Son xəbərlər (317)

Azərbaycan Turizm və Menecment Universitetinin “Biznes idarəçiliyi”fakültəsi “Marketinq”kafedrasının təşəbbüsü ilə ”Uğurlu karyera inkişafı” mövzusunda keçirilən fərdi inkişaf mühazirələrinin növbəti qonağı “AAAF Holdinq”in vitse – prezidenti, biznes konsultant və peşəkar təlimçi Fəxri Ağayev idi. O, təqdimat-çıxışı zamanı ilk öncə tələbələrə şəxsi təcrübəsindən danışıb.Təlimçi qeyd edib ki, uğurlu karyeraya gedən yolda ali təhsillə yanaşı,şəxsi keyfiyyətlər, sosial bacarıqlar, ünsiyyət və danışıq qabiliyyəti böyük əhəmiyyət kəsb edir. Bu səbəbdən karyera yüksəlişini məqsəd bilən tələbələr təhsil imkanlarından səmərəli faydalanmalı, öz üzərlərində hər zaman ciddi işləməlidirlər. Uğurlu karyera qurmaq istəyən tələbə- gənclər ali təhsili başa vurduqdan sonra da bilik və bacarıqlarını,peşəkarlıqlarını artırmalıdırlar.ATMU-da “Uğurlu karyera inkişafı” mövzusunda keçirilən tədbir tələbələrin çoxsaylı suallarının cavablandırılması ilə başa çatıb. İştirakçı tələbələrdən 7 nəfərə sertifikat təqdim olunub. 

Müzakirədə Azərbaycan Turizm və Menecment Universitetinin Biznes İdarəçiliyi fakültəsinin dekanı i.ü.f.d. Anar Mirzəyev, Biznes İdarəçiliyi fakültəsinin dekan müavini İlahə Əliyeva, “Marketinq” kafedrasının müdiri i.ü.f.d., dos. Elmira Qocayeva, “Mehmanxana və restoran biznesi” kafedrasının müdiri, p.e.d. prof., Novruz Quliyev və Aliyyə Hacıbəylinskaya iştirak ediblər.

Azərbaycan Turizm və Menecment Universitetinin əməkdaşları və eyni zamanda doktorantları Humay Cəfərli və Sənubər Qənbərova Türkiyənin Kocaeli şəhərində keçirilən “Turizm, İqtisadiyyat və Biznes elmləri üzrə II Beynəlxalq Konqres”ində iştirak ediblər. Humay Cəfərli “Qloballaşma kontekstində biznes turizmin tərifi və faydaları” mövzusunda etdiyi məruzəsində biznes turizminin ictimai əhəmiyyəti, müsbət və mənfi təsiri, MICE konsepti, biznes turizmi üçün əsas bazar, biznes səyahətin subsistemləri, iş səfərlərinin məqsədləri və biznes turizm sənayesinin çoxtərəfli infrastrukturu məsələlərinə toxunub. Sənubər Qənbərova isə “Azərbaycanda turizmin inkişafında milli mətbəxin rolu” adlı məruzəsində ölkəmizdə turizmə dövlət qayğısı kontekstində milli mətbəximizin əhəmiyyətli rolunu detallı faktlara iştirakçıların diqqətinə çatdırıb. Bu sahədə dövlət tərəfindən həyata keçirilən tədbirlər və görülən işlər barədə ətraflı məlumat verib.Plenar iclasla işə başlayan tədbir öz fəaliyyətini müxtəlif bölmə iclaslarında davam etdirib. Qeyd edək ki, konqres Kartəpə bələdiyəsi, Kocaeli Universiteti və Nobel Bilik və Araşdırma Mərkəzinin maliyyə dəstəyi vasitəsilə təşkil edilib. Konfrans əsnasında ATMU-nun doktorantları xarici ali təhsil müəssisələrinin nümayəndələri ilə görüşərək universitetlərarası əməkdaşlıq perspektivlərini müzakirə ediblər.“Turizm, İqtisadiyyat və Biznes elmləri üzrə II Beynəlxalq Konqres”in işinə 13 ölkədən 100-dən çox tədqiqatçı qatılıb. Tədbir iştirakçılarına sertifikatlar təqdim olunub.

Noyabrın 6-da "Baku IdeaLab" platformasının təmsilçiləri Azərbaycan Turizm və Menecment Universitetinin “Xidmət mühəndisliyi” fakültəsində təhsil alan tələbələrlə görüşüblər.Tədbirdə müəyyən platformanın "Dreamers' Lab" adlandırılan təşəbbüsü ilə bağlı ətraflı məlumat verilib. Proqramın başlıca məqsədi sosial layihələrin idarəedilməsi sahəsində istedadlı gənclərin bilik və bacarıqlarının inkişaf etdirilməsi,  o cümlədən təşəbbüskarlığa maraqlarının artırılmasından ibarətdir.Onu da qeyd edək ki, proqram çərçivəsində ətraf-mühit, urbanistika, gender bərabərliyi, incəsənət, ictimai sağlamlıq, turizm və əhatə edən sair mövzulu ideyaların gerçəkləşməsinə kömək məqsədilə zəruri biliklərin tədrisi də nəzərdə tutulub.Müsbət haldır ki, xidmətlərin planlaşdırılması, idarə olunması və digər  mövzulara dair praktik təlimlər Azərbaycan, Ukrayna və Gürcüstandan olan gənc təşəbbüs qruplarının üzvləri, sosial və biznes sahələrinin tanınan ekspertləri tərəfindən aparılacaq.Xarici müstəqil ekspertlər, araşdırmaçılar və dövlət qurumlarının nümayəndələri isə qonaq və təlimçi kimi dəvət olunacaqlar.

10 -dən səhifə 80

Bizimlə əlaqə

Sizi maraqlandıran istənilən sualla bağlı müraciət edə bilərsiniz

  • Ünvan: Koroğlu Rəhimov 822/23
  • Tel: +994 12 5644233
  • Email: info@atmu.edu.az
  • Poçt indeksi: AZ1072

Tələbələr bizim haqda nə fikirləşir?!

Top
We use cookies to improve our website. By continuing to use this website, you are giving consent to cookies being used. More details…