Son xəbərlər (356)

18 aprel 2019-cu il tarixində Azərbaycan Respublikasının Dövlət Turizm Agentliyi və Azərbaycan Turizm Bürosunun dəstəyi, Bakı Turizm İnformasiya Mərkəzinin təşkilatçılığı ilə Bakının Sahil Parkında “Novruz Festivalı 2019” adlı tədbir keçirilib. Azərbaycanın ən qədim və ən kütləvi ümumxalq bayramlarından biri – Novruz bayramı münasibətilə təşkil olunan şənlikdə, o cümlədən  Azərbaycan Turizm və Menecment Universitetindən 10 tələbə iştirak edib. Şənlik iştirakçılarına könüllü mədəni xidmət göstərdiklərinə görə həmin tələbələrə təşkilatçılar tərəfindən “Təşəkkürnamə” təqdim olunub. Azərbaycan Turizm və Menecment Universitetinin Tədris İşləri üzrə prorektoru Hüseyn Həsənov ATMU kollektivi adından onları təbrik edib, təhsil uğurları arzulayıb. Sonda tələbələrlə xatirə şəkli çəkilib.

18 aprel 2019-cu il tarixində Bakı Biznes Universitetində  koordinatoru olduğu və Avropa Komissiyası  tərəfindən maliyyələşdirilən “Azərbaycan Universitetlərində  Keyfiyyət Təminatı Mərkəzlərinin yaradılması və inkişaf etdirilməsi” adlı layihənin 2 günlük  toplantısı  öz işinə başlamışdır. Toplantıda Azərbaycan Respublikası Təhsil Nazirliyinin, Avropa Komissiyasının, Milli Erasmus+ Ofisinin və layihənin tərəfdaşları olan Azərbaycan  ali təhsil müəssisələrinin nümayəndələri iştirak etmişdir. Toplantının 1-ci günündə layihənin tərəfdaş universistetləri tərəfindən görülən işlər barəsində təqdimatlar keçirilmiş, Azərbaycan Universitetlərində Keyfiyyət İdarəetmə Sisteminin tətbiq edilməsində qarşıya çıxan çətinliklər və Keyfiyyət Təminatı Mərkəzlərinin iş planlarının “Avropa Ali Təhsil Məkanında Keyfiyyət Təminatı üzrə Standartlar və Qaydalar”-a uyğunlaşdırılmasındakı əsas problemlər  və görüləcək işlər haqqında ətraflı müzakirələr aparılmışdır. Azərbaycan Turizm ve Menecment Universitetini layihə koordinatoru Flora Ələsgərova, rektor müşaviri Elvin Yusifli, Tədris-metodiki şöbənin müdiri Simnar Mamedov və Beynəlxalq söbənin mütəxəssisi Faina Qaçabəyova təmsil etmişlər. F. Ələsgərova və S.Mamedov ATMU da görülən islər barədə ətraflı təqdimatla cıxış etmişlər.

Azərbaycan Turizm və Menecment Universitetinin əməkdaşları üçün ERASMUS+ EQAC layihəsi çərçivəsində “Tədris və öyrənmə prosesində keyfiyyət təminatı” mövzusunda məlumat günü keçirilmişdir. Tədbirdə ATMU-nun rektoru İlham Mədətov, rektor müşaviri Elvin Yusifli, layihə rəhbəri Flora Ələsgərova, ATMU-nun tərəfdaşı olduğu Bakı Biznes Universitetinin layihə meneceri Gülşən Bayramova, həmçinin layihə üzvləri və ATMU əməkdaşları iştirak edirdi.Tədbirin həyata keçirilməsində məqsəd layihənin iş planına uyğun olaraq, universitetin əməkdaşlarını EQAC layihəsi və Keyfiyyət Təminatı Mərkəzinin fəaliyyəti haqqında məlumatlandırmaq, layihə çərçivəsində həyata keçirilmiş İsveç, Vilnüs və London səfərlərindən öyrənilən təcrübələri bölüşmək, eləcə də atılacaq növbəti addımlar: sorğular, monitorinq və müvafiq tədbirləri müzakirə etmək, Avropa ekspertlərinin iştirakı ilə Azərbaycan universitetlərinin Avropa Komissiyası tərəfindən maliyyələşdirilmiş Qrant proqramlarında iştiraklarının lazımı səviyyədə olmaması, bu sahədəki problemlərin həlli yollarının müzakirəsindən ibarət idi.Tədbirdə “Azərbaycan Respublikasının ömürboyu təhsil üzrə Milli Kvalifikasiyalar Çərçivəsi” qanunu haqqında məlumat verilmişdir.Diqqətə çatdırılmışdır ki, həmin sənəd təhsilin keyfiyyətinin ölçülməsi meyarlarına müvafiq beynəlxalq standartlara - Avropa Ali Təhsil Məkanının Kvalifikasiyalar Çərçivəsi və Ömürboyu təhsil üzrə Avropa Kvalifikasiyalar Çərçivəsinə uyğun hazırlanmışdır. Sənəd təhsilin 8 fərqli səviyyəsi, o cümlədən bakalavr, magistr və fəlsəfə (və elmlər) doktoru səviyyələri üçün deskriptorları müəyyən etmişdir. Milli Kvalifikasiyalar Çərçivəsi qarşıdakı illərdə təhsilin keyfiyyətinin artırılması prosesində istifadə olunacaq əsas qanunvericilik aktlarından biri hesab olunur.Müzakirələr zamanı tədrisdə keyfiyyətin ümumi prinsipləri, kompetensiyalar və təlim nəticələri, maraqlı tərəflərin müəyyən edilməsi və rəylərinin öyrənilməsi metodları, təlim nəticələrinin, tədrisin, mənimsəmənin və qiymətləndirmə metodlarının əlaqələndirilməsinə dair məqalələrin beynəlxalq jurnallarda çap olunması məsələləri detallı müzakirə olunmuşdur. Layihənin məqsədi, Azərbaycan Universitetlərində Keyfiyyət Təminatı Mərkəzlərinin yaradılması və beynəlxalq standartlara uyğunlaşdırılması, təlim-səfərlər dövründə qazanılmış bilik və bacarıqlar barədə layihənin üzvləri E.Yusifli, F.Ələsgərova və S.Məmmədov iştirakçılara geniş məlumat vermişlər.

Azərbaycan Turizm və Menecment Universitetinin Turizm və qonaqpərvərlik fakültəsi “Turizm və otelçilik” ixtisasının I kurs tələbələri növbəti seminar dərsini “New Baku” və “Opera” otellərində keçiblər. Seminar-məşğələdən əvvəl müvafiq ixtisas tələbələrinə adıçəkilən otellərin işləmə prinsipləri və xidmət fəaliyyəti barədə ətraflı məlumat verilib. “Mehmanxana və restoran biznesi” kafedrasının təşəbbüsü ilə keçirilən seminar-məşğələdə başlıca məqsəd gələcək turizmçilərdə seçdikləri ixtisasa böyük maraq oyatmaqdan ibarət idi. Qeyd edək ki, seminar məşğələlərin digər otellərdə də keçirilməsi qərara alınıb.

8 -dən səhifə 89

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…