SOSİAL ŞƏBƏKƏLƏRDƏ BİZİ İZLƏYİN
23.04.2024
--
Bölmə: Xəbərlər
Baxış sayı: 289
ATMU nümayəndələri ECAR layihəsi çərçivəsində hesabat konfransında iştirak edib

22 aprel 2024-cü il tarixində Bakı BiznesUniveristetində “Azərbaycanda Rektorlar Konfransınınyaradılması” layihəsi çərçivəsində hesabat konfransı baş tutub. Konfransda 28 yerli ali təhsil müəssisəsi, Kiçik və Orta Biznesin İnkişafı Agentliyi, Dövlət Məşğulluq Agentliyi, Əmək Bazarı və Sosial Müdafiə Məsələləri üzrə Milli Observatoriya, həmçinin layihənin xarici partnyorları olan Litvanın MykoloRomero Universiteti, İsveçin Kral Texnologiya Universiteti və Belçikanın EFMD təşkilatından ümumilikdə 100-dən çox nümayəndə iştirak edib. Konfransın əsas məqsədi layihə çərçivəsində fəaliyyət göstərən komitələrin hesabatlarının dinlənilməsi və müvafiq müzakirələrin aparılması olub. 

Azərbaycan Turizm və Menecment Universitetini Strateji inkişaf məsələləri üzrə prorektor Araz Aslanlı, layihə meneceri Səidə Məmmədova, Tədris metodiki şöbənin Tədrisin elektron idarə edilməsi üzrə müdür müavini Bəhruz İsgəndərov, Elmi məsələlər üzrə prorektor öməkçisi Şəlalə Zahidova təmsil ediblər. 

Tədbiri giriş sözü ilə açan Bakı Biznes Universitetinin rektoru professor İbad Abbasovqonaqları salamlayıb və universitetdə görməkdən məmnun olduğunu qeyd edib. Rektor layihənin universitetlər arasında milli şəbəkələşməni, bilik və təcrübə mübadiləsini, eləcə dəqarşılıqlı dəstəyi təşviq etdiyini söyləyib. O, komitələrin uğurlu fəaliyyətindən bəhs edərək hər kəsə uğurlar arzu edib. 

Layihənin koordinatoru, Bakı Biznes Universitetinin Universitet-sənaye işbirliyi mərkəzinin direktoru Gülşən Bayramova isə layihə müddətində həyata keçirilən fəaliyyətlər haqqında qısa hesabatla çıxış edib. 

Daha sonra Strateji inkişaf məsələləri üzrə komitənin sədri Azərbaycan Turizm və Menecment Universitetinin prorektoru Araz Aslanlı, Tədris işləri və keyfiyyət təminatı komitəsinin sədri Azərbaycan Dövlət Pedaqoji Universitetinin prorektoru Eldar Aslanov, Elmi işlər üzrə komitənin sədri Bakı Avrasiya Universitetinin prorektoru Gülzar İbrahimova, Beynəlmiləlləşmə komitəsinin öncəki sədri Azərbaycan Dillər Universitetinin prorektoru Jalə Qəribova və yeni komitə sədri Bakı Biznes Universitetinin prorektoru Eşqin Bayramov, Tələbə və məzunlarla iş komitəsinin sədri Bakı Biznes Universitetinin prorektoru Cavidan Heydarov müvafiq istiqamətlər üzrə həyata keçirilən fəaliyyətlər barəsində hesabat xarakterli çıxış ediblər. 

Hesabat məruzələrindən sonra Erasmus Azərbaycan Ofisinin rəhbəri Pərviz Bağırov çıxış edərək həyata keçirilən beynəlxalq layihələrinAzərbaycan ali təhsilinin hərtərəfli inkişafı baxımından önəmindən bəhs etdi.

Layihənin xarici tərəfdaşları qismində isə Litvanın Mykolo Romerio Universitetinin  Tədris işləri üzrə prorektoru Regina Valutytė və Belçika EFMD təşkilatının Beynəlxalq layihələr üzrə direktoru Kristofer Terrase çıxış edərək layihə barəsində öztəəssüratlarını bölüşüblər.