Azərbaycan Turizm və Menecment Universitetinin (ATMU) Azərbaycan-Avstriya Turizm Proqramının II kurs tələbələri BMT-nin Beynəlxalq Mülki Aviasiya Təşkilatı (ICAO) tərəfindən Kanadanın Monreal şəhərində yerləşən mənzil-qərargahında keçirilən 42-ci Assambleya sessiyasına onlayn qoşulublar..
193 ölkənin nümayəndələrini bir araya gətirən Assambleya beynəlxalq aviasiya əməkdaşlığının güclənməsinə xidmət edir. Bu ilki şüar – “Safe skies. Sustainable future” – beynəlxalq proqramda tədris olunan “Nəqliyyatın idarə olunması” fənninin əsas mövzuları ilə üst-üstə düşür. Fənn IMC Krems Tətbiqi Elmlər Universitetindən qonaq müəllim Michael Rettenagger tərəfindən tədris olunur.
Tələbələr aviasiyada dayanıqlılıqla bağlı mühüm təşəbbüsləri müzakirə ediblər:
SAF – davamlı aviasiya yanacağının istehsalı
CORSIA – karbon emissiyalarının azaldılması və kompensasiyası
Fly Net Zero – 2050-ci ilə qədər karbon neytrallığı öhdəliyi
Bu təcrübə tələbələrə həm nəzəri biliklərini möhkəmləndirmək, həm də qlobal aviasiya sektorunda dayanıqlı inkişaf trendlərini yaxından öyrənmək imkanı verib.
Azərbaycanca