SOSİAL ŞƏBƏKƏLƏRDƏ BİZİ İZLƏYİN
29.11.2022
Sədaqət Turabova
Bölmə: Xəbərlər
Baxış sayı: 78
Elmi-praktik seminar: “Yeni təhsil proqramında nəzərdə tutulmuş fənlərin müəssisə rəhbərləri ilə müzakirəsi”

Azərbaycan Turizm və Menecment Universiteti “Mehmanxana və restoran biznesi” kafedrasının təşkilatçılığı ilə Divan Express Baku Hotelində “Yeni təhsil proqramında nəzərdə tutulmuş fənlərin müəssisə rəhbərləri ilə müzakirəsi” mövzusunda elmi-praktik seminar keçirilib.

Elmi-praktik seminarın işində Azərbaycan Turizm və Menecment Universtitetinin “Elm və inkişaf məsələləri” üzrə prorektoru professor İranə Əliyeva, bu ali məktəbin professor-müəllim heyəti, eyni zamanda Azərbaycan Respublikasının Dövlət Turizm Agentliyi, Gənclər və İdman Nazirliyi, Quba Palace, Hilton Baku, Four Seasons Baku, Point Hotel Baku, Hyatt Regency Baku, Grand Midway və New Baku Hotelinin, o cümlədən Azərbaycan Dövlət İqtisad Universitetinin, Üzümçülük və şərabçılıq elmi-tədqiqat institutu, Azərbaycan Qida Təhlükəsizliyi İnstitutunun Sun Tea Çay Fabriki MMC, AZFP CO LTD MMC (Milla), Emsa Food və Herba Flora şirkətinin müvafiq rəhbər şəxsləri iştirak ediblər. Müəssisə nümayəndələri adıkeçən tədbirdə ixtisaslı kadrlara olan tələblər içərisində tələbələrin qabiliyyət və səriştəlilik bacarıqlarını önəmli sayıblar. Həmçinin yeni tədris proqramlarında nəzərdə tutulan fənlərə dair aktual təkliflərlə çıxış ediblər.

Seminarda “Otelçilik” ixtisasının açılması və tədris proqramının hazırlanması, tələbə kontigenti tərəfindən əcnəbi dil biliklərinə yiyələnmənin vacibliyi, o cümlədən müəssisə nümayəndələrinin tədris prosesinə cəlb edilməsinə dair təkliflər iştirakçılar tərəfindən razılıqla qarşılanıb.

“Yeni təhsil proqramında nəzərdə tutulmuş fənlərin müəssisə rəhbərləri ilə müzakirəsi” mövzusuna həsr olunan elmi-praktik seminarda ölkəmizdə fəaliyyət göstərən 55-dən çox sənaye və ali təhsil müəssisəsinin nümayəndələri təmsil olunub.