Son xəbərlər (242)

Mayın 10-da Azərbaycan Turizm və Menecment Universitetində müstəqil Azərbaycan dövlətinin memarı və qurucusu Heydər Əliyevin anadan olmasının 95 illiyi münasibətilə tədbir keçirilib. ATMU-nun Tədris işləri üzrə prorektoru İranə Əliyeva ali təhsil müəssisəsində təşkil olunan növbəti tədbirin məhz Heydər Əliyev şəxsiyyətinə böyük məhəbbət və ehtiramdan qaynaqlandığını deyib. Bir dəqiqəlik sükut elan edib.Universitetin Elm və İnkişaf məsələləri üzrə prorektoru Anar Eminov detallı məruzəsində diqqətə çatdırıb ki, tariximizin ən böyük simalarının ön cərgəsində dayanmaq haqqı qazanmış Heydər Əliyev XX əsrin sonlarında və XXI əsrin əvvəllərində ölkəmizin bütün sahələrdə əldə etdiyi nailiyyətlərin təşəbbüsçüsü və şəriksiz müəllifidir. Heydər Əliyev uzaqgörən, qətiyyətli siyasətçi olduğunu hələ ölkəyə ilk dəfə rəhbərlik etdiyi 1969-1982-ci illərdə təsdiqləyib.Azərbaycan Respublikasının dövlət müstəqilliyi 1991-ci il oktyabrın 18-də elan olunsa da, onun əsl tarixi məhz qurtuluş günündən başlanır. Çünki ulu öndərimizin dediyi kimi, “Tarix dəfələrlə sübut etmişdir ki, xalqın əvəzsiz milli sərvəti olan müstəqilliyin qorunması onun əldə edilməsindən qat-qat ağır və mürəkkəb vəzifədir”. A.Eminov qeyd edib ki, zəngin təcrübəli və yeni təfəkkürlü siyasətçi Heydər Əliyevin demokratiya epoxasında müstəqil dövlətimizə rəhbərliyi dövründə Azərbaycanda dövlət quruculuğu, iqtisadi inkişaf, beynəlxalq əlaqələrin gücləndirilməsi istiqamətində davamlı proses başlandı, ölkədə bütün sahələr üzrə köklü islahatlar aparıldı.1994-cü il sentyabrın 20-də “Əsrin müqaviləsi” imzalandı. Bunun çox böyük iqtisadi dəyəri ilə yanaşı, siyasi əhəmiyyəti ondan ibarət idi ki, Azərbaycan dünya iqtisadi siyasətinin maraq mərkəzinə çevrildi.Qədim İpək yolunun bərpası ideyasını qaldırmaq və onun həyata keçirilməsi işini təşkil etmək isə Heydər Əliyev şəxsiyyətinin regional yox, dünyəvi xarakter daşıdığını sübut etdi. Bakı-Tbilisi-Ceyhan, Bakı-Tbilisi-Ərzurum neft və qaz kəmərlərinin çəkilməsi haqqında müqavilələri bağlamaqla Heydər Əliyev təkcə Azərbaycanın yox, Gürcüstan və Türkiyənin də iqtisadi inkişafına zəmin yaratdı, üstəlik, hərbi təhlükəsizliyi təmin etdi. Ümummilli liderin təxəyyülünün qlobal siyasətə bu uzaqgörən təsiri bütün Qafqaza aid dünya siyasətinin dəyişməsinə səbəb oldu. Böyük dövlətçilik təcrübəsinə malik olan ümummilli lider Heydər Əliyev Şərq və Qərbin qovşağında yerləşən ölkəmizdə hər iki sivilizasiyanın konseptual parametrlərini özündə birləşdirən universal, modern bir dövlət yaratdı. Məhz Ulu öndərin yaratdığı sabitlik və həyat verdiyi islahatlar Azərbaycanın müstəqilliyini dönməz və əbədi prosesə çevirdi. Bu strateji xətti Azərbaycan Respublikasının Prezidenti İlham Əliyev tərəfindən 15 ildir ki, uğurla davam etdirilir. A.Eminov “xalqın və dövlətin gələcəyini məhz yüksək ixtisaslı, peşəkar, vətənpərvər insanlarda görən Heydər Əliyev hələ ötən əsrin 70-80-ci illərində yüzlərlə gənci təhsil almaq üçün xaricə göndərmişdi”-dedi. Bu gün Azərbaycan Respublikasının Prezidenti cənab İlham Əliyev tərəfindən qəbul olunmuş fərmanla təsdiq olunan Dövlət Proqramına əsasən 100-lərlə gənc dünyanın nüfuzlu universitetlərində təhsil alıb. Fəxrlə deyə bilərəm ki, Dövlət Proqramından bəhrələnənlərdən biri ATMU-nun dekanı Rəhman Səfərov və birdə mənəm. Bu şansı qazandığıma görə xoşbəxtəm.Ulu öndər Heydər Əliyevin 95 illiyi münasibətilə təşkil olunan tədbirdə ATMU tələbələrinin təqdimat-məruzələri professor-müəllim, tələbə və inzibati heyət üzvləri tərəfindən maraqla qarşılanıb. 

