Son xəbərlər (356)

Paytaxt Buxarest şəhərində “Rumıniya 100: Avropa qlobal sosial-iqtisadi məzmunda” adlı beynəlxalq simpozium keçirilib. Ölkənin Artifex Universitetinin və Milli Elmlər Akademiyasının təşkilatçılığı ilə təşkil olunan beynəlxalq tədbirdə  Belarus, Bolqarıstan, İtaliya, Moldava,Rusiya, Serbiya,  Ukraynanın müvafiq ali təhsil müəssisələri və Elmlər Akademiyası nəzdindəki institutların çoxsaylı alim-mütəxəssisləri iştirak edblər. Azərbaycan Turizm və Menecment Universitetinin bir qrup tələbəsi isə “Rumıniya 100: Avropa qlobal sosial-iqtisadi məzmunda” adlı beynəlxalq simpoziumun 696 səhifəlik xüsusi buraxılışında öz məqalələri ilə təmsil olunublar. Azərbaycan Turizm və Menecment Universiteti (ATMU) marketinq kafedrasının müdiri, iqtisad üzrə fəlsəfə doktoru, dosent Elmira Qocayevanın bildirdiyinə görə ümumiyyətlə gündəmdəki beynəlxalq elmi tədbirlərdə müəllim və tələbələrin məqalələrlə deyil,konkret iştirakı nəzərdə tutulur.

Azərbaycanlıların soyqırımının 101-ci ildönümü ilə bağlı martın 31-də Azərbaycan Turizm və Menecment Universitetinin (ATMU) professor-müəllim-tələbə və inzibati heyəti  Quba Soyqırımı Memorial Kompleksinin ərazisində soyqırımı qurbanlarının xatirəsinə ucaldılan abidəni ziyarət ediblər. Soyqırımı qurbanlarının xatirəsi bir dəqiqəlik sükutla anılıb.Ziyarətçilərə məlumat verilib ki, azərbaycanlılar son iki yüz il ərzində erməni millətçilərinin davamlı olaraq etnik təmizləmə, soyqırımı və təcavüzkar siyasətinə məruz qalaraq öz tarixi torpaqlarından didərgin salınıb, qaçqın və məcburi köçkünə çevriliblər.1918-ci ilin əvvəllərində Leninin himayəsi altında Şaumyan Bakı Kommunasının rəhbəri oldu. Həmin il martın 30-da erməni-bolşevik birləşmələri Bakı şəhərini gəmilərdən yaylım atəşinə tutdular. Martın 31-də və aprelin ilk günlərində qırğınlar kütləvi xarakter aldı. Minlərlə dinc azərbaycanlı yalnız milli mənsubiyyətinə görə məhv edildi. Həmin günlərdə erməni-bolşevik birləşmələri Bakıda 12 min dinc azərbaycanlını qətlə yetirdilər. Bu qanlı hadisələr zamanı insanlar evlərində diri-diri yandırılıb, eləcə də xüsusi işgəncələrlə və amansızlıqla öldürülüb.Ermənilərin silahlı hücumu nəticəsində 1918-ci ilin ilk beş ayı ərzində Quba qəzasında 16 mindən çox insan xüsusi qəddarlıqla qətlə yetirilib, 167 kənd dağıdılıb ki, onlardan 35-i hazırda mövcud deyil. Erməni-daşnak dəstələrinin Quba qəzasında azərbaycanlıları kütləvi şəkildə qətlə yetirmələrinə dair Quba şəhərində kütləvi məzarlıqların aşkar edilməsi erməni vandalizmini təsdiqləyən faktlardır.Diqqətə çatdırılıb ki,yalnız ümummilli lider Heydər Əliyev 1993-cü ildə siyasi hakimiyyətə yenidən qayıtdıqdan sonra ermənilərin azərbaycanlılara qarşı zaman-zaman törətdikləri soyqırımı ilə əlaqədar 1998-ci il martın 26-da imzaladığı Fərmanla 31 mart Azərbaycanlıların Soyqırımı Günü elan edilib.  Tarix heç zaman unudulmur, həm də yazılır. Erməni vəhşilikləri vətən tarixinin qanla yazılmış səhifəsi olsa da, Azərbaycan dövləti bütün problemlərin öhdəsindən uğurla gəlmək iqtidarındadır.

28 mart 2019-cu il tarixində Azərbaycan Turizm və Menecment Universitetində (ATMU)  “Biznes idarəçiliyi” fakultəsi Menecment kafedrasının təşkilatçılığı,İqtisadi Islahatların Təhlili və Kommunikasiya Mərkəzinin “Azexport.az” portalının təşəbbüsü ilə “Amazonla Qazan - gənclər arasında elektron ticarət alətlərindən istifadə etməklə özünəməşğulluğun artırılması” mövzusunda təlim keçirilib.  “Azexport.az” portalının rəhbəri Zaur Qardaşov və menecer Ayxan Qədəşov adıçəkilən fakültə tələbələrini elektron ticarət platformalarında qeyri-neft ixracı üzrə artımın dəstəklənməsi,o cümlədən konkret istiqamətdə görülən işlərlə tanış ediblər.Gələcək turizimçilər təlim proqramı çərçivəsində, həmçinin “Amazon”və “Alibaba” kimi nəhəng elektron ticarət platformalarının uğurlu fəaliyyəti əsasında müstəqil biznes şəbəkəsinin qurulmasına dair detallı informasiya imkanı əldə ediblər.ATMU-nun “Biznes idarəçiliyi” fakültəsinin təlim proqramında fəallığı ilə fərqlənən 40 tələbəsinə sertifikatlar təqdim olunub.

Azərbaycan Turizm və Menecment Universitetinin rektoru cənab İlham Mədətov 18 mart 2019 – cu il tarixdə ali təhsil müəssisəsində Kuba  Respublikasının Bakıdakı fövqəladə və  səlahiyyətli səfiri cənab Alfredo Nieves Portuondo   ilə görüşü zamanı ölkələrimiz arasındakı mövcud tarixi əlaqələrin möhkəmlənməsi və dinamik inkişafını şərtləndirən cəhətlərə münasibət bildirib. Qarşılıqlı səmimilik şəraitində keçən söhbət əsnasında Azərbaycan Turizm və Menecment Universitetinin (ATMU) fəaliyyət tarixində xarici əlaqələrin üstünlükləri, ikili dirlom proqramının yaratdığı imkanlar,tələbə-müəllim mübadiləsi, dünyanın nüfuzlu otel və turizm sənaye müəssisələrində  təcrübə semestrinin təşkili və sair məsələlər nəzərdən keçirilib.Rektor İlham Mədətov böyük elçini, o cümlədən ATMU-nun ixtisaslı kadr hazırlığı sahəsində perspektiv planları barədə məlumatlandırıb. hər iki ölkədə turizmin müasir vəziyyəti, inkişaf istiqamətləri və problemləri, ikitərəfli əməkdaşlıq  məsələləri ətrafında fikir mübadiləsi aparılıb.

10 -dən səhifə 89

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…