory of Open Access Journals), Sweden CEEOL (Central and Eastern European Online Library), bazalarında indekslənir. Germany bazalarda indexlenen jurnalın RePEc impact faktoru 0.031-dir. Eyni zamanda bu jurnal 20 yaxın databazada indekslənir.

21 may tarixində Bank Respublika və Azərbaycan Banklar Assosiasiyası tərəfindən “Azərbaycan Xalq Cümhuriyyəti 100” mövzusunda tələbələr arasında keçirilən yazı müsabiqəsinin qalibləri bəlli oldu.Müsabiqədə iştirak üçün tələbələr tərəfindən 100-dən artıq yazı işi göndərilmişdir. Xalq artisti Nurəddin Mehdixanlı, BDU-nun Tarix fakültəsinin kafedra müdiri Anar İskəndərov, BDU-nun Tarix üzrə fəlsəfə doktoru Sevinc Qasımova, Bank Respublika və Banklar Assosiasiasının rəhbərliyindən ibarət münsiflər heyəti göndərilən bütün yazıları təhlil etdikdən sonra müsabiqənin 3 qalibini müəyyən etdilər.Nərmin Əsgərova I yer - (Azərbaycan Əmək və Sosial Münasibətlər Akademiyası)Nigar Ömərova II yer - (Azərbaycan Turizm və Menecment Universiteti)Nazim Vəlixanov III yer - (Azərbaycan Dövlət Neft və Sənaye Universiteti)Qalibləri təbrik etdikdən sonra onlara müsabiqədə iştirak etdikləri üçün bir daha təşəkkür edildi, onlara pul mükafatı və qalibiyyət sertifikatları təqdim olundu.  Mayın 22-də Azərbaycan Turizm və Menecment Universitetinin rektoru İlham Mədətov Bank Respublika və Azərbaycan Banklar Assosiasiyası tərəfindən “Azərbaycan Xalq Cümhuriyyəti 100” mövzusunda tələbələr arasında keçirilən yazı müsabiqəsinin qaliblərindən-universitetin tələbəsi Nigar Ömərovanı təbrik etmiş gələcək həyatında, təhsil illərində ona uğurlar arzulamış və mükafatlandırmışdır.

5 -dən səhifə 62

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…