Kredit: 5

Fənnin qısa məzmunu
Bu fənn Azərbaycanın müasir dövlətçilik ənənələrinin yaranması, formalaşması və inkişafını sistemli şəkildə, xronoloji ardıcıllıqla öyrənir, müasir Azərbaycan dövlətçiliyinin formalaşmasında siyasi, ideoloji, iqtisadi, mədəni amillərin rolunu təhlil və tədqiq edilir. Müasir dünyada Azərbaycan dövlətinin yeri və rolu sistemli təhlil edilir.

Fənn üzrə təlim nəticələri
Bu fənni bitirən tələbə:
- Azərbaycanın dövlətçilik ənənələrinə sədaqət hissi formalaşdırır, bunun üçün dövlətçilik ənənələrinin keçmişi və bu günü haqqında zəruri biliyə malik olduğunu nümayiş etdirir, faktları ümumiləşdirir.
- Əldə olunan biliklərdən cəmiyyətin müasir vəziyyətinin qiymətləndirilməsində istifadə etmək vərdişlərinə yiyələnir.
- Azərbaycanın dövlətçilik ənənələrinin tarixi haqqında, onun yaranması, formalaşması və inkişafı dinamikasını dövrün xüsisiyyətləri baxımından izah edir, onlar arasında səbəb və nəticə əlaqələrini təhlil edir və ona münasibət bildirir.
- Müasir Azərbaycan dövlətçiliyinin formalaşmasına təsir edən siyasi, ideoloji, iqtisadi və mədəni amillərin rolunu təhlil və tədqiq edir, fəal vətəndaşlıq mövqeyi nümayiş etdirir.
- Müasir Azərbaycan dövlətçiliyinin möhkəmləndirilməsi və inkişafında tarixi şəxsiyyətlərin rolunu dəyərləndirir.
- Müasir dünyada Azərbaycan dövlətçiliyinin yeri və rolunu sistemli təhlil edir, fərziyyə və mülahizələr irəli sürür, təkliflər verir, debatlarda, diskussiyalarda, müzakirələrdə ictimai rəy formalaşdıran məsələlər ətrafında təkliflərlə çıxış edir.
Kredit: 4

Fənnin qısa məzmunu
Bu fənn çərçivəsində tələbələrə Azərbaycan dilində təqdimat etmək, natiqlik, akademik və işgüzar yazı bacarıqlarının aşılanmasına xüsusi diqqət yetirilməlidir.

Fənn üzrə təlim nəticələri
Bu fənni bitirən tələbə:
- Təlim prosesində akademik dildə təqdimat etməyi bacarır
- Natiqlik bacarığını mənimsəyir və tətbiq edir
- Akademik və işgüzar yazı bacarıqlarını mənimsəyir və tətbiq edir
- Təlim prosesində qazandıqları bilikləri tətbiq etməyi bacarır
- Məqsədəuyğun seçdiyi metod və vasitələrin əhəmiyyətini əsaslandırmaq və təcrübədə tətbiq etməyi bacarmaq
- Təlim nailiyyətlərini qiymətləndirmək üçün müvafiq meyarları seçir və tətbiq edir
Kredit: 5

Fənnin qısa məzmunu:
Bu fənn çərçivəsində tələbələrə ixtisası üzrə xarici dildə təqdimat etmək, natiqlik, akademik və işgüzar yazı, şifahi və yazılı bacarıqlarının aşılanmasına xüsusi diqqət yetirilməlidir.

Fənn üzrə təlim nəticələri
Bu fənni bitirən tələbə ilkin səviyyə üzrə:
- Ən çox əlaqəli olan sahələrə (şəxsi və ailə məlumatları, alış-veriş, yerli coğrafiya, məşğulluq və s.) aid məlumatları bilir və sadə cümlələrlə ifadə edir
- Gündəlik həyatda sadə cümlələrlərdən istifadə etməklə ünsiyyət qurur
- Müxtəlif işgüzar vəziyyətlərdə ünsiyyət qurur
- Gündəlik və peşə həyatlarında qarşılaşa biləcəkləri fərqli kontekstlərdə şifahi şəkildə ünsiyyət qurur
- İşgüzar və akademik yazının xüsusiyyətlərini bilir, fərqli kontekstdə mətnlər hazırlayır
- Akademik və işgüzar nitqin məzmununu və quruluşunu bilir, ünsiyyət əlaqələrində istifadə edir
Kredit: 3

