Son xəbərlər (199)

Avstriyanın ölkəmizdəki səfirliyində "Azərbaycan-Avstriya Turizm Proqramı"-nın ənənəvi məzun görüşü çərçivəsində   AATP proqramında 5 ildən çox pedaqoji fəaliyyət göstərən Azərbaycan Turizm və Menecment Universitetinin müəllimlərinə İMC Krems Tətbiqi Elmlər Universitetinin sertifikatlarının təqdim edilməsi mərasimi keçirilib.

 Tədbirdə ATMU-nun rektoru İlham Mədətov, ali təhsil müəssisəsinin prorektorları Eldar Aslanov, İranə Əliyeva, ATMU-nun qurucu rektoru və hazırda ADPU-nun rektoru Cəfər Cəfərov, Avstriyanın Azərbaycandakı fövqəladə və səlahiyyətli səfiri cənab Axel Wech, İMC KREMS TEU-nun rektoru xanım Eva Verner, AATP üzrə Proqram Direktoru cənab Yens Peter Ennen, İMC KREMS TEU-nun sertifikatını alan müəllimlər, həmçinin proqramın məzun- tələbələri iştirak ediblər.

Tədbiri giriş sözü ilə Avstriyanın Azərbaycandakı səfiri cənab Axel Wech açaraq iki ölkə arasında mövcud olan siyasi və mədəni əlaqələrin əhəmiyətindən danışıb. İMC KREMS TEU-nun rektoru xanım Eva Verner isə iştirakçıları salamladıqdan sonra rəhbərlik, tələbə və müəllim heyətindən "Azərbaycan-Avstriya Turizm Proqramı" çərçivəsində əvəzedilməz xidmətlərinə və dəstəyinə görə ATMU-nun qurucu rektoru və hazırda ADPU-nun rektoru cənab Cəfər Cəfərova, sədaqətli müəllim kimi 5 ildən çox pedaqoji fəaliyyəti olan 9 müəllimə, həmçinin proqramı uğurla başa vurmaqla kifayətlənməyib, proqramda fəaliyyətini  davam etdirən daha 3 nəfər ATMU  məzununa mükafatlar  təqdim olunub.

Azərbaycan Turizm və Menecment Universitetinin rektoru İlham Mədətov tədbirin rəsmi hissəsindəki çıxış nitqində qeyd edib ki, Azərbaycan-Avstriya Turizm Proqramından 10 il ərzində ümumilikdə 175 nəfər (162 nəfər bakalavriat və 13 nəfər magistratura səviyyəsi üzrə) məzun olub. AATP məzunlarından bir çoxu hazırda  turizm sənayesinin aparıcı sahələrində böyük nüfuz sahibidirlər. ATMU ailəsi olaraq turizm sənayesinin dinamik inkişafı naminə faydalı və səmərəli əməkdaşlığa böyük önəm veririk.

Mərasim  əyləncəli konsert proqramı ilə başa çatıb. 

 

 

Azərbaycan Turizm və Menecment Universitetinin əməkdaşı və doktorantı Sənubər Qənbərova Rusiya Federasiyasının Sankt-Peterburq şəhərindəki Tavrida sarayı- MDB ölkələrinin Parlamentlərarası Assambleyasının qərargahında “Parlamentarizmin aktual problemləri-tarix və müasirlik” (“Tavrida məruzələri-2017”) mövzusunda keçirilən  beynəlxalq elmi konfransda aktual məruzə ilə çıxış edib.

Sözügedən konfransa Azərbaycan, Belarus, Qazaxıstan, Qırğızıstan, Polşa, Rusiya və digər respublikalardan onlarla alim və mütəxəssis qatılıb.

Konfrans Plenar iclasla başlayıb və öz işini müxtəlif bölmə iclaslarında davam etdirib. Beynəlxalq tədbirin gündəliyinə “Rusiya İmperiyasının Dövlət Dumasına seçkilər”, “Bioqrafika”, “Dövlət Dumasının və Dövlət Şurasının fəaliyyəti (1906-1917-ci illər)”, “Rusiya İmperiyası IV Dövlət Dumasının fəaliyyəti”, “1917-ci ildə Rusiya parlamentarizmi”, “Parlamentarizm mövzusunun mətbuatda əks olunması”, Rusiya parlamentarizminin regional ölçüsü”, “MDB dövlətlərində parlamentarizmin inkişafının aktual problemləri”, “Xarici parlamentarizm” və ümumilikdə 70-dən çox məruzə  daxil edilib.

ATMU-nun mətbuat xidmətinin məlumatında deyilir ki, S.Qənbərovanın “1918-1920-ci illərdə Azərbaycan Parlamenti” mövzusunda məruzəsi konfrans iştirkçıları tərəfindən maraqla qarşılanıb. Məruzəçi deyib ki, “ölkə Prezidenti İlham Əliyevin Sərəncamı ilə Azərbaycan Xalq Cümhuriyyətinin 100 illik yubileyi dövlət səviyyəsində qeyd olunacaq. Bu ərəfədə belə bir mötəbər məclisdə Azərbaycan parlamentinin   çox çətin və mürəkkəb bir tarixi dövrdə meydana gəlməsindən detallı söz açmaq mənim üçün böyük fəxrdir”. Azərbaycan Parlamenti yarandığı ilk gündən öz işlərini demokratik cümhuriyyətlərə xas təşkilati prinsiplər əsasında  qurub,- deyən S. Qənbərova diqqətə çatdırıb ki, Azərbaycan  Xalq Cümhuriyyətnin Parlamenti cəmi 17 ay fəaliyyət göstərməsinə baxmayaraq fəxrlə deyə bilərik ki, özünün həyatiliyi və yüksək işgüzarlıq qabiliyyətini bütün dünyaya sübut edə bilib.

