Son xəbərlər (377)

Aprelin 30-da Azərbaycan Turizm və Menecment Universitetində (ATMU) Elmi şuranın iclası keçirilib. ATMU-nun rektoru İlham Mədətov iclasın gündəliyinə “2018-2019-cu tədris ilinin yay  imtahan sessiyası və dövlət imtahanlarının təşkili haqqında” (məruzəçi  Tədris işləri üzrə prorektor Hüseyn Həsənov) və Ümummilli lider Heydər Əliyevin anadan olmasının 96 illiyi ilə əlaqədar ATMU-da keçiriləcək tədbirlər haqqında (məruzəçi tarix elmlər doktoru, professor Məhərrəm Zülfüqarlı ) məruzə və çıxışların daxil edildiyini diiqqətə çatdırdı. İclasın cari məsələlər zərfinə isə 2019-2020-ci tədris ili üçün dərs yüklərinin bölgüsü, Xidmət mühəndisliyi fakültəsinin vəsatəti, “Dillər” kafedrasının baş müəllimi, f.ü.f.d.Ü.S.Baxşəliyevanın dosent vəzifəsinə təyin edilməsi, t.ü.e.d., prof. M.P.Zülfüqarlının “Azərbaycan əleyhinə siyasətə qarşı N.Nərimanovun mübarizəsi” ( 1920-1925) və “Bakı kommunasının anti-Azərbaycan fəaliyyəti”,  i.ü.f.d., dos. E. Süleymanov, i.ü.f.d., dos. E. Qocayeva, i.ü.f.d., dos. A. Eminov və i.ü.f.d. A. Mirzəyevin  həmmüəllif olduqları “Müasir Azərbaycan iqtisadiyyatının əsaslarI”, “İngilis dili” kafedrasının müəllimi R.R.Qurbanovanın seçmə fənnə dair “Diplomatik sənədlərin tərcüməsinin əsasları” adlı dərs vəsaitləri və kafedra əməkdaşlarının müştərək hazırladığı “Turizm sahəsi üçün ingiliscə-azərbaycanca lüğət”, o cümlədən bakalavriat pilləsində təhsil alanlar üçün t.e.n., dos. B.Bilalov, t.e.n., dos. H.Hüseynov və Q.Yusupovun “Turizmdə nəqliyyat xidmətləri” və K..Salmanovanın “Komputer tərcümə proqramları” adlı fənn proqramlarının çapa tövsiyyə olunması daxildir. Azərbaycan Turizm və Menecment Universitetinin doktorantları- Əhmədov Rəşad İsmayıl oğlunun ,Mazanov Azər Balabəy oğlunun, Əlizadə Tərgül Etibar qızının, Nəzərova Gülnar Fərrux qızının,Orxan İsmayıl oğlu Musanın ,Samir Müseyib oğlu Məhərrəmovun ,Əliyev Vasif Zirəddin oğlunun dissertasiya mövzuları və elmi məsləhətçilərin təsdiqinin Əlaqələndirmə Şurasına tövsiyə olunması məsələləri daxil edilib.Prorektor Hüseyn Həsənov hesabat- çıxışında 2018/2019 tədris ilinin yay semestr və dövlət imtahanlarına hazırlıq mərhələsinin təşkili  istiqamətində görülən konkret tədbirlərə aydınlıq gətirdi. ATMU kollektivini bu mərhələdə də öz  qüvvələrini səfərbər etməyi məqsədəuyğun saydığını dedi. Elmi Şuranın iclasında Azərbaycan Turizm və Menecment Universitetinin doktorantlarının dissertasiya mövzularının və elmi məsləhətçilərinin təsdiqinin Əlaqləndirmə Şurasına tövsiyyə edilməsi məsələsi, ”Dillər” kafedrasının baş müəllimi, f.ü.f.d.Ü.S.Baxşəliyevanın  AAK-ın təlimatına uyğun olaraq dosent elmi dərəcəsi verilməsinə dair vəsadəti qəbul olundu.Dərslik və fənn proqramlarının çap edilməsi qərara alındı.Elmi şura iclasında “2018/2019-cu tədris ilinin yay  imtahan sessiyası və dövlət imtahanlarının təşkili, Ümummilli lider Heydər Əliyevin anadan olmasının 96 illiyi ilə əlaqədar ATMU-da görüləcək tədbirlər və  yuxarıda qeyd olunan cari məsələlər qənaətbəxş qiymətləndirildi. 2018/2019-cu tədris ilinin yay  imtahan sessiyası və dövlət imtahanlarına hazırlıq prosesinin yüksək səviyyədə təşkili rəy və  təkliflər nəzərə alınmaqla tövsiyyə edildi.