Prezident İlham Əliyevin “Azərbaycan Xalq Cümhuriyyətinin 100 illik yubileyi haqqında” 2017-ci il 16 may tarixli Sərəncamı dövlətçilik tariximizdə çox mühüm yer tutan Azərbaycan Xalq Cümhuriyyətinin (AXC) tarixinin öyrənilməsi və onun nailiyyətlərinin gənc nəslə çatdırılması istiqamətində məsul vəzifələr qoyub. Dövlətimizin başçısının 2018-ci il 10 yanvar tarixli digər Sərəncamına əsasən, cari ilin ölkəmizdə “Azərbaycan Xalq Cümhuriyyəti İli” elan olunması bu yubileyə dövlət səviyyəsində çox böyük önəm verilməsinin bariz göstəricisi, tariximizə, keçmişimizə böyük ehtiramın təcəssümüdür.Bu günlər Azərbaycan Turizm və Menecment  Universitetində AXC-nin 100 illiyinə həsr olunan  silsilə görüş,tədbir və yığıncaqlar təşkili olunur. Ali təhsil müəssisəsinin "Menecment" kafedrasının təşkilatçılığı ilə Azərbaycan mühacirət tarixinin tədqiqatçısı, publisist Dilqəm Əhmədlə görüş olub. Azərbaycan Xalq Cümhuriyyətinin yaradıcılrının həyatına həsr edilən “Mühacirlərin dönüşü” (2017) və “Fərqlilər” (2015)   adlı kitabların təqdimatı keçirilib.“Menecment” kafedrasının müdiri İsrayıl İsgəndərov tədbir iştirakçılarına Azərbaycan Xalq Cümhuriyyətinin yaranma tarixi və fəaliyyəti, əldə etdiyi nailiyyətlər barədə məlumat verib. Tədbirdə çıxış edən Dilqəm Əhməd  diqqətə çatdırıb ki,Türkiyədə yaşadığı dövrdə Azərbaycan Xalq Cümhuriyyəti dövrünə aid nadir fotolar, arxiv sənədləri toplayıb. O, mühacirlərin ailə üzvləri ilə əlaqə quraraq, onların şəxsi arxivlərində saxlanılan və bu günə kimi geniş ictimaiyyətə məlum olmayan sənədləri əldə etməyə müvəffəq olub. İştirakçıların çoxsaylı suallarını cavablandırıb.