Fənnin qısa məzmunu
Bu fənn, tələbələrə Konstitusiyanın əsaslarını, o cümlədən hüququn əsaslarını öyrədir. “Azərbaycan Respublikasının Konstitusiyası və Hüququn əsasları” fənninin əsas məqsədi – tələbələrə hüquq sahəsində mövcud olan zəruri biliklər verməkdən ibarətdir. Tələbələrə hüququn xüsusiyyətləri, hüququn əxlaqdan və digər sosial normalardan fərqi izah edilir. Tələbələr sosial idarəçilik vasitəsi kimi hüququn zəruri məsələlərini lazımi dərəcədə öyrənməklə hüququn, iqtisadiyyatın və siyasətin bir-birinə qarşılıqlı təsirini müəyyən edirlər. Nəticədə tələbələr nümunəvi hüquqi problemləri həll edə, lazımi qanunları (konstitusiya, əmək, mülki, ailə, inzibati, cinayət və s.) seçməyi və şərh etməyi bacararlar. Tələbələr dövlət orqanları ilə, vəzifəli şəxslərlə, fiziki və hüquqi şəxslərlə münaqişələrdə öz hüquqlarının müdafiəsi yollarını və üsullarını tapa bilərlər. Onlar fərziyəyə əsaslanan məsələlərdə öz mövqelərini əsaslandırmaq üçün seçim edərkən məntiqi qabiliyyətlərinin inkişafına nail ola, habelə real həyatda tez-tez rast gələ biləcəkləri hüquqi sənədləri (əmək və digər müqavilələri, iddia ərizələrini və s.) tərtib edə bilərlər.

Fənn üzrə təlim nəticələri
Bu fənni bitirən tələbə:
- Dövlət və hüququn qarşılıqlı əlaqəsini, müasir, sivil cəmiyyətin həyatında onların rolu haqqında biliklərə nail olmaq;
- Hüququn müxtəlif mənbələrinin hüquqi qüvvəsi və onların təsiri mexanizmi haqqında biliyə sahiblənmək;
- Hüququn əsas sahələri haqqında biliyə yiyələnmək;
- Azərbaycan Respublikasının Konstitusiyasının əsas müddəalarını öyrənmək;
- Əsas insan və vətəndaş hüquqlarının və azadlıqlarının, o cümlədən vətəndaş vəzifələrinin məzmunu haqqında biliyə sahiblənmək;
- Azərbaycan Respublikasında insan və vətəndaş hüquqlarını, azadlıqlarını və vəzifələrinin öyrənilməsi;
- Azərbaycan Respublikasında dövlət hakimiyyətini həyata keçirən orqanlar haqqında biliyə malik olmaq.
Kredit: 8

Fənnin qısa məzmunu:
Bu fənn beynəlxalq münasibətlər tarixini sistemli əsasda 4 dövrə bölərək öyrənir. Bu semestr ərzində I və II dövrlər əhatə olunacaq. Birinci dövrdə Vestfal sisteminin formalaşmasından Birinci dünya müharibəsinin sonuna qədər olan müddətdə beynəlxalq münasibətlərin əsas prinsipləri , tendensiyaları, hadisələri , problemləri və xüsusiyyətləri, habelə beynəlxalq konqreslərin, konfransların və müqavilələrin rolu və əhəmiyəti, müasir beynəlxalq münasibətlərə təsirlər öyrənilir. Bundan əlavə qeyd olunan dövrdə müxtəlif sistemlərin və altsistemlərin təşəkkülü, təkamülü, ideoloji, iqtisadi və daxili siyasi amillərin təsirləri yalnız tarixi yanaşma çərçivəsində deyil, həm də siyasi kontekstdə təhlil olunur. İkinci dövrdə ilk qlobal beynəlxalq nizam olan Versal-Vaşinqton sisteminin yaranması, inkişafı və tənəzzülü öyrənilir. Sistemli yanaşma çərçivəsində Avropada, Asiya-sakit okean regionunda, Yaxın (Orta) Şərqdə, Latın Amerikasında beynəlxalq münasibətlər öyrənilir. Bundan əlavə Millətlər Cəmiyyətinin və başlıca beynəlxalq konfransların- Paris, San-Remo, Genuya, Lozanna, Haaqa, Lokarno, Cenevrə, Montre, Münhenin fəaliyyəti, İkinci Dünya müharibəsinin başlanması, gedişi, nəticələri, habelə müharibə illərində keçirilən beynəlxalq konfranslarda qəbul edilmiş qərarlar ətraflı təhlil olunur.

