Son xəbərlər (199)

Azərbaycan Turizm və Menecment Universiteti “Marketinq”kafedrasının təşəbbüsü ilə  “Aqromarketinq” və “Tikinti sahəsinin marketinqi” mövzularına dair açıq dərsin təşkilində başlıca məqsəd ixtisas tələbələrini marketinq sahəsində innovasiyaların tətbiqi və öyrənilməsinə,o cümlədən müstəqil fəaliyyət çərçivəsində layihə hazırlama və təqdimetmə vərdişlərinə istiqamətləndirməkdən ibarərdir. Mövzulara uyğun olaraq tələbələr qrup şəklində keyslər üzrə marketinq layihələri hazırlayayıb ekspertlərə təqdim ediblər. Açıq dərsdə ATMU-nun rektoru İlham Mədətov, ekspert qismində “Aselson Bakı” şirkətinin icraçı direktoru Serhat Erdemir, “AGT inşaat”ın icraçı direktor müavini Selim Akbay, “STP” şirkətinin baş məsləhətçi Bilgi İşıkkent, “AKC” tikinti şirkətinin direktoru, əməkdar mühəndis Aslan İsmayılov, İqtisadiyyat nazirliyi BBTM-in şöbə müdiri Məlahət Kazımova, “Gilan Holding”şirkətinin marketinq meneceri Mehdi Qarayev, “Renesans” tikinti şirkətinin nümayəndəsi Qürbət Salmanov, Beynəlxalq təlim və tədris mərkəzinin icraçı direktoru Tariyel Dövlətov, BBF biznes inkubasiya mərkəzinin layihə müdiri Rəşad Məmmədov, Sığorta üzrə ekspert iqtisadçı Xəyal Məmmədxanlı, adıçəkilən universitetin professor-müəllim heyəti və əməkdaşları iştirak ediblər. Rektor İlham Mədətov bu səviyyəli tədbirlərin günün reallığına çevrilməsini uğurlu addım kimi dəyərləndirib. Universitetin dərin tədris və təhsillə  yanaşı, iş- təcrübə fəaliyyətinin də prioritet vəzifə olduğunu iştirakçıların diqqətinə çatdırıb. İ.Mədətov ixtisas kurrikulumlarına uyğun bir semestr nəzərdə tutulan təcrübə müddətinin 3 il yarım tədris müddətinə bərabər təşkilinin daha faydalı olacağını xüsusi vurğulayıb. Marketinq kafedrasının müdiri Anar Eminov isə ATMU-da “aktuallaq baxımından məhz tikinti və qida sahəsinin marketinq idarəedilməsi üzrə”keçirilən açıq dərsin iştirakçılar üçün əhəmiyyətli olacağını deyib.

Ekspertlərin iştirakı ilə mövcud layihələrin tətbiqi perspektivləri müzakirə edilib və tələbələrə təqdimatların təkmilləşdirilməsinə dair təkliflər verilib. Fərqlənən qrup üzvləri mükafatlandırılıb.

Tanınmış yazıçı Elxan Elatlı Azərbaycan Turizm və Menecment Universitetində tələbələrlə görüşüb.

Universitetdən AZƏRTAC-a bildirilib ki, görüşdə Elxan Elatlının həyat və yaradıcılığı barədə məlumat verilib. Tanınmış detektiv ustası bədii ədəbiyyata maraq göstərən tələbələrə yaradıcılıq uğurlarının sirlərindən danışıb.

Sonra Elxan Elatlı universitetdə keçirilən şeir yarışmasının qaliblərinə xatirə hədiyyələri təqdim edib.

Qeyd edək ki, Elxan Elatlı “Xəyanət” romanından sonra detektiv yazıçı kimi tanınmağa başlayıb. Onun irihəcmli “Qan ləkəsi” romanı və oradakı hadisələrin müəyyən mənada davamı olan “Cəhənnəmdən gələn səs” romanı vətənpərvərlik tərbiyəsi baxımından qiymətli əsərlərdir.

Dekabrın 1-də Azərbaycan Turizm və Menecment Universitetində (ATMU) Dünya Bankının təhsil departamentinin nümayəndələri - baş iqtisadçı İqor Xeyfets, baş təhsil mütəxəssisi Roberta Male Basset və mütəxəssis Elvira Anadolu ilə görüş keçirilib.

ATMU-dan AZƏRTAC-a bildiriblər ki, görüşdə qonaqlar Təhsil Nazirliyi ilə Dünya Bankının müştərək yeni layihəsi çərçivəsində bu ali məktəbə maraq göstərilməsinin təsadüfi olmadığını diqqətə çatdırıblar. Qeyd edilib ki, ATMU ölkədə turizm ixtisaslı kadr hazırlığı üzrə bir sıra uğurlara imza atıb. Elə bu səbəbdən universitetin təhsil strategiyasını öyrənmək layihənin uğurlu həlli ola bilər.

Universitetin rektoru İlham Mədətov qonaqlara ATMU-nun tarixi, beynəlxalq əlaqələri, yeni hədəfləri haqqında ətraflı məlumat verib.

