Son xəbərlər (266)

        May ayının 26-da Azərbaycan Turizm və Menecment Universitetində “Azərbaycanda multikulturalizm və mədəni müxtəlifliyin turizmin inkişafına təsiri” mövzusunda respublika elmi konfransı keçirilmişdir. Tədbiri çıxış-nitqi ilə açan ATMU-da rektor səlahiyyətlərini icra edən dosent Eldar Aslanov konfrans iştirakçılarını salamlayaraq bildirib ki,Azərbaycan müasir dövrdə dünyanın multikurturalizm mərkəzi kimi tanınır. Respublikamız bu sahədə bir çox ölkələrə öz nümunəsini göstərməkdədir. Dünyanın onlarla ali təhsil müəssisəsində “Azərbaycanın multikulturalizm modeli” fənn kimi tədris planlarına daxil edilmişdir.Tədbirin təşkilində əsas məqsəd müasir dövrdə tolerantlığın, mədəni, dini və linqvistik  müxtəlifliyin  qorunması istiqamətində həyata keçirilən    işlərə nəzərən multikultural  dəyərlərin qorunmasına xidmət edən  daha mükəmməl modelin və aparılan tədqiqatların təbliği mexanizmini  hazırlamaq, mədəni-etnik müxtəlifliyin  dövlətçiliyin inkişafına xidmət göstərməsi yollarını müəyyənləşdirib həyata keçirməkdən ibarərdir. “Azərbaycanda multikulturalizm və mədəni müxtəlifliyin turizmin inkişafına təsiri”  mövzusunda təşkil olunan respublika elmi konfransında ölkəmizin ali təhsil müəssisələrinin çoxsaylı nümayəndəsi  iştirak etmişdir. ATMU-nun mətbuat xidmətinin məlumatına görə, plenar iclasda Azərbaycan Respublikasının Prezidenti yanında Dövlət İdarəçilik Akademiyasının dekanı, dosent Zaur Bağırovun “Müasir dünyada insan kapitalı anlayışı”, Azərbaycan Turizm və Menecment Universitetinin Doktorantura və əlavə təhsil şobəsinin müdiri, dosent Nəsirulla Nəsirlinin “Kadr hazırlığı prosesində multikultural dəyərlər” adlı məruzələri geniş diskusiyaya səbəb olmuşdur. Bölmə iclasları ilə davam etmiş konfransın gündəliyinə  “Multikulturalizm və tolerantlığın mahiyyəti və təbliği”, “Azərbaycançılıq və mədəni-etnik müxtəliflik”, “Mədəni, dini müxtəlifliyin tolerant əsasları”, “Multikultural dəyərlərin mədəniyyətlərin inkişafına təsiri”, “Mədəni irsin təbliğində turizmin rolu”, “Azərbaycan multikulturalizm mərkəzi kimi”, “Multikulturalizm təbliğində bədii mədəniyyətin rolu”, “Turizmin sosial-iqtisadi inkişafa təsiri”, “Mətbəx mədəniyyəti multikultural kontekstdə”, “İdman tədbirlərində multikultural dəyərlər” və sair adlı məruzələr daxil edilmişdir. Bölmə iclaslarında ATMU-nun dosenti Məhərrəm Zülfüqarlının “Azərbaycan xalqlar dostluğu - tolerantlığa nümunədir.(1970-1980-ci illər tarixşünaslığının təhlili)”, Azərbaycan Dövlət İqtisad Universitetinin professoru Fazil Hacıyevin “Azərbaycanın sosial – iqtisadi inkişafında turizmin  fəaliyyətinin təhlili və audit qiymətləndirilməsi”, ATMU-nun doktorantı Sənubər Qənbərovanın “Azərbaycan Xalq Cümhuriyyətinin tolerantlıq prinsipləri və erməni problemi”, ATMU-nun dissertantı Firuzə Raşovanın “Azərbaycanda dinlərarası tolerantlıq”, ATMU-nun dissertantı Rinard Şərifovun “Multikultural cəmiyyət: mahiyyəti və xüsusiyyətləri”, professor Həsən Sadıqov və professor Ramazan Məmmədovun “Tolerant və multikultural xalq”, ATMU-nun doktorantıNurlana Nəsirlinin “Beynəlxalq münasibətlərdə kommunikasiya”, mövzularında məruzələri və digər iştirakçıların çıxışları konfrans iştirakçıları tərəfindən maraqla dinlənilmişdir.Konfrans Yekun Plenar İclasla başa çatmışdır.

