Azərbaycan Turizm və Menecment Universiteti (ATMU) yarandığı ilk gündən beynəlxalq əlaqələrinin yaradılması və genişləndirilməsinə xüsusi diqqət ayırır. Bu istiqamətində həyata keçirilən fəaliyyətin nəticəsi olaraq 4 iyul 2007-ci il tarixində Azərbaycan təhsil təcrübəsində ilk dəfə olaraq ATMU və Avstriyanın IMC (International Management Center) Krems Tətbiqi Elmlər Universiteti (IMC Krems TEU) arasında ikili diplom üzrə müqavilə imzalanmışdır. İmzalama mərasimində Azərbaycanın bir çox rəsmiləri, xarici ölkələrin Azərbaycan Republikasına akkreditə olunmuş diplomatları və Avstriyadan gəlmiş nümayəndə heyəti iştirak etmişdir. Azərbaycan Respublikasının Mədəniyyət və Turizm Nazirliyi ilə IMC Krems Tətbiqi Elmlər Universiteti arasında imzalanmış “Turizm Təhsili Sahəsində Əməkdaşlıq Müqaviləsi” və Azərbaycan Turizm və Menecment Universiteti ilə IMC Krems Tətbiqi Elmlər Universiteti arasında imzalanmış “Akademik Müqavilə” imzalandığı vaxtdan etibarən ATMU-da əməkdaş universitetin tədris planına uyğun olaraq dərslərin keçirildiyi Azərbaycan-Avstriya Turizm Proqramı (AATP) qrupu yaradılmışdır. AATP qrupunda tədris tamamilə ingilis dilində həyata keçirilir. Dərslər yerli və əksəriyyəti Türkiyə, Avstriya, Almaniya, Portuqaliya, İspaniya, Fransa, İtaliya, Yunanıstan, ABŞ, Meksika, Avstraliya və digər ölkələrdən olan mütəxəssislər tərəfindən keçirilir. Dörd ilin sonunda təhsilini AATP qrupunda müvəffəqiyyətlə başa vuran tələbələr həm ATMU-nun (yerli), həm də IMC Krems TEU (beynəlxalq) diplomlarını əldə edir və təhsillərini daha ali pillələr üzrə Avropada davam etdirmək imkanı əldə edirlər.

Bu əməkdaşlığın uğurlu nəticələrini, ölkədə turizm sahəsinin sürətli inkişafını, turizm təhsilinə göstərilən diqqəti və beynəlxalq standartlara uyğun kadrlara olan ehtiyacı nəzərə alaraq 12 oktyabr 2011-ci il tarixində Avstriya Respublikasının Federal Prezidenti cənab Haynts Fişerin ölkəmizə rəsmi səfəri zamanı Azərbaycan Respublikasının Prezidenti zati-aliləri İlham Əliyevin iştirakı ilə iki ali məktəbin rektoru tərəfindən “Azərbaycan Turizm və Menecment Universiteti və Avstriyanın IMC Krems Tətbiqi Elmlər Universiteti arasında “Turizm və Asudə vaxt Menecmenti üzrə Bakalavr və Magistr hazırlığı proqramlarına dair Əməkdaşlıq Müqaviləsi” imzalanmışdır.

Tərəflər arasında 22 aprel 2011-ci il tarixində imzalanmış “Turizm və Asudə vaxt Menecmenti üzrə Bakalavr proqramına dair Əməkdaşlıq Müqaviləsi”nin müddəti bitdiyi üçün, Azərbaycan Respublikası Mədəniyyət və Turizm Nazirliyinin müsbət rəyindən sonra 22 yanvar 2016-cı il tarixində yeni “Turizm və Asudə vaxt Menecmenti üzrə Bakalavr proqramına dair Əməkdaşlıq Müqaviləsi” imzalanmışdır. Bu müqaviləyə əsasən dörd illik bakalavr proqramı üzrə hər il 30 nəfər olmaqla cəmi 120 tələbənin hazırlığı nəzərdə tutulmuşdur.

Azərbaycan Respublikasının Dövlət Turizm Agentliyinin müsbət rəyindən sonra dördüncü müqavilə 5 aprel 2019-cu il tarixində imzalanmış və bu müqaviləyə görə bir illik bakalavr proqramı üzrə 30 nəfər tələbənin proqramda təhsil alması nəzərdə tutulmuşdur.