Fənn üzrə təlim nəticələri:
Bu fənni bitirən tələbə:
- Beynəlxalq münasibətlər tarixi üzrə orijinal mənbələrlə/sənədlərlə işləməyi bacarır
- Beynəlxalq münasibətlər tarixinin inkişaf qanunauyğunluqları və əsas mərhələləri haqqında qazandığı sistemli bilikləri tətbiq etmək səriştəsinə malik olur
- Müxtəlif dövrlərdə mövcud olan xarici siyasət konsepsiyalarını, prinsipləri və doktrinaları müasir siyasi prorseslərdə əlaqələndirməyi və bu əsasda ümumiləşmiş nəticələr çıxararaq hadisələrin inkişaf tendensiyalarını müəyyən etməyi bacarır
- Beynəlxalq münasibətlər tarixinin müxtəlif hadisə və proseslərini müasir siyasi, mədəni proseslərlə əlaqələndirməyi və hadisə və proseslər arasında varisliyi izləməyi bacarır
- Beynəlxalq münasibətlər tarixindən əldə etdiyi biliklərdən metodoloji əsas kimi istifadə edərək digər sahələrdə tədqiqat aparmaq səriştəsinə malik olur
- Beynəlxalq münasibətlər tarixinin qlobal və regional sistemlərini müqayisə edərək, müasir beynəlxalq sistemin təkamülü kontekstində dünyanın perspektiv inkişafına dair sadə proqnozlar irəli sürməyi bacarır
- Müasir münaqişələrin və böhranların tarixi səbəblərini müəyyən etməyi və izah etməyi bacarır
Kredit: 5

Fənnin qısa məzmunu
İxtisası üzrə xarici dillərdən birində şifahi və yazılı bacarıqların ilkin səviyyəsini, yiyələndiyi sadə lüğət ehtiyatı əsasında kommunikasiya yaratmağı öyrədir.

Fənn üzrə təlim nəticələri
Bu fənni bitirən tələbə:
- öyrəndiyi xarici dildə ilkin şifahi nitq bacarığına yiyələnir;
- öyrəndiyi xarici dildə ilkin yazı bacarıqlarını nümayiş etdirir;
- sadə mətnləri oxuyub anlayır, məzmunu haqda məlumat verir;
- oxuduğu müxtəlif səpkili mətnlərin icmalını təqdim edə bilir;
- şifahi şəkildə işgüzar kommunikasiya yaratmağı bacarır;
- ilkin səviyyə üçün öyrəndiyi söz ehtiyatını şifahi və yazılı səviyyədə tətbiq edir.
Kredit: 15

Fənnin qısa məzmunu:
Bu fənn çərçivəsində tələbələrə ixtisası üzrə xarici dildə təqdimat etmək, natiqlik, akademik və işgüzar yazı, şifahi və yazılı bacarıqlarının aşılanmasına xüsusi diqqət yetirilməlidir.

Fənn üzrə təlim nəticələri
Bu fənni bitirən tələbə daha üst səviyyə üzrə:
- Ən çox əlaqəli olan sahələrə (şəxsi və ailə məlumatları, alış-veriş, yerli coğrafiya, məşğulluq və s.) aid məlumatları bilir və sadə cümlələrlə ifadə edir
- Gündəlik həyatda sadə cümlələrlərdən istifadə etməklə ünsiyyət qurur
- Müxtəlif işgüzar vəziyyətlərdə ünsiyyət qurur
- Gündəlik və peşə həyatlarında qarşılaşa biləcəkləri fərqli kontekstlərdə şifahi şəkildə ünsiyyət qurur
- İşgüzar və akademik yazının xüsusiyyətlərini bilir, fərqli kontekstdə mətnlər hazırlayır
- Akademik və işgüzar nitqin məzmununu və quruluşunu bilir, ünsiyyət əlaqələrində istifadə edir
Kredit: 16