Gələn il müsəlman Şərqində ilk parlamentli respublikanın – Azərbaycan Xalq Cümhuriyyətinin yaranmasının 100 illiyi tamam olur. 1918-ci il may ayının 28-də Azərbaycanın müstəqilliyini  bəyan edən Azərbaycan Xalq Cümhuriyyəti bolşevik rusiyası tərəfindən işğalına kimi-yəni 23 ay ərzində öz üzərinə götürdüyü çətin tarixi missiyanı şərəflə yerinə yetirdi. Azərbaycanın ilk Parlamenti və Hökuməti, dövlət aparatı təşkil edildi, ölkənin sərhədləri müəyyənləşdirildi, bayrağı, himni və gerbi yaradıldı, ana dili dövlət dili elan edildi, dövlət quruculuğu sahəsində ciddi tədbirlər həyata keçirildi. Ölkənin ərazi bütövlüyü və milli təhlükəsizliyi təmin edildi, qısa müddətdə yüksək döyüş qabiliyyətli hərbi hissələr yaradıldı, milli tələblərə və demokratik prinsiplərə uyğun dövlət orqanları quruldu. Azərbaycanın ilk universiteti təsis olundu, təhsil milliləşdirildi. Deməli gələn il Azərbayca Xalq Cümhuriyyətinin elan olunması ilə bərabər,eyni zamanda ölkənin dövlət strukturu institutlarının yaradılmasının da 100 ili tamam olur. Azərbaycan Turizm və Menecment Universittində rektor səlahiyyətlərini icra edən siyasi elmlər üzrə fəlsəfə doktoru,dosent Eldar Aslanov ali təhsil müəssisəsində 28 May –Respublika gününə həsr olunan “Azərbaycan Respublikası Azərbaycan Xalq Cümhuriyyətinin varisidir” mövzusunda keçirilən tədbirdə daha sonra qeyd edib ki, 99 il əvvəl  Tiflisdə İstiqlal bəyannaməsini imzalayan və o tarixi missiyada müəyyən səbəb üzündən şəxsən iştirak edə bilməyən 76 nəfər Avropa təhsilli, o cümlədən Məşhəddə, Nəcəfdə, Kərbəlada təhsil alan digər aydınlarımızın  bir amalı vardı. İstiqlalımızı bütün dünyaya bəyan etmək. E.Aslanov ölkə prezidentinin imzaladığı müvafiq sərancama uyğun olaraq ATMU-da AXC-nin yaranmasının 100 illiyi münasibətilə “İstiqlal dərsləri”, tələbələr arasında inşa yazı, bədii qiraət müsabiqəsi keçiriləcəyini, ADR-ə həsr olunan müxtəlif janrlı kitabların  sərgilənməsinə və o cümlədən idman yarışlarına start veriləcəyini deyib. Növbəti- “Azərbaycan Respublikası Azərbaycan Xalq Cümhuriyyətinin varisidir” mövzusunda dəyirmi masanın məhz İstiqlalımızın ad gününə həsr edildiyini bir daha diqqətə çatdırıb.“Heydər Əliyev lektoriyası”nın rəhbəri, tarix elmləri namizədi,dosent Məhərrəm Zülfüqarlı, fəlsəfə üzrə fəlsəfə doktoru Elşən Bayramzadə, Bünyamin Qəmbərli  və digər iştirakçılar hüquqi əsaslarla müstəqil  dövlətimizi quran o böyük tarixi şəxsiyyətlərin əvəzolumaz fəaliyyəti nəticəsində Azərbaycan  parlamenti tərəfindən  230 qanunun müzakirə edilib qəbul olunduğunu, qızğın müzakirələr zamanı yüksək mədəniyyət nümayiş etdirdiklərini faktlarla isbatlayıblar. Çıxışlarda qeyd olunub ki, Əlimərdan bəy Topçubaşov fəaliyyəti dövründə ona etibar olunan sədr kreslosunda bir saat belə oturmayıb. Hüquq fakültəsini Sankt-Peterburqda bitirsədə zaman və şəraitin tələbinə baxmayaraq dinini dəyişməyibTədbirdə diqqətə çatdırıldı ki, 1991-ci il oktyabrın 18-də Azərbaycan dövlət  müstəqilliyinin bərpası ilə özünün qədim dövlətçilik ənənələrinə sadiq qaldığını bir daha təsdiqlədi. Azərbaycan Xalq Cümhuriyyətinin siyasi və mənəvi varisi olaraq üçrəngli bayrağını, gerbini, himnini qəbul etdi. 26 ildir ki, ölkəmizdə 28 May Respublika Günü dövlət səviyyəsində təntənə ilə qeyd olunur.

Azərbaycan Turizm və Menecment Universitetində (ATMU) “Gürcüstan, Azərbaycan və Moldovada turizm sənayesinin inkişafı üçün mehmanxana menecmenti üzrə peşəkar bakalavr- magistr hazırlığı” adlı Tempus layihəsi çərçivəsində Avropa Komissiyasının maliyyə və metodoloji dəstəyi ilə adıkeçən universitetin nəzdində yeni qrum-“Resurs mərkəzi” fəaliyyətə başlayıb. Açılış mərasimindən əvvəl  ATMU-da rektor səlahiyyətlərini icra edən s.ü.f.d.,dos. Eldar Aslanov layihənin icrasında başlıca məqsədin otelçilik menecmenti ixtisası üzrə bakalavr və magistr pilləsində təhsil alan tələbələr üçün tədris proqramlarının hazırlanması və həmçinin təkmilləşdirilməsindən ibarət olduğunu diqqətə çatdırıb. Müvafiq ixtisaslar üzrə təhsil alan universitet tələbələrinin praktik vərdişlərə yiyələnmələrindən ötrü mayın 17-dən etibarən fəaliyyətinə start verilən  ”Resurs mərkəz”ində yaradılan şəraitin səmərəli olacağına inandığını deyib. Açılış mərasimində Azərbaycan Mədəniyyət və Turizm Nazirliyinin nümayəndələri, “Gürcüstan, Azərbaycan və Moldovada turizm sənayesinin inkişafı üçün mehmanxana menecmenti üzrə peşəkar bakalavr- magistr hazırlığı” layihəsinin ölkəmizdəki koordinatorları, turizm sənayesinin tanınan nümayəndələri öz çıxışlarında mərkəzin fəaliyyətə başlamasını alğışlamaqla bərabər, qarşıda duran problemlərin həlli yollarından da danışıblar.Qeyd etmək lazımdır ki, layihənin əsas təşəbbüskarı Portuqaliyanın Espino ali məktəbi, cavabdeh koordinator Fransanın Qrenobl Akademiyasıdır.