Azərbaycan Turizm və Menecment Universitetində müstəqil Azərbaycan dövlətinin memarı və qurucusu Ümummilli Lider Heydər Əliyevin anadan olmasının 96 illiyi münasibətilə tədbir keçirilib.  ATMU-nun rektoru İlham Mədətov ali təhsil müəssisəsində təşkil olunan növbəti tədbirin məhz Ulu Öndər Heydər Əliyev şəxsiyyətinə böyük məhəbbət və ehtiramdan qaynaqlandığını deyib.İ.Mədətov diqqətə çatdırıb ki, tariximizin ən böyük simalarının ön cərgəsində dayanmaq haqqı qazanmış Heydər Əliyev XX əsrin sonlarında və XXI əsrin əvvəllərində ölkəmizin bütün sahələrdə əldə etdiyi nailiyyətlərin təşəbbüsçüsü və şəriksiz müəllifidir. Heydər Əliyev uzaqgörən, qətiyyətli siyasətçi olduğunu hələ ölkəyə ilk dəfə rəhbərlik etdiyi 1969-1982-ci illərdə təsdiqləyib. Azərbaycan Respublikasının dövlət müstəqilliyi 1991-ci il oktyabrın 18-də elan olunsa da, onun əsl tarixi məhz qurtuluş günündən başlanır. Ulu öndərimizin dediyi kimi, “Tarix dəfələrlə sübut edib ki, xalqın əvəzsiz milli sərvəti olan müstəqilliyin qorunması onun əldə edilməsindən qat-qat ağır və mürəkkəb vəzifədir”.Universitetin ictimai fənlər kafedrasının müdiri İbrahim Əliyev Ulu öndərin Moskvadakı fəaliyyətinin detallı şərhində dedi ki, görkəmli dövlət xadimi Heydər Əliyevin dəmir iradəsinin parlaq sübutu onun fəaliyyətinin Moskva illəridir. 1982-1987-ci illəri əhatə edən bu dövrdə SSRİ rəhbərliyində Siyasi Büronun üzvü və SSRİ Nazirlər Soveti sədrinin birinci müavini kimi yüksək vəzifə tutan Heydər Əliyev Kreml rejiminə sübut etdi ki, heç bir qüvvə onun zəngin, tükənməz və hərtərəfli dövlət idarəçiliyi istedadının qarşısını almağa qadir deyildir. Heydər Əliyev sovet rəhbərliyində olarkən doğma Vətənini həmişə diqqət mərkəzində saxlayır, onun inkişafına hər cür qayğı göstərirdi.1987-1990-cı illər Kreml rejiminin xalqımızın böyük oğluna qarşı həyata keçirdiyi ağır təqib illəridir. Ömrünün bütün dövrlərində olduğu kimi, Heydər Əliyev həmin illərdə də doğma xalqı üçün yaşamış, nəhəng Sovet dövlətinin dağılmaqda olduğu şəraitdə öz vətəni üçün çıxış yolları axtarmış, zəngin dövlətçilik təcrübəsi, müdrik məsləhətləri ilə Azərbaycanı düşdüyü ağır böhrandan çıxarmaqdan ötrü bütün qüvvəsini sərf etmişdir.Tarix elmləri doktoru,professor  Məhərrəm Zülfüqarlı zəngin təcrübəli və müasir təfəkkürlü siyasətçi Heydər Əliyevin müstəqil dövlətimizə rəhbərlik etdiyi dövrdə Azərbaycanda dövlət quruculuğu, iqtisadi inkişaf, beynəlxalq əlaqələrin gücləndirilməsi istiqamətində davamlı prosesdən bəhs etdi. Ölkədə bütün sahələr üzrə köklü islahatlara təkan verildiyini, xalqın və dövlətin gələcəyinə xüsusi diqqət verildiyini dedi.  Ötən əsrin 70-80-ci illərində yüzlərlə gənc təhsil almaq üçün xaricə göndərildi. Bu gün Azərbaycan Respublikasının Prezidenti cənab İlham Əliyev tərəfindən qəbul olunmuş Dövlət Proqramına əsasən 100-lə gənc dünyanın nüfuzlu universitetlərinin məzunudur.Heydər Əliyevin 96 illiyi tədbirində tələbələr ulu öndərə həsr olunan şeirlərlə çıxış ediblər.O cümlədən H.Əliyevə həsr olunan inşa yazı qalibləri- tələbələrə sertifikatlar, xatirə hədiyyələr təqdim olunub.Tədbirlər çərçivəsində mayın 7-dən 11-nə kimi ATMU-da tələbələrin əl işlərindən ibarət sərginin, idman yarışlarının  keçirilməsi və mükafatlandırılması  nəzərdə tutulub.

05.05 2019-cu il tarixində Zəfər Kurslarının və Azərbaycan Dövlət Pedaqoji Universitetinin təşəbbüsü ilə “Park Inn” hotelində "Azərbaycan Universitetlərinin Təhsil Sərgisi” keçirilib.Tədbirdə Azərbaycan Turizm və Menecment Universitetini ali təhsil müəssisəsinin karyera və kommunikasiya şöbəsinin əməkdaşları təmsil ediblər. ATMU əməkdaşları ziyarətçi-şagirdlərə universitetdə təhsil, ixtisaslar,dünyanın , o cümlədən ölkəmizin nüfuzlu otellərində, turizm sənayesində təcrübə qazanma və karyera imkanları barədə ətraflı məlumat veriblər.Sərginin  təşkilində başlıca məqsəd şagirdləri ölkə ali məktəblərinin fəaliyyət strategiyası barədə məlumatlandırmaq idi.