Fənnin qısa məzmunu:
Bu fənn beynəlxalq münasibətlər tarixini sistemli əsasda 4 dövrə bölərək öyrənir. Bu semestr ərzində III və IV dövrlər əhatə olunacaq. Üçüncü dövr Yalta-Potsdam sisteminin formalaşmasından Soyuq müharibənin dağılmasına qədərki dövrü əhatə edir. Sistemli yanaşma çərçivəsində dünyada başlıca siyasi proseslərin inkişaf tendensiyaları, bipolyar sistemin xüsusiyyətləri, qlobal və regional təhlükəsizliyin hərbi-siyasi aspektləri, o cümlədən strateji sabitlik problemləri öyrənilir. Beynəlxalq münasibətlərin qlobal və regional altsistemlərinin fəaliyyətinin xarakterik xüsusiyyətlərinin müəyyən edilməsi, BMT-nin və digər beynəlxalq və regional təşkilatların fəaliyyəti, habelə aparıcı aktorların beynəlxalq münasibətlərin inkişafının əsas tendensiyalarının formalaşmasında rolu öyrənilir. Dördüncü dövr, soyuq müharibə bitdikdən sonra müasir beynəlxalq münasibətlər sisteminin formalaşması prosesini, regional altsistemdə hadisələrin inkişaf istiqamətlərini , yeni beynəlxalq təhdidlərin ortaya çıxması və onlara qarşı mübarizə, habelə qlobal sistemdə böhranlar və gücün rolunun artması məsələləri öyrənilir. Beynəlxalq münasibətlər tarixi fənni müasir beynəlxalq münasibətlərin öyrənilməsi və tədqiqi üçün dərin metodoloji və praktik əsas yaradır.

Fənn üzrə təlim nəticələri:
Bu fənni bitirən tələbə:
- Beynəlxalq münasibətlər tarixi üzrə orijinal mənbələrlə/sənədlərlə işləməyi bacarır
- Beynəlxalq münasibətlər tarixinin inkişaf qanunauyğunluqları və əsas mərhələləri haqqında qazandığı sistemli bilikləri tətbiq etmək səriştəsinə malik olur
- Müxtəlif dövrlərdə mövcud olan xarici siyasət konsepsiyalarını, prinsipləri və doktrinaları müasir siyasi prorseslərdə əlaqələndirməyi və bu əsasda ümumiləşmiş nəticələr çıxararaq hadisələrin inkişaf tendensiyalarını müəyyən etməyi bacarır
- Beynəlxalq münasibətlər tarixinin müxtəlif hadisə və proseslərini müasir siyasi, mədəni proseslərlə əlaqələndirməyi və hadisə və proseslər arasında varisliyi izləməyi bacarır
- Beynəlxalq münasibətlər tarixindən əldə etdiyi biliklərdən metodoloji əsas kimi istifadə edərək digər sahələrdə tədqiqat aparmaq səriştəsinə malik olur
- Beynəlxalq münasibətlər tarixinin qlobal və regional sistemlərini müqayisə edərək, müasir beynəlxalq sistemin təkamülü kontekstində dünyanın perspektiv inkişafına dair sadə proqnozlar irəli sürməyi bacarır
- Müasir münaqişələrin və böhranların tarixi səbəblərini müəyyən etməyi və izah etməyi bacarır
Kredit: 4

