Son xəbərlər (377)

7 may 2019 – ci il  tarixində ATMU-da xidmət mühəndisliyi fakültəsinin təşkilatçılığı və “Yeni Hayat“ Humanitar və Sosial Dayaq İctimai Birliyinin təşəbbüsü ilə universitetin sosial  iş ixtisasında təhsil alan tələbələrin maarifləndirilməsi məqsədilə “Ailə münasibətləri, uşaq şəxsiyyətinin formalaşmasında ailənin rolu və ailə zorakılığı” mövzusunda seminar təşkil olunub. Geniş fikir mübadiləsi şəraitində keçən seminarda uşaq şəxsiyyətinin formalaşması və gənc nəslin tərbiyəsində ailənin roluna aydınlıq gətirilib. Bildirilib ki, həyatın təməl prinsipi sayılan ailələrdə qarşılıqlı hörmət və anlayışlı davranış cəmiyyətin mənəvi sağlamlığında öz əksini tapır. Fiziki, psixoloji və iqtisadi – sosial  zorakılıq halları təkcə ailələrin dağılması ilə nəticələnmir, eyni zamanda yetişməkdə olan gənc nəsildə natamamlıq kompleksi yaradır. Bu baxımdan sağlam təməl üzərində qurulan və inkişaf edən ailələrin davamçıları cəmiyyətə yararlı şəxsiyyət kimi formalaşır – desək heç də yanılmarıq.Tədbirdə layihə rəhbəri Nailə İsmaylova, psixoterapevt Afət Əkbərli, dekan müavini, dosent Sevda Vəzirova, tyutor Gülnar Zeynalova, müvafiq kafedranın müəllimləri  və ixtisas tələbələri iştirak ediblər.

Türkiyə Respublikasının İzmir Kamalpaşa Bələdiyyəsi və Ege Peşəkar Aşpazlar Dərnəyinin təşkilatçılığı ilə 30 aprel - 6 may 2019 – cu il tarixlərində Türkiyə Respublikasının İzmir şəhərində “III Beynəlxalq yemək yarışması və Mədəniyyət” festivalı keçirilib. Adıkeçən beynəlxalq tədbirdə Azərbaycan Milli Kulinariya Mərkəzinin  təşəbbüsü və təşkilatçılığı çərçivəsində ölkəmiz də iştirak hüququ qazanıb. Dünya xalqları təmsilçilərinin qatıldığı beynəlxalq tədbirdə Azərbaycan Turizm və Menecment Universiteti (ATMU)  xidmət mühəndisliyi fakultəsinin qida məhsulları mühəndisliyi ixtisası üzrə təhsil alan 3 – cü kurs tələbəsi Gülnur Nağızadə ”III Beynəlxalq yemək yarışması və Mədəniyyət” adlı beynəlxalq yarışmanın qalibi olub. Münsiflər heyətinin yekdil qərarı ilə G.Nağızadə beynəlxalq festivalın qızıl və gümüş medalına layiq görülüb.

06-09 may 2019-cu il tarixlərində Ekoloji Tarazlıq ictimai birliyi, Kajaani Tətbiqi Elmlər Universiteti (KAMK), və “Ketury” ictimai birliyinin birgə həyata keçirdiyi “Dayanıqlı turizmin inkişafı və Azərbaycanın kəndlərində yerli sənətkarlığa dəstək” layihəsi çərçivəsində Azərbaycan Turizm və Menecment Universiteti və  Kajaani Tətbiqi Elmlər Universitetinin tələbələri ilə birgə Lənkəranda Yay Ekoloji Turizm Düşərgəsi təşkil olunub.Düşərgənin təşkilində əsas məqsəd  Finlandiya və Azərbaycanın turizm və hotel menecmenti sahəsində ixtisaslaşan tələbələr arasında ekoloji turizm sahəsində marketinq potensialının təhlili, Lənkəran regionunun mədəni-irsi, tarixi, ekoloji resurslarının öyrənilməsi, birgə ekoloji turlarda iştirak və Lənkaran-Astara regionu üçün tur paketin hazırlanması və gələcəkdə Finlandiyalı turistləri tur paket vasitəsi ilə ölkəmizə cəlb olunmasıdır.Yay düşərgəsində iştirak edən universitet tələbələri öz təcrübələrini genişləndirmək məqsədilə Lənkəran regionunun ekoturizm, müxtəlif etnik azlıqların məskunlaşdığı, sahibkarlıqla məşğul olduqları ərazilərə və muzeylərə səfər ediblər. Tədbir çərçivəsində tələbələrə Azərbaycan Turizm və Menecment Universiteti və turizm sahəsi üzrə peşəkar ekspertləri tərəfindən Azərbaycan və qonşu ölkələrdə (Türkiyə, İran, Rusiya və Gürcüstan) eko-turizm təcrübələri, Lənkəran regionunda tur paketin hazırlanması imkanları barədə ətraflı məlumat verilib. Adıçəkilən hər iki universitet tələbələri öz ölkələrinin mövcud turizm potensialı, dövlət dəstəyi və turistlər üçün perspektiv imkanlarına həsr olunan təqdimatlarla çıxış ediblər. Onu da qeyd etmək lazımdır ki, layihə çərçivəsində respublikanın aparıcı turizm sahəsində çalışan mütəxəssislərin iştirakı ilə Azərbaycanda ekoloji turizmin inkişafına dair marketinq strategiyası hazırlanıb müvafiq dövlət qurumlarına təqdim olunacaq. Bu il ərzində turizm sahəsində çalışan qadın sahibkarlara dəstək məqsədilə biznesin təşkili və müasir marketinq strategiyalarına əsaslanan, regional və beynəlxalq əməkdaşlığın inkişafı üzrə təlimlər təşkil ediləcək.

Ulu öndər Heydər Əliyevin anadan olmasının 96 illiyi münasibətilə ATMU-da keçirilən şahmat  yarşının qalibləri mükafatlandırılıb. “Güclülər arasında Şahmat üzrə ATMU birinciliyi”nin qalibləri ilə görüşən rektor İlham Mədətov Azərbaycanın dünyada idman ölkəsi kimi də tanındığını diqqətə çatdırdı. Ali təhsil müəssisəsində ümummilli lider Heydər Əliyevin əziz xatirəsinə həsr olunan tədbirlər çərçivəsində keçirilən şahmat yarışının qalblərinə – Tərlan Növrəsli, Həmzə İsmayılov, Zəhra İsmayılova və Cəmilə Bayramlıya qiymətli xatirə hədiyyələri təqdim olundu. 

9 -dən səhifə 95

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…