Son xəbərlər (317)

Tələbələrə məlumat verilib ki, Azərbaycan Respublikası Dövlət Təhlükəsizliyi Xidmətinin Heydər Əliyev adına Akademiyasının "Şöhrət" muzeyinin yaradılmasında və fəaliyyətində başlıca məqsəd Ümummilli Lider Heydər Əliyevin xatirəsini əbədiləşdirmək, nəsillərə örnək olan həyat və fəaliyyətini, mənalı ömür yolunu gələcək nəsillərə çatdırılmaqan ibarətdir."Şöhrət" muzeyi Azərbaycanın dahi oğlu Heydər Əliyev irsinin öyrənilməsi, nəsillərə örnək olan əfsanəvi, şərəfli ömür yolunun geniş təbliğinə xidmət edir. Daha sonra diqqətə çatdırılıb ki, "Şöhrət" muzeyi gənc nəslin Heydər Əliyev dühasını daha da dərindən dərk edə bilməsi, vətənə məhəbbət, dövlətə sədaqət, azərbaycançılıq ənənələri ruhunda tərbiyə olunması, milli-mənəvi dəyərlərinin yaşadılması kimi çox vacib missiyanı həyata keçirir. 

Azərbaycan Turizm və Menecment Universitetinin əsas elmi nəşri olan “Turizm və qonaqpərvərlik tədqiqatları” beynəlxalq jurnalının üçüncü sayı çapdan çıxıb. Jurnala daxil edilən məqalələrdə sağlamlıq sahəsinə investisiya qoyuluşlarının təhlili, ölkə mehmanxanalarında işçilərin mədəniyyət fərqlərinin yaratdığı konfliktlər, iqtisadiyyata xarici investisiyaların cəlb edilməsində azad iqtisadi zonaların rolunun təhlili və qiymətləndirilməsi, UNESCO abidələrinin tanıdılmasında inteqrasiya olunmuş marketinq kommunikasiyaları modelinin qurulması, XX əsrin sonlarında beynəlxalq münasibətlərin əsas istiqamətləri, XX əsrin birinci rübündə böyük Britaniyanın Cənubi Qafqazda ticari-iqtisadi və siyasi maraqları,  mədəniyyətlərarası kommunikasiya müasir cəmiyyətin əsas elementi kimi araşdırılmış və tədqiqat nəticələri təhlil edilib. Jurnalın elektron versiyası ilə ATMU-nun Kitabxana İnformasiya Mərkəzində tanış ola və ya rəsmi saytından elektron versiyanı əldə edə bilərsiniz.

Noyabrın 30-da Azərbaycan Turizm və Menecment Universitetinin (ATMU) təşkilatçılığı ilə “Müasir dövrdə effektiv idarəetmənin problemləri” mövzusunda respublika elmi-praktik konfransı keçirilib.Tədbirdə çıxış edən ATMU-nun rektoru İlham Mədətov konfransın keçirilməsinin əsas məqsədinin müasir dövrümüzdə idarəetmə sistemində təzahür edən modernləşmə və yeni idarəetmə modellərinin, müasir vətəndaşı məmnun edən idarəetmənin qurulmasının zəruriliyini üzə çıxarmaqdan ibarət olduğunu söyləyib. Bildirilib ki, konfransa respublikanın 20 ali məktəbindən 65 məruzə təqdim edilib.Rektor bildirib ki, idarəetmə sosial, siyasi funksiya daşıyaraq ictimai həyatımızın bütün sferalarında müxtəlif istiqamətlərdə özünü göstərir. İdarəetmə ictimai həyatımızın bütün sferalarının tənzimlənməsində, davamlı inkişafın, rifah və məmnunluq səviyyəsinin təmin olunmasında, peşəkar və səmərəli fəaliyyətin formalaşdırılmasında böyük əhəmiyyət kəsb edir. Spesifik fəaliyyət növü olan idarəetmə tələbatların və fəaliyyət formalarının uzlaşdırılması vasitəsilə inkişaf proseslərinin tənzimlənməsinə yönələn xüsusi sosial funksiya kimi, hər dövrün öz obyektiv zərurətindən irəli gələn modellər və metodlar əsasında həyata keçirilir.Universitetin beynəlxalq əlaqələr şöbəsinin müdiri Orxan Musa ATMU tərəfindən bu konfransın dörd ildir keçirildiyini söyləyib. Müasir dövrdə mövzunun aktuallığını qeyd edən O.Musa diqqətə çatdırıb ki, konfransda müasir idarəetmə, idarəetmə prinsipləri, idarəetmə üçün qarşıda duran əsas vəzifələr müzakirə olunacaq, bu sahədə mövcud problemlərin həllinə və digər məsələlərə aydınlıq gətiriləcək.Sonra İqtisadi İslahatların Təhlili və Kommunikasiya Mərkəzinin icraçı direktoru, iqtisad elmləri doktoru Vüsal Qasımlı “Strateji idarəetmə: effektivlik, hesabatlılıq və şəffaflıq” mövzusunda məruzə ilə çıxış edib. O, strateji idarəetmədən, dövlət və biznes idarəetməsinin modellərindən, həmçinin bu sahədə dövlət və özəl qurumların birgə əməkdaşlığından, müasir dövrdə idarəetmənin problemlərindən söz açıb.V.Qasımlı konfransda müzakirə olunan məsələlərin sonralar dövlət siyasətində və biznesin inkişaf etdirilməsində öz vacib praktik tətbiqini tapacağına və əhəmiyyətli rol oynayacağına əminliyini bildirib.Dövlət Turizm Agentliyinin nümayəndəsi Elvin Yusifli, Azərbaycan Dövlət Aqrar Universitetinin əməkdaşı Asif Həsənov və digər çıxış edənlər konfransın mövzusunun aktual olduğunu söyləyib, tədbirin fərqli sahələrdə fəaliyyət göstərən tərəfdaş qurumlar arasında əməkdaşlığın qurulmasına, şəbəkələşmə və yeni elmi yaradıcılıq imkanlarının yaradılmasına mühüm töhfə verəcəyini qeyd ediblər.Sonra konfrans işini “İqtisadiyyatda müasir yanaşmalar və inkişaf tendensiyaları”, “Xidmət sektorunda idarəetmə tendensiyaları” və “Sosial sahələrin idarə edilməsi” mövzularında bölmələr üzrə davam etdirib. Bölmə iclaslarında müvafiq dövlət qurumlarının nümayəndələrinin müxtəlif sahələr üzrə məruzələri dinlənilib.