Fənnin qısa məzmunu:
Bu fənn siyasi təlimlərin yaranması və inkişafı, qədim dünyada siyasi təlimləri, qədim Yunanıstan və Romanın siyasi təlimləri , qədim Hindistan və Çinin siyasi düşüncəsi, Avropa və Şərq dünyagörüşünün fərqləri, şərqdə hakimiyyət və hökmdar haqqında təsəvvürlər , orta əsrlərin sosiomədəni və intellektual özünəməxsusluğu və orta əsrlərin siyasi təlimlərinin xarakterik xüsusiyyətləri, yeni dövrün siyasi düşüncəsində cəmiyyət, dövlət və hüquq, intibah dövrünün ümumi xüsusiyyətləri və xarakteri, siyasətin xüsusi fəaliyyət sahəsi kimi formalaşması, vətəndaş cəmiyyəti haqqında nəzəriyyələr, marifçilik dövrünün sosial-siyasi ideyalarının ümümi xüsusiyyətləri, hüquqi dövlətdə hakimiyyət bölgüsü nəzəriyyəsi, xalq suverenliyi və birbaşa xalq hakimiyyəti ideyası, alman klassik fəlsəfəsi, XVIII əsrdə ABŞ-da siyasi və hüquqi təlimlər, Almaniya və İngiltərədə XVIII əsrin sonunda siyasi təlimlər, XIX əsrdə Avropada siyasi ideyalar, XX əsrdə Qərbdə siyasi və hüquqi təlimlər və s. tədris edir. Fənn çərçivəsində eyni zamanda Azərbaycanın siyasi fikir tarixi öyrənilir.

Fənn üzrə təlim nəticələri
Bu fənni bitirən tələbə:
- Müxtəlif tarixi dövrlərdə sosial-siyasi düşüncələrin təkamülünü, əsas konsepsiyaları müqayisə etməyi və müasir siyasi proseslərə təsir kontekstində qiymətləndirməyi bacarır;
- Müasir siyasi sistemin formalaşmasına təsir etmiş vacib elmi nəzəri təlimləri ilkin mənbədən oxumağı və təhlil etməyi bacarır;
- Demokratiya, insan hüquqları və azadlıqları, hakimiyyətin bölünməsi ədalət,nizam və s. müasir dövrdə aktual olan kateqoriyaların meydana çıxması, siyasi fikir tarixində inkişaf etdirilməsi, qərb və şərq siyasi fikrində bu kateqoriyalara baxışların təhlili əsasında siyasi proseslərə islahatçı və yenilikçi kimi yanaşmağı bacarır;
- İctimai-siyasi institutların və proseslərin formalaşması və inkişafı haqqında qazandığı biliklər əsasında peşə fəaliyyətində səmərəli qərarlar qəbul etmə səriştəsinə malik olur;
- Xarici siyasi və daxili siyasi prosesləri təhlil etmək üçün qazandığı bilikləri tətbiq etməyi bacarır.
Kredit: 5

Fənnin qısa məzmunu
Bu fənn tələbələrə ixtisası üzrə xarici dillərdən birində daha yüksək dil səviyyəsi əsasında şifahi nitq və yazı bacarıqlarını öyrədir. Bu fənn çərçivəsində tələbələr təqdimat etmə, işgüzar və akademik yazı bacarıqlarına və zəngin söz ehtiyatına yiyələnir.

Fənn üzrə təlim nəticələri
Bu fənni bitirən tələbə:
- öyrəndiyi xarici dildə daha yüksək dil səviyyəsi üzrə şifahi nitq və yazı bacarıqlarını nümayiş etdirir;
- mürəkkəb mətnləri oxuyub təhlil edir;
- konkret sual ətrafında rabitəli, məntiqli və adekvat şifahi və yazılı mətn formalaşdırır;
- ixtisas sahəsi daxilində müzakirələrdə iştirak edir;
- yazılı şəkildə işgüzar kommunikasiya yaratmağı bacarır;
- öyrəndiyi dildə təqdimatlar hazırlayır.
Kredit: 4

Fənnin qısa məzmunu
Fənninin tədrisinin əsas vəzifəsi bu fənn haqqında təhsilalanlara hərtərəfli zəruri, nəzəri və praktiki bilik verməklə aşağıdakıları həyata keçirməkdən ibarətdir: İKT sistemlərinin, fərdi kompüterin (FK) əsas və əlavə qurğuları və onların funksiyaları haqqında ətraflı biliklər vermək; İKT sistemlərinin, FK-nın sistem və tətbiqi proqramlar paketi haqqında geniş biliklər vermək; intenet və şəbəkələrlə işləmək bacarığı və informasiya axtarışında və mübadiləsində onlardan istifadə etmək qabiliyyəti və tətbiqi proqramlardan istifadə etməyi praktik olaraq öyrətmək; inkişaf səviyyəsindən asılı olaraq daima yeniləşən müasir texnoloji sistemlərin iş funksiyasını və tətbiq proqramlarını praktik olaraq öyrətmək.