Bir neçə gündür ki, Azərbaycan Turizm və Menecment Universitetinin, o cümlədən daha 4 tələbəsi - Firuz Məcidzadə, Ərəş Paşayev, Məhəmməd İbrahimli , Murad Bilalov Çin Xalq Respublikasının Hubei Politexnik İnstitutu nəzdində fəaliyyət göstərən Hubei Peşə Texniki Kolleci və ATMU arasında bağlanan "Beynəlxalq otellərin idarəetməsi üzrə birgə sertifikasiya proqramı" çərçivəsində adıçəkilən ölkədə 5 aylıq istehsalat təcrübəsini uğurla davam etdirirlər. ATMU-nun mətbuat xidmətinin məlumatında bildirilir ki,peşəkarlıq vərdişlərinin qazanılmasını şərtləndirən  5 aylıq istehsalat təcrübəsidə tələbələr mühitə adaptasiya məqsədi ilə adıçəkilən institutda bir sıra dərs və dərsdənkənar məşğələlərin dinləyicisi və Hubei TV-nin qonaği olublar. Çin dili, kalliqrafiya və kunq fu dərslərində iştirak edib,könüllü qanvermə aksiyasına qoşulublar. 

Bu gün Azərbaycan Turizm və Menecment Universitetində ali təhsil müəssisəsinin “Turizm və qonaqpərvərlik” fakültəsinin təşkilatçılığı ilə  Ümummilli lider Heydər Əliyevin anadan olmasının 95 illiyinə həsr olunmuş “Azərbaycanda turizm və qonaqpərvərlik sənayesinin inkişafı” mövzusunda Gənc tədqiqatçıların Respublika elmi-praktik konfrans keçirilimişdir. Tədbir iştirakçılarını salamlayan ATMU-nun Elm və inkişaf məsələləri üzrə prorektoru Anar Eminov diqqətə çatdırmışdır ki, gəncliyin sağlam ruhlu, savadlı, yüksək mənəvi tərbiyəyə malik olması dövlət üçün önəmlidir.Cəmiyyətin gələcəyi gənclərdir və öz gələcəyini düşünən hər bir cəmiyyətdə gənclərə qayğı göstərilir. Təsadüfü deyil ki,cəmiyyət həyatının müxtəlif sahələrində sistemli islahatlar aparan böyük öndər Heydər Əliyev çoxşaxəli tərəqqiyə əsaslanmış proseslərdə məhz gənclərin roluna xüsusi önəm vermşdir.Qeyd etmək lazımdır ki, Heydər Əliyevin 1969-1982-ci illərdə respublikaya rəhbərlik etdiyi dövrlərdə yeni tədris ocaqları, gənclik mərkəzləri, hərbi məktəblər açılmış, minlərlə azərbaycanlı gənc keçmiş SSRİ-nin nüfuzlu ali məktəblərində təhsil almış, müasir ixtisaslara yiyələnmişdir. Heydər Əliyevin şəxsi təşəbbüsü və qayğsı sayəsində o zamanlar Sovetlər İttifaqının 50-dən artıq şəhərinin 170 nüfuzlu ali məktəbində bütövlükdə 80-dək sahəni əhatə edən 150 ixtisas üzrə 15 mindən çox azərbaycanlı gəncin ali təhsil almasına, yüksək ixtisaslı mütəxəssis kimi hazırlanmasına imkan və şərait yaradılmışdır. Azərbaycan gənclərinin l forumunda bu barədə danışan ölkə rəhbəri demişdir: “Bütün bunların hamısı o vaxtlar Azərbaycanın gələcəyi üçün yeni-yeni mütəxəssislər hazırlamaq məqsədi daşımışdır. Bu işə biz hələ 70-ci ildən başlamışdıq. Mən bu gün çox məmnuniyyət hissi ilə qeyd edirəm ki, bu, şəxsən mənim təşəbbüsümlə olmuşdur.”