Azərbaycan Turizm və Menecment Universiteti (ATMU) elmi şurasının iclası keçirilib.  ATMU-nun rektoru İlham Mədətov iclasın gündəliyinə “ATMU-da elmi tədqiqat işlərinin yerinə yetirilməsinin vəziyyəti haqqında” məruzənin daxil edildiyini qeyd edib. Rektor diqqətə çatdırıb ki, ali təhsil müəssisəsi təhsil,tərbiyə,ixtisasartırma,elm və mədəniyyət mərkəzi kimi bir sıra vəzifələri yerinə yetirir.Mütəxəssis hazirlanmasinin tərkib hissəsi sayilan fundamenlal,metodiki,tətbiqi elmi tədqiqat işlərinin icrasını da başlıca məqsəd kimi dəyərləndirir. Universitetin “Elm və innovasiya” şöbəsinin müdiri Nəsrullah Nəsirli elmi şuranın gündəliyinə daxil edilən adıçəkilən məruzəsində “ali təhsil müəssisəsinin professor-müəllim heyəti ATMU-nun rektoru tərəfindən təsdiq olunan ştata əsasən iş günü müddətində tutduqları vəzifədən,tədris planından və elmi tədqiqat planından irəli gələn tədris,tədris metodiki və elmi tədqiqat işlərinin bütün növlərinin məcburi yerinə yetirilməsinə cavabdeh,eyni zamanda ali təhsil müəssisələrinin keyfiyyət təminatı siyasəti tədqiqat,təlim və tədris arasında əlaqəni əks etdirdikdə və ali məktəbin fəaliyyət göstərdiyi milli,instusional konteksli və strateji yanaşmanı nəzərə aldıqda daha səmərəli olduğunu deyib. Qeyd edilən amillər “Ali təhsil müəssisəsinin Nümunəvi Nizamnaməsində”,”Ali təhsil müəssisələrində elmi tədqiqat işlərinin təşkili və planlaşdırilması haqqında Əsasnamə”nin müvafiq bəndlərində təsbit olunub.Bildirilib ki,yola salmağa hazırlaşdığımız tədris ilində 60 elmi tədqiqat işi uğurla başa çatıb. N.Nəsirli tərəfindən elm tədqiqat işlərinin həm kəmiyyət ,həm də keyfiyyətinə təsir edə biləcək bir sıra təklliflər irəli sürülüb.Elmi şuranın iclasında qərara alınıb ki, “ATMU-da  elmi tədqiqat işlərinin yerinə yetirilməsinin vəziyyəti” haqqında məruzə qənaətbəxş qiymətləndirilsin. İrad, təklif və tövsiyyələr nəzərə alınmaqla qısa müddətdə aradan qaldırılsın.Elmi şuranın 27 noyabr 2018- ci il tarixindəki  iclasında ATMU-nun rektoru, ”Beynəlxalq münasibətlər” kafedrasının müəllimi,tarix elmləri namizədi İlham İsa oğlu Mədətovun dosent vəzifəsinə təyin edilməsi haqqında, ATMU-nun prorektoru, “Dillər” kafedrasının dosenti,pedaqogika üzrə elmlər doktoru İranə Məmməd qızı Əliyevaya professor elmi adı vəsiqəsinin verilməsi ilə bağlı Azərbaycan Respublikası Prezidenti yanında Ali Attestasiya Komissiyası qarşısında vəsatət qaldırılması haqqında, ATMU “İctimai fənlər”kafedrasının dosenti,tarix üzrə elmlər doktoru Zülfüqar Paşa oğlu Məhərrəmlinin professor vəzifəsinə təyin edilməsi haqqında, nəşrə tövsiyyə olunmağa təqdim edilən dərs vəsaitləri,metodiki göstərişlər və kitablar haqqında cari məsələlərin qəbulu qərara alındı.

8 -dən səhifə 80

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…