Son xəbərlər (303)

Azərbaycan Turizm və Menecment Universitetinin "AATP BA Cohort 2016" qrupunda oxuyan tələbələr Azərbaycan-Avstriya Proqramı (AATP) üzrə tədris edilən ”Tədbirlərin təşkili və idarəçiliyi” fənninin dinləyiciləri olublar. Tələbə-müəllim mübadiləsi çərçivəsində ATMU-ya ezam olunan Avstriyanın İMC Krems Tədbiqi Elmlər Universitetinin müəllimi xanım professor Elisabeth Hansa “Tədbirlərin Təşkili və İdarəçiliyi” fənninin növbəti hissəsini Bakı Kongres Mərkəzində tədris edib. Bakı Kongres Mərkəzində Lalə Adıgözəlova, "Fairmont Baku" otelində Nikolaos Tsitsoulis, Aytən Bağırova və Fəridə İsmayılova, "Boulevard Hotel Baku" otelində isə Fəridə Osmanova adıçəkilən fənnin yüksək səviyyədə tədrisinə xüsusi qayğı göstəriblər. Tələbələr tədbir zallarında fənnə dair aldıqları faydalı məlumatlardan qrup işlərində səmərəli istifadə ediblər.

17 oktyabr 2018-ci il tarixində Azərbaycan Turizm və Menecment Universitetinin “Mehmanxana və restoran biznesi” kafedrasının “Qida məhsulları mühəndisliyi” ixtisasının QM1601 qrup tələbələri və kafedranın dosenti Gülnar Məmmədli və Həlilə Məmmədova “Mikrobiologiya, sanitariya və gigiyena” fənnini praktik olaraq AMEA-nın Mikrobiologiya İnstitutunda keçiriblər.Praktik dərsdə İnstitutun müdir müavini, AMEA-nın müxbir üzvü, prof. Pənah Muradov tələbələrə İnstitutun yaranması, strukturu və mikrobiologiya sahəsində tətbiq edilən yeniliklərlə bağlı ətraflı məlumat verib. İnstitutun laboratoriyaları ilə tanışlıqdan sonra universitet tələbələrinə “Mikrobioloji biotexnologiya” laboratoriyasının müdiri b.ü.e.d.,dos. Könül Baxşəliyeva və Gənc Alimlər Şurasının sədri b.ü.f.d. Vüsalə Xəlilzadənin təqdimatında   mikrobioloji tədqiqat üsulları nümayiş olunub.

Azərbaycan Turizm və Menecment Universitetində (ATMU) Avstriyanın Federal Statistika institutunun sabiq baş direktoru Piter Hakl ilə görüş keçirilib.Azərbaycan Respublikası Dövlət Turizm Agentliyinin (DTA) təşəbbüsü ilə gerçəkləşən görüşün məqsədi ATMU tərəfindən turizm sahəsində statistik məlumatların toplanması və təhlili, elmi tədqiqatların həyata keçirilməsi imkanlarının qarşılıqlı müzakirəsindən ibarət idi.Təsadüfü deyil  ki,o cümlədən tədqiqat sahəsinin inkişafı ATMU-nun bu istiqamətdə fəaliyyəti ilə bağlı DTA-nın təklif etdiyi yeni strateji planda əksini tapıb. Cənab P.Hakl universitetdə fəaliyyət göstərən tədqiqatçıların, eləcə də ali təhsil pilləsinin bakalavr və magistr səviyyələrində təhsil alan tələbələrin turizm tədqiqatlarının işlənib hazırlanması prosesinə cəlb edilməsinin əhəmiyyətini diqqətə çatdırıb. Bu istiqamətdə universitetin professor-müəllim heyəti ilə əməkdaşlığa hazır olduğunu bəyan edib.ATMU-nun elm və innovasiya şöbəsinin müdiri Nəsirulla Nəsirli görüşdə bildirib ki, universitetin elmi-tədqiqat potensialı sözügedən araşdırmaların aparılmasına imkan verir. ATMU-nun rektor müşaviri Elvin Yusifli isə qeyd edib ki, universitet rəhbərliyi turizm sahəsində "dəlil əsaslı" dövlət siyasətinin hazırlanması və icrası prosesinə elmi-tədqiqat müstəvisində töhfə verməyə maraqlıdır.

ATMU –nun 4 nəfər tələbəsi - İlham Bilalov, Arzu İbadova, Səkinə Bağırova, Vüsalə Rzayeva Yade Tətbiqi Elmlər Universiteti tərəfindən 7-30 avqust 2018 – ci il tarixlərində Almaniya Federativ Respublikasının Vilhemshaven şəhərində təşkil olunmuş “Alman dili yay məktəbi” adlı beynəlxalq kursda,  həmçinin 5 avqust-16 sentyabr 2018 – ci il tarixlərində “Mədəniyyətlərarası Ünsiyyət və Menecment” kursu adlı beynəlxalq təlim proqramında iştirak etmişlər. Adıkeçən beynəlxalq təlimin təşkil edilməsində əsas məqsəd iştirakçıların  alman dili üzrə səviyyələrinin artrılması, eləcədə ixtisas yönümlü təlim və seminarların təşkili çərçivəsində tələbələrin ümumi bilik səviyyələrinin inkişaf etdirilməsindən ibarət idi. 

10 -dən səhifə 76

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…