Son xəbərlər (367)

03 Noyabr 2017-ci il tarixində Azərbaycan Turizm və Menecment Universiteti “Biznes İdarəçiliyi” fakültəsi və “Marketinq” kafedrasının təşkilatçılığı ilə “İstehlakçı Fəlsəfəsi” təlimi keçirilib. ATMU-nun  müvafiq ixtisasında təhsil alan tələbələr “Azad İstehlakçılar Birliyi”-nin sədri Eyyub Hüseynov tərəfindən  müasir bazar iqtisadiyyatı şəraitində hər bir şəxsin istehlakçı hüquqlarının qorunmasını şərtləndirən mühüm göstəricilər barədə məlumat alıblar. E.Hüseynovun təlimində diqqətə çatdırılıb ki, istehlakçılar hüquqlarını bilməklə yanaşı, istifadə etdikləri, xüsusilə qida və içki məhsullarının saxlanma şəraiti, yararlılıq müddəti və s. zəruri məlumatları mənimsəmələri  insan sağlamlığının təhlükəsizliyi baxımından mühüm şərtdir. Geniş fikir mübadiləsi formatında təşkil olunan təlimin sonunda fərqlənən tələbələr xüsusi sertifikatlarla mükafatlandırılıb.

02 noyabr 2017-ci il tarixində Azərbaycan Turizm və Menecment Universitetində İsrailin ölkəmizdəki səfirliyi nümayəndələrinin universitetin “Turizm və otelçilik” ixtisasının III kurs tələbələri ilə informasiya xarakterli görüşü olub. Görüşü İsrail səfirliyinin Missiya Rəhbəri Müavini Avital Rosenberg giriş sözü ilə açaraq İsrail Dövlətinin coğrafi mövqeyi, adət-ənənəsi, iqlimi haqqında və eyni zamanda tələbələrə İsrailin Eilat şəhərində yerləşən “İsrotel” otellər şəbəkəsinin nüfuzlu otellərində təcrübə imkanı ilə bağlı ətraflı məlumat verib. Daha sonra 2016/17-ci tədris ilində İsrailin “İsrotel” otellər şəbəkəsində təcrübə keçən tələbələrdən Emil Hüseynzadə və Anastasiya Pavlotskaya xüsusi təqdimat-çıxışı zamanı ümumi təəssüratlar fonunda 5 aylıq istehsalat təcrübəsinin üstünlüklərindən, qarşıya çıxan  çətinliklərdən bəhs edib və öz tövsiyyələrini veriblər.Görüşün yekununda Azərbaycan Turizm və Menecment Universitetinin Keyfiyyət təminatı şöbəsinin müdiri  Nərminə Abdullayeva 2017/18-ci tədris ilində İsraildə təcrübə keçmək arzusunda olanların bu ilin noyabr ayının 18-nə kimi ərizə ilə müraciət etmələrini tələbələrin diqqətinə çatdırıb. Eyni zamanda səfirlik nümayəndələrinin ATMU-nun rektoru İlham Mədətovla görüşü baş tutmuşdur. Görüşdə universitetlə səmərəli əməkdaşlığın nəticəsi sayılan 10 illik layihə və bu layihənin dekabr ayında keçirilməsi planlaşdırılan yubiley tədbiri ilə bağlı söhbət aparılmışdır.

