Son xəbərlər (317)

Azərbaycan Turizm və Menecment Universitetinin (ATMU) Biznes İdarəçiliyi fakültəsi və  Marketinq kafedrsaının təşkilatçılığı ilə  ali təhsil müəssisəsində “İctimai elmlərdə  tədqiqat metodları və elmi tədqiqat bazarlarında  effektiv istifadə imkanları” mövzusunda təlim-siminar  keçirilib. Təlim-seminarda Bakı Mühəndislik  Universitetinin elmi işlər üzrə  prorektoru, eyni zamanda ATMU-nun  Marketinq kafedrasının dosenti Elçin Süleymanov tədqiqat   mövzusunun seçilməsi, ölkə əhəmiyyətli məqalələrin yazılıb jurnallara ünvanlanması, elmi tədqiqat bazalarında profilaçmanın faydalarından detallı danışıb.Azərbaycan universitetlərinin tədqiqat mərkəzlərində və müvafiq laboratoriyalarında aparılan araşdırmaların beynəlxalq elmi bazarlardakı mövcud vəziyyətinə münasibət sərgiləyib.”İctimai elmlərdə tədqiqat metodları və elmi tədqiqat bazarlarında effektiv istifadə imkanları”na həsr olunan ikigünlük təlim-seminarda “Web of Science Clarivate” bazasından elmmetrik və Scopus verilənlər bazalarından effektiv istifadə, Google akademik hesabın açılması, elmi jurnalların indekslənmə sistemləri və elmmetrik göstəricilərin təhlili, İmpact faktorlu elmi jurnallarda məqalə standartları, təqdiqat problemlərinin qoyuluşunda başlıca amil göstəriciləri diqqətdə saxlanılmaqla, nəzəri-praktiki- siyasi əhəmiyyətindən bəhs edilib.

21 Noyabr 2018-ci il tarixində Azərbaycan Turizm və Menecment Universitetində Perunun ölkəmizdəki müvəqqəti və səlahiyyətli səfiri xanım Maria Milagros Castanon Seoane və universitetin rektoru İlham Mədətov arasında görüş olub.Görüşdə diplomat xanıma universitetin inkişaf strategiyası,təhsil-tədris sistemi, beynəlxalq əlaqələr, həmçinin ali təhsil müəssisəsinin perspektiv planları haqqında ətraflı məlumat verilib. Söhbət əsnasında Peru və ATMU arasında  mümkün əməkdaşlıq əlaqələrinin qurulması və möhkəmləndirilməsinə dair fikir mübadiləsi aparılıb.

Azərbaycan Turizm və Menecment Universitetinin (ATMU) bir qrup müəllim və tələbəsi xeyriyyə tədbirləri çərçivəsində Suraxanı rayonundakı 2 saylı Uşaq evini ziyarət ediblər. Adıçəkilən müəssisəyə növbəti səfər ölkənin sosial həyatında önəmli tədbirlərə uyğun olaraq valideyn himayəsindən məhrum uşaqlara diqqət və qayğının konkret ifadəsidir.ATMU-nun ziyarətçiləri adından Beynəlxalq əlaqələr şöbəsinin əməkdaşı Faina Qaçabəyova bildirdi ki, azyaşlı uşaqların hər zaman xoş təbəssümə, şirin sözə ehtiyacları var. Məhz bu səbəbdən də həmin uşaqları unutmur, mütəmadi ziyarət edirik.F.Qaçabəyovanın dediyinə görə Suraxanıdakı 2 saylı Uşaq evində məskunlaşan sakin- uşaqların istək və arzuları ilə də maraqlanıblar. Onların ifasında milli və xarici rəqslərə tamaşa ediblər. Yenidən görüşmək vədi ilə ATMU adından hədiyyələrlə sevindiriblər.

Azərbaycan Turizm və Menecment Universiteti “Biznes idarəçiliyi” fakültəsinin “İqtisadiyyat” kafedrası, Azərbaycan Fond Bazarı İştirakçılarının Assosiasiyası və Bakı Fond Birjasının birgə təşkilatçılığı ilə ali təhsil müəssisəsində “Azərbaycanın müasir kapital bazarı” mövzusunda seminar keçirilib.Tədbirdə Paşa Kapital İnvestisiya Şirkətinin direktor müavini Tələt Kalayev “Kapital Bazarında investisiya imkanları”na dair təqdimat- çıxışında kapital bazarlarında diqqətçəkən dəyişiklik və investisiya qoyuluşlarından bəhs edib. “Biznesin inkişafı” departamentinin aparıcı mütəxəssisi Müseyyib Mehdiyev “Bakı Fond Birjası və bazar seqmentləri” adlı məruzəsində Bakı Fond Birjasının mövcud vəziyyəti və bazar seqmentləşməsinin müasir formalarına aydınlıq gətirib.ATMU-da adıçəklən qurumların təşkilatçılığı ilə “Azərbaycanın müasir kapital bazarı”mövzusunda təşkil olunan debat- seminarda  tələbələrin çoxsaylı sualları moderator- təlimçi-məruzəçilər tərəfindən ətraflı cavablandırılıb.Sonda təlimçilərə və təşkilatçılara təşəkkür sertifikatı təqdim olunub.

9 -dən səhifə 80

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…