Son xəbərlər (377)

Azərbaycan Turizm və Menecment Universitetinin Turizm və qonaqpərvərlik fakültəsi turizm və otelçilik ixtisasının I kurs tələbələri seminar dərsləri “New Baku” və “Opera” otellərində keçiblər. Seminar-məşğələlərdən əvvəl müvafiq ixtisas tələbələrinə adıçəkilən otellərin işləmə prinsipləri və xidmət fəaliyyəti barədə məlumat verilib. Mehmanxana və restoran biznesi kafedrasının müəllimi Tural Salıfov seminar-məşğələlərin məhz otellərdə keçirilməsi təşəbbüsünün gələcək turizmçilərdə seçdikləri ixtisasa böyük maraq oyatmaqdan ibarət olduğunu bildirdi.Qeyd edək ki, seminar məşğələlərin Bakının digər otellərində də keçirilməsi qərara alınıb.

Azərbaycan Turizm və Menecment Universiteti (ATMU) xidmət mühəndisliyi fakültəsinin qida məhsulları mühəndisliyi ixtisasında təhsil alan tələbələri mehmanxana və  restoran biznesi kafedrasının dosenti Çingiz Əliyevin rəhbərliyi ilə mayın 15-də Bakı Ekspo Mərkəzində keçirilən 4 ixtisaslaşmış - 25-ci Yubiley Azərbaycan Beynəlxalq Qida Sənayesi - “WorldFood Azerbaijan”, 13-cü Azərbaycan Beynəlxalq Kənd Təsərrüfatı - “Caspian Agro”, Xəzər Beynəlxalq Qablaşdırma, Tara, Etiket və Poliqrafiya - “Ipack Caspian” və 13-cü Qafqaz Beynəlxalq Mehmanxana, Restoran və Supermarketlər üçün Avadanlıq və Ləvazimatlar - “HOREX Caucasus” sərgilərinə səfər ediblər.Tələbələr milli stendlərdə Azərbaycanla  yanaşı Rusiya, Belorus, Litva, Sloveniya, Türkiyə, Gürcüstan, Şri-Lanka, Niderland Krallığı və s. ölkələrin sərgilədiyi ən müasir mexanizmlər, qurğular, mehmanxana kompleksləri avadanlıqları  və kənd təsərrüfatı məhsulları ilə yaxından tanış olublar.Azərbaycan Respublikası Qida Təhlükəsizliyi Agentliyinin stendində modifikasiya olunan meyvə-tərəvəz, paxlalı bitkilərin kimyəvi tərkibini müəyyənləşdirən maddələr  barədə ətraflı məlumat alan tələbələr, müvafiq cihazlar vasitəsilə şərabların keyfiyyət göstəricilərini də təyin ediblər. Mütəxəssislər tərəfindən xammal və hazır qida məhsullarının soyuducuda saxlanması metodu və üsullarına dair  elmi tövsiyələr alıblar. Türkiyə istehsalı olan qablaşdırma materialları və südün soyudulması prosesində tətbiq edilən xüsusi çənlərin texniki göstəriciləri ilə ilə əyani tanış olmaq imkanı qazanıblar.Qeyd etmək lazımdır ki, adıçəkilən sərgilərdə təmsil olunan müəssisə, o cümlədən qurum rəsmiləri  və ATMU-nun dosenti Ç.Əliyevin təklifi  əsasında  qida məhsulları mühəndisliyi ixtisasında təhsil alan tələbələrin mühazirə və seminar dərslərinin müvafiq müəssisələrdə təşkili nəzərdə tutulub.