Fənn üzrə təlim nəticələri
Bu fənni bitirən tələbə:
- Müasir dövrdə ən çox istifadə olunan tətbiqi proqramlardan istifadə etməyi;
- İnternet və intranet üzərindən informasiya mübadiləsinin aparılması qaydalarını və üsullarını;
- İnformasiyanın təhlükəsizliyi və qorunması üsullarını və vasitələrini;
- Müxtəlif informasiya sistemləri ilə işləməyi və bu sistemlərdən məlumat əldə etməyi;
- Verilənlər bazasının idarəetm sistemlərini.
Kredit: 3

Fənnin qısa məzmunu
Politologiya – siyasəti, siyasi prosesləri, təsisatları, bir sözlə, siyasi elmin obyektini və predmetini təşkil edən problemləri öyrənən elm sahəsi kimi qəbul edilir. Bu mənada politologiya siyasətin ümumi nəzəriyyəsi rolunda çıxış edir və siyasəti öyrənən digər elm sahələrindən fərqlənir. Bu fənnin əhəmiyyəti həmçinin ondan ibarətdir ki, hal-hazırda dünyada sosial-siyasi ideya qarşıdurması güclənməkdədir. Bu əlaqədə, müasir siyasi təlimlərin tarixinin öyrənilməsinin aktuallığı güclənir, bir halda ki, ideyaların biliyi müasir siyasi reallığın mürəkkəb problemlərini anlamağa imkan verir. Fənnin tədrisinin məqsədi – tələbələrə müasir siyasi fikir haqqında bilikləri və bu biliklərdən istifadə etmək bacarığını inkişaf etdirməyə kömək etmək, nəzəri mənbələrlə işləməyə bacarıqların inkişaf etdirmək, tələbələri siyasi elmlərin mənimsənməsini dünya siyasi fikrinin geniş kontekstində öyrəşdirmək.

Fənn üzrə təlim nəticələri
Bu fənni bitirən tələbə:
- Siyasi təlimlərin tarixi ilə bağlı elmi ədəbiyyatla sərbəst işləyir;
- Müxtəlif müasir siyasi konsepsiyaların terminoloji aparatından istifadə edir;
- Siyasi nəzəriyyələrin öyrənilməsinin metodoloji üsullarını tətbiq edir;
- Hakimiyyət və onun bölgüsü, siyasi sistemlər, cəmiyyət və dövlət, siyasi rejimlər, demokratiya anlayışı, siyasi mədəniyyət və siyasi ideologiya barədə bilgilər əldə edir;
- Beynəlxalq münasibətlər və xarici siyasət problemləri barəsində dərin biliklərə yiyələnir;
- Bəşəriyyətin qlobal problemləri və onların mümkün həlli yollarını, dünyanın müasir siyasi xəritəsinin formalaşma mərhələlərini öyrənir;
- Azərbaycan Respublikasının müasir dünyanın iqtisadi və siyasi sistemində özünəməxsus yerini müəyyən edir;
- Nəzəri mənbələrlə işləməyə bacarıqların inkişaf etdirir;
- Siyasi elmlərin mənimsənməsini dünya siyasi fikrinin geniş kontekstində öyrənir.
Kredit:15

Fənnin qısa məzmunu
Bu fənn çərçivəsində tələbələrə ixtisası üzrə rus dilində təqdimat etmək, natiqlik, akademik və işgüzar yazı, şifahi və yazılı bacarıqlarının aşılanmasına xüsusi diqqət yetirilməlidir.