Qeyd etmək lazımdır ki, Təhsil Nazirliyi ilə Dünya Bankının birgə reallaşdırdığı layihənin əsas məqsədi Azərbaycanın ali təhsil müəssisələri ilə sənaye obyektləri arasında əlaqələrin qurulması, bu prosesdə qarşıya çıxan problemləri tədqiqata istiqamətləndirib araşdırmaqdır. ATMU-da keçirilən görüşdə universitet tələbələrinin istehsalat-təcrübə imkanlarının təşkili, sənaye ilə əməkdaşlığın daha da inkişafı və digər məsələlər geniş müzakirə olunub.

29 noyabr 2017-ci il tarixində Azərbaycan Turizm və Menecment Universitetində (ATMU) Elmi Şuranın iclası keçirilib. ATMU-nun rektoru Ilham Mədətov Elmi şura üzvlərinin diqqətinə çatdırıb ki,  növbəti iclasın gündəliyinə “ATMU-da 2016/2017 tədris ili üzrə istehsalat təcrübə proqramının nəticələri haqqında”, “ATMU-da professor-müəllim heyətinin 2017-2018-ci tədris ili üçün komplektləşdirilməsi və inkişaf dinamikası haqqında” məruzələr və cari məsələlər daxil edilib. Universittin Tədris işləri üzrə prorektoru Eldar Aslanov ”ATMU-da 2016/2017-ci tədris li üzrə istehsalat təcrübə proqramının nəticələri haqqında” məruzəsində qeyd

edib ki, Azərbaycan Respublikası Prezidentinin 2016-cı il 6 dekabr tarixli Fərmanı ilə təsdiq edilmiş  "Azərbaycan Respublikasında ixtisaslaşmış turizm sənayesinin inkişafına dair Strateji Yol Xəritəsi" bizi daha mütəşəkkil işləməyə səfərbər edir. Bu böyük və məsuliyyətli işin öhdəsindən gəlmək üçün təhsil-tədris-təcrübə- təlim modelini ali təhsil müəssisəsi olaraq başlıca hədəf kimi dəyərləndiririk. Keyfiyyətli təhsil və peşəkarlığın təmin olumasında, təcrübə semestrinin təşkili ixtisaslı kadr hazırlığına təkan verir; -desək səhv etmərik. Bildirim ki,  Turizm və otelçilik ixtisası, eyni zamanda Azərbaycan-Avstriya Turizm Proqramı (AATP) üzrə təhsil alan tələbələr üçün təcrübə müddəti 22 həftə müəyyən edilib.

2016/2017-ci tədris ilində əyani şöbədə təhsil alan 140, eyni zamanda qiyabi şöbənin 24 nəfər tələbəsi istehsalat təcrübəsində olub. Həmin tələbələrdən 22 nəfəri akademik borclarının ötən tədris ili üzrə müəyyən edilən limiti keçməsi səbəbindən təcrübəyə buraxılmayıb.

2016/17-ci tədris ilində 59 nəfər Bakıda, 15 nəfər Azərbaycanın müxtəlif şəhər və rayonlarında (Qəbələ, Qax, Gəncə, Şəki, Lənkəran, Lerik, Balakən, Şabran, Göyçay, Mingəçevir, Lahıc), 49 nəfər xaricdə (Türkiyə, İsrail, ŞKTC, Rusiya) istehsalat təcrübəsində olub.

Azərbaycan Turizm və Menecment Universitetində tədris proqramına uyğun olaraq 2016/2017-ci tədris ilində II kursda təhsil alan 86 magistr-tələbə elmi-tədqiqat təcrübəsi, 43 magistr-tələbə isə pedaqoji təcrübəni uğurla başa vurub. 2017/2018-ci tədris ilində icrası planlaşdırılan istehsalat təcrübəsinin təşkilinə isə artıq başlanılıb. Elmi Şura iclasının gündəliyindəki  “ATMU-da professor-müəllim heyətinin 2017-2018-ci tədris ili üçün komplektləşdirilməsi və inkişaf dinamikası haqqında” məruzə edən universitetin İnsan resursları şöbəsinin müdiri Avtandil Bayramov qeyd edib ki, tədbirdə tələbə və professor-müəllim heyətinin fəaliyyətinə kompleks yanaşma,o cümlədən qiymətləndirmənin şəffaflığı təqdirəlayiqdir. Azərbaycan Turizm və Menecment Universitetinin professor-müəllim heyətinin 2017/2018-ci tədris ili üçün İnkişaf  Dinamikasına əsasən deyə bilərik ki, Azərbaycan Turizm və Menecment Universiteti üzrə fənlərin tədrisini 184 nəfərlik professor-müəllim heyəti həyata keçirir. Bunlardan 7 professor, 56 dosent, 51 baş müəllim, 70 müəllim çalışır ki, onlardan 84 nəfəri elmi dərəcəsi olanlardır. 8 nəfər elmlər doktorundan – iki nəfər, 76 fəlsəfə doktorundan – 39 nəfəri ATMU- nun əməkdaşıdır. ATMU-da əsas iş yeri olan 92 nəfər professor-müəllim heyətindən 42 nəfəri elmi dərəcəsi olanlardır. Elmi Şuranın iclasında “ATMU-da 2016/2017 tədris ili üzrə istehsalat təcrübə proqramının nəticələri haqqında”, “ATMU-da professor-müəllim heyətinin 2017-2018-ci tədris ili üçün komplektləşdirilməsi və inkişaf dinamikası haqqında” məruzələr əlavə və təkliflər nəzərə alınmaqla qənaətbəxş hesab olunub.

10 -dən səhifə 50

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…