04.04.2018–ci il tarixində Azərbaycan Turizm və Menecment Universitetində (ATMU) Amerika Birləşmiş Ştatlarının Şərqi Karolina Universitetinin professoru xanım Pagie Viren ilə görüş keçirilib.Xanım Pagie Viren ATMU-da turizm və otelçilik ixtisası üzrə bakalavr pilləsinin ingilis dilində təhsil alan tələbələrinə Amerikada turizmin müasir vəziyyəti, ekoturizm və marketinqi barədə ətraflı məlumat verib.Onların turizm fəaliyyətləri ilə bağlı suallarını cavablandırıb. Amerika Birləşmiş Ştatlarının Şərqi Karolina Universitetinin professoru xanım Pagie Viren ilə görüş zamanı ATMU-nun Tədris işləri üzrə prorektoru İranə Əliyeva, turizm və qonaqpərvərlik fakültəsinin dekanı Rəhman Səfərov, həmin fakültənin dekan müavini  Flora Ələsgərova və beynəlxalq əlaqələr şöbəsinin müdiri Orxan Musa hörmətli qonağa universitetdə tədris olunan fənnlər, beynəlxalq əlaqələrin qurulması və daha da möhkəmlənməsi istiqamətində həyata keçirilən ikitəfli görüşlərin əhəmiyyəti barədə ətraflı məlumat veriblər.Universitetin hədəfləri müstəvisində tələbə-müəllim mübadiləsinə, ixtisaslı və peşəkar kadr hazırlığında beynəlxalq təcrübəyə önəm verildiyini,həmçinin vaxtaşırı müvafiq təlimlərin təşkil edildiyini diqqətə çatdırıblar.

Turizm sahəsinin inkişaf etdirilməsində beynəlxalq təcrübənin öyrənilməsi əsas strateji hədəflərdəndir Azərbaycan Turizm və Menecment Universitetində təşkil olunan növbəti təlimin əsas məqsədi turizm sahəsində çalışan  işçiləri və universitet tələbələrini geniş fikir mübadiləsinə cəlb etməklə, Azərbaycan və Türkiyənin timsalında beynəlxalq təcrübi bilik qazanmalarına zəmin yaratmaq idi. Təlimi giriş sözü ilə  “Biznes idarəçiliyi” fakültəsinin dekanı, iqtisad üzrə fəlsəfə doktoru Anar Mirzəyev açaraq ötən dövr ərzində qeyri-neft sektorunun prioritet sahələrindən sayılan turizm sənayesində həyata keçirilən tədbirlər nəticəsində Azərbaycanda bu sektorun inkişafı üçün münbit şərait yaradıldığını və milli turizm kompleksinin rəqabətə davamlılığını diqqətə çatdırıb.Tədbirin koordinatoru, “Marketinq” kafedrasının baş müəllimi Günel Teymurova isə Türkiyə Respublikasının təcrübəsindən və strateji hədəflərindən danışıb.Skype proqramı vasitəsilə təlimə qoşulan Türkiyənin Atatürk Universitetinin professoru Kərəm Karabulut , Türkiyənin Turizm məslək liseyinin müdiri Zekeriyə Bingöl və Azad İstehlakçılar Birliyinin sədri Eyyub Hüseynov, həmçinin sənaye təmsilçiləri Tərlan Quliyev və Rauf Səfərov təqdimatlarla çıxış ediblər.