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı  və Tətbiqi Tədqiqatlar Fondunun təşkilatçılığı ilə ATMU-da “Ermənistanın Azərbaycana qarşı işğalçılıq siyasətinin  fəsadlarının işıqlandırılması və onların qarşısının alınması yolunda Azərbaycanın mövqeyinin təbliği”  layihəsi çərçivəsində seminar keçirilib.ATMU- nun Xidmət mühəndisliyi fakültəsinin dekanı Kənan Allahverdiyev problemin  aktuallığından danışaraq, onun  regionun həyatında böyük əhəmiyyətini vurğuladı.  Qarabağ münaqişəsinin mütəmadi olaraq dünya ictimaiyyətinə çatdırılmasının vacibliyini qeyd etdi.Layihə rəhbəri İbrahim Əliyev  “Qarabağ münaqişəsinin mahiyyəti, səbəbləri, məqsədləri” adlı məruzəsində  münaqişənin başlama səbəbləri və tarixi köklərindən bəhs etdi.Qarabağda alovlandırılmış münaqişənin  Azərbaycan xalqına, türk xalqlarına, müsəlman dünyasına qarşı uzun illərdən bəri qərb dövlətlərinin apardığı məkrli siyasətin mərhələlərindən biridir-dedi. Ermənistan qonşularına xəyanət etməklə dünyanın mürtəce güclərinin yardımı sayəsində xəstə maraqlarına çatmaq istəyirlər. Onlar göstərdikləri “xidmətlərin” müqabilində Azərbaycanın, Türkiyənin torpaqlarının bir hissəsini zəpt etmək,  talanlar törətmək, qarət etmək məqsədi güdürlər. Onların cəzasızlığının, törətdikləri özbaşınalıqlara göz yumulmasının başlıca səbəbi də məhz bu amildir. Buna görə də bu problemin ədalətli həllinin başlıca şərti problemin əsasında duran qüvvələrin dəqiq, faktlarla aşkar edilərək üzə çıxarılması, onların niyyətlərinin ortaya qoyulması, məqsədlərinin ifşa edilməsidir.Siyasi elmlər üzrə fəlsəfə doktoru Zaur Əliyev “Ermənistan-Azərbaycan Qağlıq Qarabağ münaqişəsinin həlli üzrə ATƏT-in Minsk Qrupunun fəaliyyətinin problemləri”adlı məruzəsində beynəlxalq təşkilatların münaqişəyə münasibətlərində olan ziddiyyətlər, onların səbəbləri haqqında müzakirələrə istiqamət verdi. Qeyd olundu ki, Azərbaycanın problemlərinə münasibətdə beynəlxal təşkilatların ikili mövqe nümayiş etdirməsi bir çox mətləblərdən xəbər verir. Bu ziddiyyətli mövqelər dünya güclərinin öz maraqlarına uyğun hərəkət etdiklərinin göstəricisidir. Ermənistanın beynəlxalq hüquq norma və prinsipləri  kobud şəkildə pozması faktına dünya dövlətlərinin və beynəlxalq təşkilatların kifayət qədər ciddi yanaşmaması  səbəbindən münaqişənin uzanmasına və ağır fəsadlar verməsinə yol açır. Minsk Qrupunun fəaliyyəti ilk baxışda passivlik kimi qəbul edilə bilər. Lakin onların qəsdən ləng hərəkət etmələri, prinsipial məqamlarda qeyri-müəyyən mövqe tutmaları onların passivliyinin deyil,  fərqli maraqlaının olması qənaaətinə gətirir.Hüquqşünas alim Asif Qədirov öz məruzəsində diqqəti münaqişənin hüquqi aspektlərinə yönəltdi. Qeyd olundu ki, formal olaraq Ermənistan bu münaqişədə işğalçı tərəf kimi tanınsa da, ona heç bir beynəlxalq təzyiq göstərilmir. BMT-nin qətnamələr zərfi uzun illəzrdir ki, icra olunmamış qalır. Bu da münaqişədə çoxsaylı gizli maraqların olmasını sübut edir. Bütün bunlara baxmayaraq Azərbaycan dövlətinin möhkəm mövqe və əzm nümayiş etdirməsi beynəlxalq aləmdə xeyli irəliləyişlərin əldə edilməsinə gətirib çıxarıb.Fərid Həsənsoy öz çıxışında Azərbaycan ordusunun 2016-cı il aprel döyüşlərində əldə etdiyi uğurların münaqişədə dönuş etdiyini vurğuladı. Bu döyüş bir tərəfdən Azərbaycanın öz törpaqları uğrunda dönməz mövqeyini, qətiyyətini nümayiş etdirdisə, digər tərəfdən ermənilərin ümidlərinin üstündən xətt çəkdi. Seminarın materialları əsasında Kütləvi İnformasiya Vasitələrində və sosial şəbəkələrdə müzakirələrin davam etdirilməsi nəzərdə tutulub.Seminarda ATMU-nin müəllimləri, tələbələr, KİV və QHT-nın nümayəndələri iştirak ediblər.