AATP üzrə beşinci müqavilə isə 8 May 2020-ci il tarixində imzalanmışdır.

Artıq, 13 ildir davamlı şəkildə fəaliyyət göstərən Azərbaycan-Avstriya Turizm Proqramından 222 nəfər bakalavriat və 13 nəfər magistratura səviyyəsi üzrə olmaqla ümumilikdə 235 nəfər tələbə məzun olaraq iki diplom - ATMU və IMC Krems TEU-nun diplomlarını əldə ediblər.

Hazırda proqram üzrə bakalavriat səviyyəsində 56, magistratura səviyyəsində isə 5 nəfər tələbə təhsilini davam etdirir.

ATMU və IMC Krems TEU arasında imzalanmış müqavilənin şərtlərinə əsasən, universitetin Azərbaycan, Rus və İngilis dili bölməsinin hər bir tələbəsinin AATP qrupunda təhsil almaq üçün ATMU-nun Beynəlxalq əlaqələr şöbəsinə müraciət etməsi və qeydiyyatdan keçməsi yetərlidir. Bunun üçün tələbə maksimum 2 kəsr olmaq şərti ilə təhsilini birinci kursda başa vurmalı və Azərbaycan ali təhsil sisteminin tələblərinə əsasən məcburi fənləri tamamlamalıdır.

AATP-yə müraciət üçün aşağıdakı sənədləri təqdim olunmalıdır:

  • IELTS 5.5 sertifikatı və ya imtahana qeydiyyatdan keçmək barədə sənədin surəti;
  • Xarici passport və ya şəxsiyyət vəsiqəsi;
  • 3x4 ölçülü şəkil (son 2 ayda çəkilmiş);
  • CV (Europass formatında);
  • Motivasiya məktubu (şablonu sistemdən onlayn yükləmək mümkündür);
  • Esse (sistemə daxil olaraq, motivasiya məktubundan dərhal sonra yazılmalıdır);
  • Məktəb attestatın ingilis dilində tərcüməsi və notarial təsdiqi (ATMU-nun Tədris-metodiki şöbəsinin “Qeydiyyat” bölməsindən əldə etmək mümkündür);
  • Qiymət cədvəli (ATMU-nun Tədris metodiki şöbəsinin “Qeydiyyat” bölməsindən əldə etmək mümkündür).
AATP qrupunda hansı tələbələr təhsil ala bilərlər?
ATMU-nun Azərbaycan, rus və ingilis dili bölməsinin hər bir tələbəsi təhsilini birinci kursda başa vuraraq Azərbaycan ali təhsil sisteminin tələblərinə əsasən məcburi fənləri tamamladıqdan sonra və maksimum 2 kəsr olmaq şərti ilə AATP qrupunda təhsil almaq üçün müraciət edə bilər.
AATP qruplarında təhsil almaq üçün əsas şərtlər: • ATMU-da birinci kursu müvəffəqiyyətlə başa vurmaq; • British Council-ın IELTS 5.5 sertifikatına malik olmaq; • AATP qrupunda təhsil almaq istəyi ilə bağlı ATMU-nun Beynəlxalq əlaqələr şöbəsinə müraciət etmək; • Qeydiyyatdan keçmək. Müraciət edən tələbələr müsahibə nəticəsində IMC Krems TEU-nun nümayəndələri tərəfindən seçilirlər. Tələb olunan sənədlərin əsli və skan versiyası (PDF) hər il may ayının sonunadək ATMU-nun Beynəlxalq əlaqələr şöbəsinə təqdim olunmalıdır: • Xarici passport və ya şəxsiyyət vəsiqəsi; • 3x4 ölçülü şəkil (son 2 ayda çəkilmiş); • Tələbə bileti və surəti; • CV (Europass formatında); • Motivasiya məktubu; • Esse; • Məktəb attestatın ingilis dilində tərcüməsi və notarial təsdiqi; • Qiymət cədvəli (transkript); • IELTS 5.5 sertifikatı və ya imtahana qeydiyyatdan keçmək barədə sənədin surəti.
Birinci təhsil ilini yerli proqram əsasında bitirən tələbə digər üç ili AATP qrupunda tamamlayır. Bu onun üçündür ki, Azərbaycanda bakalavriyat müddəti 4 il, Avropada isə 3 ildir. AATP qrupunun hər bir semestr müddəti 15 həftə və hər bir dərs müddəti isə 45 dəqiqədir.
AATP qrupuna daxil olmaq kimi, çıxmaq da könüllü ərizə əsasında mümkündür. Ən azı bir semestri uğurla başa vurulmalı və uyğunlaşan fənlərin qiymətləri milli proqrama köçürülməlidir.
Avstriyanın IMC Krems TEU-də bir semestr (AATP proqramı üzrə 3-cü semestr) mübadilə proqramında iştirak etmək üçün tələbə ilk növbədə, AATP proqramının tələbəsi olmalı və proqram çərçivəsində 1 və 2-ci semestrləri uğurla tamamlamalıdır.
AATP tələbəsi tədris müddətinin sonunda 22 həftəni əhatə edən istehsalat təcrübəsi keçməlidir. Bunun üçün ona müvafiq kredit verilir. ATMU ümumiyyətlə tələbələrinin xaricdə təcrübə keçmələrinin tərəfdarıdır və bunu müvəffəqiyyətlə həyata keçirir. AATP tələbələrinin dil biliklərinin yüksək olması isə onların qonşu ölkələrlə yanaşı, Avropada da təcrübə keçmələrinə imkan yaradır.
AATP qrupunda yerli qruplardan fərqli olaraq kəsr imtahanları proseduru tətbiq edilir. İmtahanda qeyr-müvəffəq olmuş hər bir tələbənin semestr sessiyası bitdikdən 2 həftə sonra eyni fəndən 2 dəfə ödənişsiz kəsr imtanahı vermək hüququ var. Əgər tələbə yenidən qeyri-müvəffəq qiymət alarsa xüsusi kommisiya qarşısında şifahi sorğu-sual olunur. Üçüncü şansını da dəyərləndirə bilməyən tələbə həmin fənni növbəti tədris ilində aşağı kurs tələbələri ilə yenidən oxuyur.
AATP-də təhsil “Tourism and Leisure Management”, yəni “Turizm və asudə vaxt menecementı” ixtisası üzrə keçirilir. Daha ətraflı məlumat üçün aşağıdakı keçidə müraciət edə bilərsiniz
“Turizm və Asudə vaxt Menecementı” ixtisasının kurrikulumuna əsasən, AATP proqramı üzrə keçirilən fənlərin siyahısını qeyd olunan keçiddən əldə edə bilərsiniz.
AATP proqramında təhsil alan tələbələr “Beynəlxalq və milli proqramlar üzrə fənlərin uyğunlaşdırılması”-na əsasən, milli proqram üzrə keçirilən bəzi fənlərin iştirakından azad olunurlar. Çünki, həmin fənlər AATP proqramının kurrikulumuna əsasən, müvafiq semestrlər ərzində keçiriləcək. Fənlərin siyahısı ilə tanış olmaq üçün müvafiq dekanlığa və Beynəlxalq əlaqələr şöbəsinə müraciət etmək mümkündür.
AATP qrupunda bütün dərslər ingilis dilində tədris olunur. Dərslər yerli və əksəriyyəti Türkiyə, Avstriya, Almaniya, Portuqaliya, İspaniya, Fransa, İtaliya, Yunanıstan, ABŞ, Meksika, Avstraliya və digər ölkələrdən olan mütəxəssislər tərəfindən keçirilir. Xarici müəllimlərin siyahısı ilə tanış olmaq üçün aşağıdakı keçidə müraciət edə bilərsiniz.
AATP qrupunun Azərbaycan və Avstriya tərəfindən təyin olunmuş iki proqram koordinatoru var. Tələbənin sualı yarandığı halda koordinatorlara müraciət edə bilər. ATMU tərəfindən proqram koordinatoru Beynəlxalq əlaqələr şöbəsinin əməkdaşı Elmira Hacıyevaya e.hajiyeva@atmu.edu.az