Qeyd etmək lazımdır ki, “Tavrida məruzələri” illik konfransları 2007-ci ildən etibarən hər il parlamentarizmin tarixini öyrənmək və yaymaq məqsədilə keçirilir. Konfransın yekununda elmi məqalələr toplusu dərc olunur.

İsrail dövlətinin Azərbaycandakı səfirliyinin dəstəyi ilə ATMU-nun İsrailin ISRotel otellər şəbəkəsi  ilə əməkdaşlığı çərçivəsində tələbələrin 22 həftəlik istehsalat təcrübə proqramının 10 ili tamam olub. 07 dekabr 2017-ci il tarixində adıçəkilən təcrübə proqramının uğurlu fəaliyyətinə həsr olunan tədbirdə Azərbaycan Mədəniyyət və Turizm nazirinin müavini Sevda Məmmədəliyeva, ATMU-nun rektoru İlham Mədətov, ADPU-nun rektoru Cəfər Cəfərov, İsrailin ölkəmizdəki fövqəladə və səlahiyyətli səfiri Dan Stav, bu əməkdaşlıqda birbaşa töhfəsi olan 9 il ərzində 191 tələbənin İsraildə təcrübə rəhbəri ISRotel otellər şəbəkəsinin işəgötürmə və işçi xidmətləri mərkəzinin rəhbəri Etty Krichli, İSRotel otellər şəbəkəsinin İnsan resursları meneceri David Blum və  İSRotel otellər şəbəkəsinə daxil olan Yam Suf otelinin baş meneceri David Tzuker, diplomatik korpus nümayəndələri, təcrübə proqramından yararlanan məzun və tələbələr, o cümlədən müvafiq nazirliyin və universitetin struktur rəhbərləri iştirak ediblər. Nazir müavini S.Məmmədəliyeva, rektor İ.Mədətov, səfirin müavini A.Rosenberg, ISRotel otellər şəbəkəsinin nümayəndələri, o cümlədən bu uzunmüddətli əməkdaşlığın təməlini qoyan məzunlardan Fərid İsmayılov təbrik nitqi ilə çıxış ediblər. Təcrübə proqramının 10 illiyinə həsr olunan mərasimdə peşəkar vərdişlərə sahiblənən məzun və tələbələr ATMU-ya və İsrail səfirliyinə çalışdıqları ölkələrdən videoçarx vasitəsilə təşəkkürlərini bildiriblər.

Bu gün Azərbaycan Turizm və Menecment Universitetində (ATMU) Ulu öndər Heydər Əliyevin anım günü qeyd olunub

ATMU-nun Mətbuat xidmətindən verilən məlumata görə universitetin professor-müəllim heyəti, tələbələrinin iştirak etdiyi anım mərasimini açan rektor İlham Mədətov Ulu öndər Heydər Əliyevin müdrik siyasətindən, tarixi uzaqgörənliyindən, Azərbaycan dövlətinin qurulub inkişaf etdirilməsindəki xidmətlərindən bəhs edib. Ümummilli liderin elm, təhsil, mədəniyyət sahələrinin inkişafına göstərdiyi əvəzolunmaz rolundan danışan rektor bu siyasətin Prezident İlham Əliyev tərəfindən uğurla davam etdirildiyini diqqətə çatdırıb.

ATMU-nun Xidmət mühəndisliyi fakültəsinin dekan müavini, YAP-ın universitet üzrə yerli təşkilatının sədri Anar Fərmayılov Ulu öndər Heydər Əliyevin hər zaman gənclərə qayğı ilə yanaşdığını, onların problemlərini həll etməyə çalışdığını detallı faktlarla isbatlayıb. Gənclərin ictimai-siyasi həyatda fəallığını artırmaq üçün həyata keçirilən Dövlət Proqramının tətbiqi, idarəetmə orqanlarında gənc mütəxəssislərə üstünlük verilməsini ümummilli lider Heydər Əliyev tərəfindən müəyyənləşdirilmiş gənclər siyasətinin uğurlu nəticəsi olduğunu bildirib. Hər bir gəncin gələcək inkişafında təhsilin önəmli olduğunu deyib.

Dillər kafedrasının müdiri Kəmalə Kərimova çıxışında ulu öndər Heydər Əliyevin Azərbaycan xalqı və dövləti üçün gördüyü işlərdən, həyata keçirdiyi layihələrdən, ölkəmizin beynəlxalq aləmdə söz sahibinə çevrilməsindəki xidmətlərindən bəhs edib, müstəqil Azərbaycanı ümummilli liderin şah əsəri adlandırıb.
Tədbir ATMU tələbələrinin çıxışları və Ümummilli liderə həsr olunan video çarxın nümayişi ilə yekunlaşıb.

9 -dən səhifə 50

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…