. Dövlət gənclər siyasəti Heydər Əliyevin Azərbaycana rəhbərlik etdiyi ilk illərdən başlayaraq həmişə aparıcı istiqamətlərdən biri idi. A.Eminov bildirib ki, hələ Sovet hakimiyyəti illərində ümummilli liderimiz yüzlərlə Azərbaycan gəncinin ittifaqın bir çox böyük və mərkəzi şəhərlərində təhsil almalarına şərait yaratmışdır. Bu gənclər keçmiş SSRİ-nin aparıcı ali məktəblərinə müxtəlif ixtisaslar üzrə ali təhsil almağa göndərilir və savadlı kadr kimi vətənə qayıdaraq fəaliyyət göstərirdilər. Həmin gənclərin böyük bir qismi bu gün müstəqil Azərbaycan Respublikasının dövlət quruculuğunda yaxından iştirak edir, rəhbər vəzifələrdə çalışır, elmimizin, səhiyyəmizin, mədəniyyətimizin inkişafında əvəzsiz xidmət göstərirlər. Heydər Əliyevin 2-ci dəfə hakimiyyətə qaydışını ən çox alqışlayanlar da elə gənclər idi. Heydər Əliyev gənclərə arxalandığı kimi, gənclərdə onu böyük bir lider, əvəzolunmaz tarixi şəxsiyyət, milli dövlət quruculuğumuzun banisi kimi qəbul edirlər.Gənclərin ictimai-siyasi həyatda fəallığını artırmaq üçün həyata keçirilən Dövlət Proqramının tətbiqi, idarəetmə orqanlarında gənc mütəxəssislərə üstünlük verilməsi ümummilli lider Heydər Əliyev tərəfindən müəyyənləşdirilmiş gənclər siyasətinin uğurlu nəticəsidir.Beləliklə, bu gün hər bir Azərbaycan gənci ümummilli lider Heydər Əliyevin ideyalarını öz fəaliyyətində daim rəhbər tutmaqla bərabər, Azərbaycan gəncliyinin lideri olan möhtərəm prezidentimiz İlham Əliyevin  rəhbərliyi  altında Azərbaycanın müstəqilliyinin əbədi yaşaması uğrunda elmi potensiala əsaslanmış fəaliyyətlərini genişləndirirlər.Fürsətdən istifadə edib Ümummilli lider Heydər Əliyevin anadan olmasının 95 illiyinə həsr olunmuş Gənc tədqiqatçıların Respublika elmi-praktik konfransının iştirakçılarına uğurlar arzulayıram. Universitetin “Turizm və qonaqpərvərlik” fakültəsinin dekanı Rəhman Səfərov, “Turizm biznesi” kafedrasının müdiri Bahadur Bilalov, ”Mehmanxana və restoran biznesi” kafedrasının müdiri Novruz Quliyev tədbirin əhəmiyyətindən, ölkəmizdə qeyri-neft sektorunun inkişafına dövlət qayğısından danışdılar.  7 may 2018-ci il tarixində Azərbaycan Turizm və Menecment Universitetində  Ümummilli lider Heydər Əliyevin anadan olmasının 95 illiyinə həsr olunmuş “Azərbaycanda turizm və qonaqpərvərlik sənayesinin inkişafı” mövzusunda Gənc tədqiqatçıların Respublika elmi-praktik konfransında  ATMU-nun rəhbər, professor-müəllim, inzibati və tələbə heyəti, o cümlədən,  müxtəlif təhsil və sənaye müəssisələrindən nümayəndələr iştirak etmişdir.Konfransa təqdim olunan məqalələr Azərbaycanda turizmin inkişaf xüsusiyyətləri, Regionların turizm ehtiyatları, Mehmanxana biznesi sferasında göstərilən xidmətlərin müasir standartları, Müasir mehmanxana və restoran müəsisələrində təşkilati proseslərin təkmilləşdirilməsi, Müasir qida sənayesi müəssisələrində ərzaq təhlükəsizliyi problemləri adlandırılmaqla fərqli mövzularda 5 bölmə üzrə dinlənilmiş və müzakirə olunmuşdur. Konfransa 4 dildə (Azərbaycan, Türk, Rus və İngilis dillərində) Azərbaycan Turizm və Menecment Universiteti ilə yanaşı, Bakı Dövlət Universitetindən, Azərbaycan Dövlət İqtisad Universitetindən, Naxçıvan Dövlət Universitetindən məqalələr təqdim olunmuş və məruzələr dinlənilmişdir.Tədbirin sonunda bölmə rəhbərləri məruzələr, mübahisəli mövzular haqqında məlumat vermiş və ümumi müzakirələr çərçivəsində yekun vurulmuşdur..

7 -dən səhifə 61

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…