May ayının 16-da Azərbaycan Turizm və Menecment Universitetində ali təhsil müəssisəsinin ”Elm və innovasiyalar” şöbəsinin təşkilatçılığı ilə “İdarəetmədə multikultural dəyərlər” mövzusunda doktorant, dissertant və müstəqil tədqiqatçıların IV respublika elmi  konfrans keçirilib. ATMU-nun rektoru İlham Mədətov iştirakçıları salamladıqdan sonra bildirdi ki, konfransın keçirilməsində əsas məqsəd müasir dövrdə idarəetmənin multikultural inkişafı istiqamətində aparılan işlər çərçivəsində məhz multikultural dəyərlərin mükəmməl modelinə nail olmaq, tətbiqi tədqiqatların təbliği mexanizmini hazırlamaq, mədəni-etnik müxtəliflik amilinin dövlətçiliyin inkişafına xidmət üsullarını müəyyənləşdirib həyata keçirməkdən ibarətdir. Rektor idarəetmənin çoxcəhətli prosesi əhatə etdiyini, cəmiyyətin bütün fəaliyyət dairəsi ilə əlaqəli olduğunu dedi. Tədbirə ölkəmizin onlarla ali təhsil müəssisəsi nümayəndələrinin  qatılması faktını yüksək dəyərləndirdi.ATMU-nun Elm və innovasiya şöbəsinin müdiri, fizika- riyaziyyat elmləri namizədi, dosent Nəsirullah Nəsirli “Yeni əsrdə turizmin inkişaf istiqamətləri” adlı məruzəsində turizmin kütləvi və sosial kateqoriya kimi çoxsaylı faktorların təsiri ilə formalaşdığını, eyni zamanda müasir dövrdə turizm bazarında tələbata təsir göstərən vacib amilləri qruplaşdırmaqla, qeyd edilən sahənin təsnifat göstəricilərini diqqətə çatdırdı. Universitetin Karyera və kommunikasiya şöbəsinin müdiri, i.ü.f.d., dos. Anar Eminov “Ümumilli lider Heydər Əliyevin iqtisadi siyasətində multikultural dəyərlərin təhlili” adlı məruzəsində ulu öndərin nəzəri-metodoloji və praktiki əhəmiyyətli baxışlarına elmi baxımdan münasibət bildirdi.“Azərbaycançılıq və multikultural dəyərlər”, “Turizmin inkişafında mədəni irsin rolu”, “Turizmin sosial-iqtisadi inkişafa təsiri”, “Müasir idarəetmənin inkişaf tendensiyaları” bölmələrində 52 məruzə dinlənilib. ATMU-nun professoru Məhərrəm Zülfüqarlının “Kommunist rejimi daxilində milli dəyərlər uğrunda mübarizə”, AMEA-nın İqtisadiyyat İnistitutunun aparıcı elmi işçisi, i.ü.f.d. Gülnar Səmədovanın “Azərbaycanda müalicəvi turizmin təhlili və qiymətləndirilməsi”, Azərbaycan Texniki Universitetinin müəllimi Axilles Talıbov “Azərbaycan Respublikasında turizm sahəsinin müasir inkişaf perspektivləri”, ”Xalq” qəzetinin məsul katibi İlqar Rüstəmov “Mətbuat azadlığı Azərbaycanda multikulturalizm siyasətinin mühüm amillərindən biri kimi”, Sumqayıt Dövlət Universitetinin əməkdaşları Jalə Fərhadova və Nərgiz Nəsirova “Qərbi Avropa ölkələrində multikulturalizm”, Azərbaycan Dövlət Rəssamlıq Akademiyasının magistrantı Emil Ağayev “Altay Hacıyevin yaradıcılığında multikulturalizm ənənələri”, Azərbaycan Dövlət İqtisad Universitetinin əməkdaşı, i.ü.f.d., Elman Əzizov “Müasir turizm sahəsinin davamlı inkişafının təmini məsələləri”, Azərbaycan Turizm və Menecment Universitetinin əməkdaşı Emin Quliyev “Turizm klasterlərinin sosial-iqtisadi inkişafa təsiri” adlı məruzələri iştirakçılar tərəfindən maraqla dinlənilib.Konfrans yekun plenar iclasla başa çatıb.

7 -dən səhifə 95

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…