16.08.2021
-
Bölmə: Elanlar
Baxış sayı: 254
12-ci Bakı Beynəlxalq Qısa Filmlər Festivalı

ATMU-nun dəyərli tələbə və məzunları!

12-ci Bakı Beynəlxalq Qısa Filmlər Festivalı yerli və əcnəbi rejissorlar üçün film qəbulunu açıq elan edir. 12-16 noyabr tarixlərində Bakıda reallaşacaq festivala filmlərin qəbulu 25 avqusta kimi davam edəcək.

Yaşı 35-ə qədər olan rejissorlar 35 dəqiqədən çox olmayan qısa filmlərini festivalın beynəlxalq, yerli və “Cinemobil” bölmələrinə təqdim edə bilərlər.

Yerli müsabiqədə nominasiyalar:

“Ən yaxşı bədii film”;

“Ən yaxşı sənədli film”;

“Ən yaxşı animasiya filmi”;

“Ən yaxşı sosial çarx”.

Qaliblərə festivalın əsas mükafatı “Qızıl Nar” və pul mükafatı təqdim ediləcək.

Festivalın yerli müsabiqəsinin ümumi mükafat fondu 5 000 AZN təşkil edir.

Festivala göndərilən filmlər Seçim Komissiyası tərəfindən seçilərək müsabiqəyə daxil ediləcək.

Kinoforumun rəsmi proqramı 1 noyabrda açıqlanacaq.