01 noyabr 2017-ci il tarixində Azərbaycan Turizm və Menecment Universitetində (ATMU) ”Tədrisin təşkili və keyfiyyətinin qiymətləndirilməsi”mövzusunda  seminar keçirilib. ATMU-nun rektoru İlham Mədətov cəmiyyət həyatında hər zaman aktuallığını saxlayan başlıca problem  ətrafında ölkənin qabaqcıl 7 universitetində fəaliyyətləri ilə seçilən alim və mütəxəssislərin öz təcrübə və düşüncələrini həmkarları ilə bölüşmələrini yüksək qiymətləndirib.   Seminarın fikir mübadiləsi formatında keçəcəyini diqqətə çatdırıb.   Yeni beynəlxalq təhsil sisteminə inteqrasiya və sənaye-universitet əməkdaşlığının tədrisdə tətbiqini şərtləndirən seminarda ekspert qismində ADA universitetinin prorektoru, professor Anar Vəliyev, Azərbaycan Texniki Universitetinin kafedra müdiri, professor Sübhan Namazov, UNEC-in “Təhsilin keyfiyyətinin qiymətləndirilməsi və idarəedilməsi” mərkəzinin direktoru, dosent Raqif Qasımov, Qərb Universitetinin Tədris şöbəsinin müdiri ,dosent Nazim Abbasov, akkreditasiya üzrə ekspert, dosent  Nazilə Abdullazadə, Bakı Mühəndislik Universitetinin kafedra müdiri, dosent Ədalət İbadov və ATMU-nun müvafiq struktur rəhbərləri iştirak ediblər. Seminarda “Təhsilin təşkilinə yeni innovativ yanaşma”, “Keyfiyyətin təmin olunması və qiymətləndirilməsi”, “Universitetlərin Beynəlxalq və Daxili Akkreditasiya hazırlığının əsas elementləri”  və sair  aktual mövzular sahə peşəkarları tərəfindən hərtərəfli müzakirə olunub. Seminarda tədrisin keyfiyyətli idarəedilməsində dünyanın Harvard, Duke, Marmara, Hopkins kimi nüfuzlu universitetlərinin kurrikulumları, həmçinin Azərbaycan universitetlərində tətbiq imkanları və istiqamətlərinə nəzərdən keçirilib.”Tədrisin təşkili və keyfiyyətinin qiymətləndirilməsi”mövzusuna həsr olunan tədbirdə ATMU-nun rektoru İlham Mədətov ixtisaslı kadr hazırlığını hədəfləyən seminar-müzakirələrin bundan sonra davamlı keçiriləcəyinə əminliyini bildirib. Seminarın tərəflər üçün faydalı olduğunu vurğulayıb.

Azərbaycan Turizm və Menecment Universitetinin rəsmi dəstəyi ilə “Boston Modeli” Layihəsi formatında Universitet və Sənaye əməkdaşlığının icrası prosesinin tərkib hissəsi kimi, 30 oktyabr  2017-ci il tarixində Azərbaycan Turizm və Menecment Universiteti ilə Beynəlxalq Təlim və Layihə Mərkəzi arasında “ƏMƏKDAŞLIQ  HAQQINDA  ÇƏRÇİVƏ  RAZILAŞMASI”nın imzalanma mərasimi olub. Tədbiri ATMU-nun rektoru İlham Mədətov giriş sözü ilə açıq elan edərək hər iki tərəfin qarşılıqlı faydalanacağı bu anlaşmanın icrasının məqsədəuyğun şəkildə həyata keçirilməsini dəstəklədiyini bildirdi. Sözügedən razılaşma mərkəzin sərəncamında olan potensial üzrə müasir bilik və təcrübənin universitetdə istifadəsinə, universitet müəllimlərinin və tələbələrinin mərkəzin fəaliyyətinə cəlb edilməsinə və mərkəz ilə universitet arasında Azərbaycan Respublikasında sosial-iqtisadi inkişafın əsas amili kimi biznes mühitinin inkişaf etdirilməsi, ölkənin sahibkarlıq sektorunun elmi-tədris işlərinə cəlb edilməsi, dünyanın qabaqcıl elmi-texniki nailiyətlərinin sahibkarlığın inkişafına tətbiq edilməsi, iqtisadiyyatın ayrı-ayrı sahələrinin inkişafı, sahibkarlıq subyektlərinin maarifləndirilməsi və fəaliyyətinin inkişafına kömək göstərilməsi məqsədilə tərəflərin birgə əməkdaşlıq münasibətlərini müəyyən edir.Tədbirdə Mərkəzi Florida Universiteti və Cambridge Universitetinin məzunu Zəfər Həsənov, “Beynəlxalq Təlim və Layihə Mərkəzinin” İcraçı direktoru Tariyel Dövlətov tərəfindən iştirakçılara razılaşmanın detalları haqqında ətraflı məlumat verildi. Universitetin rektoru İlham Mədətov razılaşmada nəzərdə tutulan müddəallarla bağlı ATMU-nun müvafiq struktur rəhbərlərinə göstərişlərini verərək əməkdaşlığın önəmini bir daha vurğuladı. Tərəflərin razılaşma sənədlərini imzalanması mərasiminin sonunda Beynəlxalq Təlim və Layihə Mərkəzinin nümayəndələri Teymur Məmmədov və Zəfər Həsənov ATMU-nun tələbə heyəti üçün müvafiq təlimlər keçiriblər. Fərqlənən tələbələrə sertifikatlar təqdim olunub.

60 -dən səhifə 92

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…