Ölkənin təhsil məkanında özünəməxsus yer tutmuş Azərbaycan Turizm və Menecment Universiteti kadr hazırlığı ilə yanaşı turizm sahəsində aktual elmi-tədqiqatlar aparılmasını, bunun üçün respublikada, eləcə də xarici ölkələrdə fəaliyyət göstərən alimlərin bir araya gətirililərək fikir mübadiləsinin təşkilinə də xüsusi önəm verir. İndiyədək 200-dən çox konfrans təşkil edən  ATMU daha bir beynəlxalq konfransa Bakı Mühəndislik Universiteti ilə birlikdə ev sahibliyi etmişdir.Mayın 3-4-də “Park İNN” otelində baş tutan “Turizm və rekreasiya XXI əsrdə: problemlər və perspektivlər” adlı Dördüncü Beynəlxalq elmi-prakriki konfrans Ümummilli liderimiz Heydər Əliyevin anadan olmasının 96-ci ildönümünə həsr olunmuşdur. Beynəlxalq konfransda ATMU-nun rektoru İlham Mədətov və BMU-nun rektoru Havar Məmmədov çıxış edərək iştirakçıları salamladı. Qeyd olundu ki, H.Əliyev hələ ölkəmizin dövlət müstəqiliyinin bərpasından əvvəl Azərbaycanda təhsilin inkişafı üçün çox əhəmiyyətli layihələrin icrasına böyük qayğı göstərmişdir. Ulu öndər 60-70-ci illərdə ölkəyə rəhbərlik etdiyi dövrdə milli kadrların yetişməsini, yerli mütəxəssislərin irəli çəkilməsini bir nömrəli məsələ kimi qarşıya qoymuş və öz arzularını reallaşdırmağa nail olmuşdur.Biz Azərbaycan təhsilinə ulu öndər qayğısı barədə söz açarkən, o, böyük dövlət xadiminin siyasi kursunu davam etdirən prezident İlham Əliyevin reallaşdırdığı proqram və layihələridə mütləq yada salmalıyıq.Ulu öndərin layiqli davamçısı prezident İlham Əliyevin ən uğurlu layihələrindən biridə ATMU-nun yaradılmasıdır. ATMU fəaliyyətə başladığı gündən tədris-tədqiqat modelinə əsaslanmaqla, elmi araşdırmaların nəticələrinin turizm təhsilinə, ümumən ölkə turizminin inkişafına tətbiq etmək istiqamətində fəaliyyətini davam etdirir.Məqsədyönlü fəaliyyətin nəticə olaraq ATMU müxtəlif səviyyəli elmi-praktiki konfranslara ev sahibliyi etmişdi. “Turizm və rekreasiya XXI əsrdə: problemlər və perspektivlər” adlı Beynəlxalq elmi konfransa yerli və xarici alimlərin turizmin müxtəlif sahələrinə dair 80-dən çox məruzə təqdim edilmiş, təşkilat komitəsi tərəfindən dəyərləndiriləkdən sonra tədbirin gündəliyinə daxil edilmişdir. Plenar iclasda Ufa Dövlət Neft Texniki Universitetinin baş müəllimi Zuxra Abdraxmanova “Beynəlxalq tədbirlər üçün təşkilatı və servis xidmətinin təmin edilməsi, turizm sahəsində kadr hazırlığına dair suallar”, Azərbaycan Turizm və Menecment Universitetin professoru Rza Mahmudov “Turizm sənayesində risklər və onun qiymətləndirilməsinin elmi əsasları”,  Bakı Mühəndislik Universiteti Dünya iqtisadiyyatı kafedrasının müdiri i.ü.f.d. Şəhriyar Muxtarov “Turizmin ətraf mühit üzərindəki təsirlərinin qiymətləndirilməsi: EKC mövcüddurmu”, Azərbaycan Dövlət İqtisad Universitetin baş müəllimi Suqra Hümbətova “Azərbaycan turizm sektorunda mikro və kiçik sahibkarlığın klasterial inkişafının mikromaliyyələşmə məsələləri” mövzularında məruzələri maraqla dinlənildi.Fasilədən sonra konfrans öz işini bölmələrdə davam etdirdi. Konfransda tədqiqatçıların turzimin müxtəlif sahələrinə dair məruzəsi əsasında fikir mübadiləsi aparılıb, XX əsrin fenomeni hesab edilən dünya turizminin XXİ əsrdə də dayanıqlı inkişafı, ayrı-ayrı ölkələrin bu inkişafa töhfəsi və s. haqqında məlumatlar verilmışdir. Sonda iştirakçılara sertifikatlar və material toplusu təqdim edildi.

10 -dən səhifə 95

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…