Martın 29-da Azərbaycan Turizm və Menecment Universitetində (ATMU) 31 Mart Azərbaycanlıların Soyqrımı Gününə həsr olunan “Tarixin görünən və görünməyən üzü” mövzusunda tədbir keçirilib.ATMU-nun mətbuat xidmətidən verilən xəbərdə bildirilib ki,ali təhsil müəssisəsinin Heydər Əliyev lektoriyasının rəhbəri, İctimai fənlər kafedrasının dosenti Məhərrəm Zülfüqarlı 1918-1920-ci illərdə erməni-bolşevik birləşmələri tərəfindən türk-müsəlman əhalinin kütləvi şəkildə qəddarlıqla məhv edilməsini bir millətə qarşı soyqırımı olduğunu deyib.Qeyd edilib ki, 100-il əvvəl- martın 31-də baş verən qətliam yurdumuzda zaman-zaman ermənilər tərəfindən törədilən vandalizmin, faciənin növbəti nümunəsi kimi yaddaşımıza həkk olunub. Qırğınların davam etdiyi müddətdə saysız-hesabsız insan, o cümlədən təkcə Bakı və ətraf kəndlərdə 30 minə yaxın soydaşımız məhz milli mənsubiyyətinə görə amansızcasına öldürülüb. Mart qırğınları zamanı ermənilər hətta qədim binaları, ziyarətgahları, Azərbaycan və dünya memarlığının incilərindən sayılan İsmailiyyə binasını top atəşinə tutaraq dağıdıblar. Azərbaycanlılara qarşı soyqırımı Bakı, Şamaxı, Quba, Kürdəmir və Salyan qəzalarında, Qarabağ, Zəngəzur, Naxçıvan və Lənkəranda daha genişmiqyaslı olub. 1998-ci il martın 26-da ümummilli lider Heydər Əliyevin məqsədyönlü fəaliyyəti nəticəsində erməni təcavüzkarlarının terror hərəkətlərinə hüquqi-siyasi qiymət verilib.Zaman-zaman azərbaycanlılara qarşı aparılan soyqırımı və deportasiya siyasətini geniş təhlilinə əsaslanan bu tarixi sənəddə martın 31-i Azərbaycanlıların Soyqırımı Günü kimi təsbit edilib. Fərmanda deyilir: “Azərbaycan Respublikası müstəqillik qazandıqdan sonra xalqımızın tarixi keçmişinin obyektiv mənzərəsini yaratmaq imkanı əldə edilib. Uzun illər gizli saxlanılan, üzərinə qadağa qoyulmuş həqiqətlər açılır, təhrif olunmuş hadisələr əsl qiymətini alır. Azərbaycan xalqına qarşı dəfələrlə törədilmiş və uzun illərdən bəri öz siyasi-hüquqi qiymətini almamış soyqırımı da tarixin açılmamış səhifələrindən biridir”. Sənəddə ermənilərin Azərbaycana qarşı təcavüzünün tarixi köklərinə toxunulub, mərhələlərlə törədilən soyqırımı və terror siyasəti əsaslı əksini tapıb.Məhərrəm Zülfüqarlı detallı məruzəsində vətən tarixinə qanla yazılan növbəti soyqırım-mart qırğınlarında ermənilər tərəfindən Şamaxının 75 kəndinin yerlə-yeksan edildiyini deyib.Bildirilib ki, Şamaxı və qonşu kəndlərdə törədilən soyqırımına dair yeddi cild, 925 səhifədən ibarət araşdırma- arxiv materialları təkcə bu bölgədə törədilən qətliamların statistik baxımdan miqyasından xəbər verir. Şamaxıya hələ martın ortalarında iki min erməni əsgəri və silah-sursat yüklü 60 maşının göndərilməsi əvvəlcədən qırğına hazırlıq aparıldığına sübutdur. Aradan illər keçsə də, o qanlı-qadalı hadisələr unudulmur, əksinə, xalqımızın qan yaddaşında silinməz izlər buraxıb.ATMU-nun Tədris işləri üzrə prorektoru İranə Əliyeva universitet tələbələrinə vətən tarixini dərindən öyrənib,.xalqımızın tarixi taleyi ilə bağlı məsələlərdə vətəndaş mövqeyi sərgiləməyi tövsiyyə edib.Diqqətə çatdırılıb ki,Azərbaycan Respublikasının prezidenti cənab İlham Əliyevin müvafiq sərancamlarına əsasən ali təhsil müəssisəsi olaraq cari  tədris ilində AXC-nin 100-illiyinə həsr olunan silsilə tədbirlərin təşkili qərara alınıb. 31 Mart Azərbaycanlıların soyqrımına həsr olunan tədbir ”Tarixin görünən və görünməyən üzü”adlı sənədli filmin nümayişi ilə  başa çatıb.

Azərbaycan Turizm və Menecment Universitetində (ATMU) “Sosial iş 10: Nəticələr və perspektivlər” adlı tədbir keçirilib. Azərbaycanın ali təhsil məkanında bakalavr hazırlığı  səviyyəsində müvafiq ixtisaslı kadr hazırlığının 10 illiyinə həsr olunan tədbirdə başlıca məqsəd ölkəmizdə sosial işin səmərəli təşkili və icrası istiqaməti üzrə alınan  nəticələrin peşəkarlar səviyyəsində perspeklivliyini  nəzərdən keçirmək   idi. Tədbirdə Azərbaycan Turizm və Menecment Universitetinin Tədris işləri üzrə prorektoru İranə Əliyeva, Xidmət mühəndisliyi fakültəsinin dekanı Sevda  Vəzirova, Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun nəzdində İnsan Alveri Qurbanlarına Yardım Mərkəzinin direktoru Nəzakət Balabəyova, “Qızıl Aypara” cəmiyyətinin, "Eşitmə və nitq məhdudiyyətli şəxslərə sosial yardım" ictimai birliyinin səlahiyyətli nümayəndələri, həmçinin Azərbaycan Turizm və Menecmenti, Bakı Dövlət  Universiteti və  “Azərbaycan”  Universitetinin  sosial iş ixtisası üzrə təhsil alan tələbələri  iştirak ediblər. “Sosial iş 10:Nəticələr və perspektivlər”adlı tədbir universitet tələbələrinin müəllifliyi ilə empatiya mövzusuna həsr olunan filmin nümayişi ilə başa çatıb.