Son xəbərlər (377)

Dövlət Turizm Agentliyinin dəstəyi, Azərbaycan Turizm və Menecment Universitetinin təşkilatçılığı ilə ali təhsil müəssisəsində “ISO 9001:2015 Keyfiyyət İdarəetmə Sistemi” mövzusunda keçirilən təlimlərə yekun vurulub.. “ISO 9001:2015 Keyfiyyət İdarəetmə Sistemi”çərçivəsində yeni standartların tətbiqinə dair təlimlərə ATMU-un turizm və qonaqpərvərlik fakültəsinin və müvafiq struktur bölmələrinin məsul əməkdaşlarından ibarət işçi qrupu qatılıb. Təlimlərin keçirilməsində başlıca məqsəd “İSO 9001” beynəlxalq standartının “2015 versiyası”nın tətbiqi, auditə hazırlıq mərhələsinin təşkili, turizm və qonaqpərvərlik fakültəsinin, eyni zamanda əlaqəli şöbələrin “İSO keyfiyyət sertifikatları”na sahiblənmələrini təmin etməkdən ibarətdir.3 gün fəaliyyət göstərən təlimdə uğur qazanan işçi qrupu növbəti mərhələdə “ISO 9001:2015 Keyfiyyət Idarəetmə Sistemi” çərçivəsində yeni standartların universitetdə tətbiqi prosesində birbaşa iştirak hüququ qazanıb.“TedQual” və “İSO keyfiyyət” sertifikatlarının əldə edilməsindən ötrü Azərbaycan Turizm və Menecment Universitetində təlim-tədris-tədqiqat sahəsində fəaliyyətin yenidən qiymətləndirilməsi prosesinə başlanılıb. Hazırda dünyanın 30-a yaxın universiteti ”İSO keyfiyyət” sertifikatının sahibidir.

14.05.2019 cu il tarixində Azərbaycan Turizm və Menecment Universitetində (ATMU) universitet Tələbə Elmi Cəmiyyətinin (TEC) təşkilatçılığı ilə "Time and Life Management" mövzusunda seminar keçirilib. Təlimçi-psixoloq Vüsalə Əmiraslanova “Life Management” və “Time Management”-ə dair təqdimat-çıxışı zamanı qeyd edilən sahələrin insan həyatındakı əhəmiyyətindən danışıb.Tədbir tələbələrin çoxsaylı sualları ilə başa çatıb.

Cari ilin 2-3 aprel tarixində Azərbaycan Respublikası Gənclər və İdman Nazirliyi tərəfindən  təşkil olunan “Tələbə Baharı” XII Ümumrespublika yaradıcılıq festivalında Azərbaycan Turizm və Menecment Universiteti biznes idarəçiliyi fakültəsinin tələbəsi Nadir Rüstəmli “pop” nominasiyası üzrə I yeri tutub.1 may 2019-cu il tarixində qaliblərə, o cümlədən Nadir Rüstəmliyə adıçəkilən tədbirin diplomu təqdim olunub. N.Rüstəmli ”Tələbə Baharı” XII Ümumrespublika yaradıcılıq festivalında pop janrında dahi Azərbaycan şairi Nəsimiyə həsr etdiyi ifası ilə təmsil olunub. Azərbaycan Turizm və Menecment Universitetinin rektoru, cənab İlham Mədətov festival qalibi Nadir Rüstəmliyə təhsildə uğurlar, gözəl  ifası ilə insanlara  xoş ovqat bəxş etməyi arzulayıb.

Azərbaycan Turizm və Menecment Universiteti (ATMU) marketinq kafedrasının və “RHC” şirkətinin təşkilatçılığı ilə ali təhsil müəssisəsində müvafiq ixtisas qrupu tələbələrinə “Qiymətləndirmə strategiyaları” mövzusunda praktik təlim keçirilib. Adıçəkilən şirkətinin direktoru Cavid Cəbiyev tədbir çərçivəsində qiymətləndirmə strategiyalarının düzgün təyini, zaman baxımından aktuallığı, səmərəli istifadə metodları, tələb - təklif asılılığı və sair məsələlərdən danışıb.Geniş fikir mübadiləsi şəraitində keçən tədbirin sonunda  Azərbaycan Turizm və Menecment Universitetinin marketinq kafedrası adından ” PHC”  şirkətinin direktoru C.Cəbiyevə “Təşəkkürnamə” sertifikatı təqdim olunub.Təlimdə kafedra müdiri dos.Elmira Qocayeva, baş müəllim Günel Teymurova və ixtisas qrupu tələbələri iştirak ediblər.

8 -dən səhifə 95

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…