12-22 may 2017-ci il tarixlərində Bakı 2017 IV İslam Həmrəylik Oyunlarının keçirilməsi ilə əlaqədar paytaxtımıza dünyanın 54 islam ölkəsinin 20 müxtəlif idman növü üzrə mübarizə aparacaq minlərlə atleti, çoxsaylı turistlərin gəlməsi nəzərdə tutulur.IV İslam Həmrəylik Oyunlarının Təşkilat Komitəsinin son iclasında ölkəyə yarışlar zamanı gələcək turistlərə yardımçı olmaq üçün Bakı şəhərinin mərkəzi hissəsində xidmət göstərəcək “ASK ME-Məndən Soruş” turizm könüllülərindən ibarət qrupların yaradılması məqsədəuyğun hesab olunmuşdur. Bununla bağlı olaraq Mədəniyyət və Turizm Nazirliyi və Oyunların Təşkilat Komitəsi ilə aparılmış məsləhətləşmələrdən sonra  Azərbaycan Turizm və Menecment Universitetinin xarici dil biliyi olan tələbələrindən ibarət turizm könüllüləri qrupu (47 nəfərdən ibarət) yaradılmışdır. Bu qrupa cəlb olunmuş tələbələrə müxtəlif təlimlər keçirilmiş, onlar Oyunların Təşkilat Komitəsi tərəfindən akkreditasiyadan keçirilmiş və üzərində “ASK ME” sözləri yazılmış Oyunların könüllüləri üçün nəzərdə tutulmuş geyimlə təchiz olunmuşlar. Hər bir tələbə ilə müvafiq qaydada könüllülük müqaviləsi imzalanmış, o cümlədən tələbələr qəza sığortasından keçirilmiş, onlara Bakı şəhərinin bələdçi kitabları, turist xəritələri verilmiş, gomap turizm naviqasiya sistemindən istifadə etməklə turistlərə gedəcəkləri yerlərə yönəltmə haqqında məlumatlar verilmişdir. “ASK ME” könüllülər qrupu 12-22 may tarixlərində turistlərin ən çox toplandığı yerlərdə, şəhərin mərkəzi hissəsində saat 11:00-dan 21:00-dək fəaliyyət göstərəcək, turistlərin ictimai yerlərdə qarşılaşacağı suallara cavab tapmaqda onlara yardımçı olacaqlar. Tələbələr 2 nəfərlik qrup halında şəhərin mərkəzi hissəsində böyük ticarət (Gənclik, Metropark, 28 Mall və Park Bulvar) mərkəzlərində, metro stansiyalarının (Nərimanov, Gənclik, 28 May, Nizami, Sahil və İçərişəhər) çıxışlarında və turistlərin ən çox ziyarət edəcəkləri tarixi və mədəni (İçərişəhər qoruğu ərazisində, Fəvvarələr meydanında, Nizami küçəsində, Bakı dənizkənarı bulvar ərazisində, Heydər Əliyev Sarayının və Mərkəzinin qarşısındakı parklarda, Dağüstü parkda və s.) yerlərdə ümumilikdə 20 qrup olmaqla fəaliyyət göstərəcəklər. Həmçinin “ASK ME” qrupunun üzvləri könüllü fəaliyyəti zamanı  qarşılaşacaqları sualların qeydiyyatını aparacaq və oyunlar bitdikdən sonra  aparılmış qeydiyyat turizm sahəsində tədqiqat işi kimi nəzərdən keçiriləcəkdir. Bu tədqiqat şəhərin müxtəlif hissələrində turistlərin ən çox rastlaşdıqları problemlərin nələrdən ibarət olduğunu və turistləri  ən çox hansı sualların düşündürdüyünü müəyyən etməyə imkan verəcəkdir. Əldə olunmuş nəticələr bu səviyyəli  gələcək tədbirlərə hazırlıq işlərində istifadə olunacaqdır.    Qeyd olunanları, IV İslam Həmrəylik Oyunlarının ölkəmiz üçün əhəmiyyətini nəzərə alaraq,  bütün Bakı sakinlərindən  bu tələbələrə ərazidəki fəaliyyətləri zamanı yardımçı olmalarını xahiş edirik.

43 -dən səhifə 67

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…