Fənn üzrə təlim nəticələri
Bu fənni bitirən tələbə daha üst dil səviyyəsi üzrə:
- Ən çox əlaqəli olan sahələrə (şəxsi və ailə məlumatları, alış-veriş, yerli coğrafiya, məşğulluq və s.) aid məlumatları bilir və sadə cümlələrlə ifadə edir
- Gündəlik həyatda sadə cümlələrlərdən istifadə etməklə ünsiyyət qurur
- Müxtəlif işgüzar vəziyyətlərdə ünsiyyət qurur
- Gündəlik və peşə həyatlarında qarşılaşa biləcəkləri fərqli kontekstlərdə şifahi şəkildə ünsiyyət qurur
- İşgüzar və akademik yazının xüsusiyyətlərini bilir, fərqli kontekstdə mətnlər hazırlayır
- Akademik və işgüzar nitqin məzmununu və quruluşunu bilir, ünsiyyət əlaqələrində istifadə edir.
Kredit: 4

Fənnin qısa məzmunu
Fənnin çərçivəsində tələbələr siyasi nəzəriyyənin əsas kateqoriyalarını, paradiqmaları, siyasi elmin əsas metodlarını, müasir politoloji konsepsiyalar və nəzəriyyələri, siyasətin institusional və qeyri- institusional sferaları, siyasi hakimiyyətin xüsusiyyətlərini, siyasi elita və siyasi liderləri, dövlət siyasi institut kimi,. siyasi partiyalar və ictimai hərəkatları, siyasi sistemlər və siyasi rejimləri, siyasi ideologiya , siyasi psixologiya, siyasi mədəniyyət və siyasi prosesləri öyrənirlər.

Fənn üzrə təlim nəticələri
Bu fənni bitirən tələbə:
- Seçki prosesinin və siyasi hakimiyyətin formalaşmasını təhlil edərək onun demokratikliyini ölçmə səriştəsinə yiyələnir;
- Siyasi proseslərdə iştikar etmək liderlik və idarə etməyi bacarır;
- İdeoloji və psixoloji hücumlara qarşı müqavimət göstərmək və ölkənin siyasi maraqlarını müdafiə etmək bacarığına yiyələnir;
- Müasir politoloji konsepsiyaları və nəzəriyyələri mənimsəyərək siyasi prosesləri təhlil etmək və qiymətləndirməyi bacarır;
- Siyasi prosesləri yönləndirməyi bacarır;
- Siyasi partiyalar və ictimai hərəkatları, siyasi sistemlər və siyasi rejimləri, siyasi ideologiya , siyasi psixologiya, siyasi mədəniyyət haqqında biliklərə əsaslanaraq siyasi sahədə tədqiqat aparmağı bacarır.
Kredit: 8

Fənnin qısa məzmunu
Bu fənn beynəlxalq münasibətləri öyrənən əsas nəzəriyyələri və yanaşmaları dərindən təhlil edərək öyrənilməsini nəzərdə tutur. Öyrənilən hər bir nəzəriyyənin praktik nümunələr (situasiyalar) üzərində tətbiq olunması kursun tədrisinin əsas hissəsini təşkil edir. Bundan əlavə, beynəlxalq münasibətlərin əsas anlayışları, metodları, strukturu, proseslər, təzahürlər, habelə çağdaş dövrün əsas problemlərinin təhlili kurs çərçivəsində tədris olunur. Beynəlxalq münasibətlər nəzəriyyəsi beynəlxalq siyasətin öyrənilməsinin metodoloji əsasını təşkil edir.

Fənn üzrə təlim nəticələri
Bu fənni bitirən tələbə:
- Beynəlxalq münasibətlərin əsas elmi nəzəriyyə və yanaşmalarını tənqidi təhlil edərək onlara dair müstəqil fikir bildirmək, mülahizələr/mühakimələr irəli sürməyi bacarır;
- Beynəlxalq münasibətlərin əsas elmi nəzəriyyə və yanaşmalarını praktik situasiyalar üzərində tətbiq etməyi bacarır;
- Müasir beynəlxalq münasibətlərin əsas problemlərini və çağırışları nəzəri təhlil etməyi bacarır;
- Beynəlxalq münasibətlərdə hadisə və proseslərin inkişafını nəzəri qanunauyğunluqlar əsasında təhlil etməyi bacarır;
- Beynəlxalq münasibətlərə dair müxtəlif elmi nəzəriyyələrin və yanaşmaların müəlliflərinin əsərlərini ilkin mənbələrdən oxumaq və tənqidi təhlil etməyi bacarır;
- Beynəlxalq münasibətlərdə baş verən hadisələri müstəqil olaraq təhlil etməyi bacarır.
Kredit: 5

Fənnin qısa məzmunu
Bu fənn tələbələrə ixtisası üzrə xarici dillərdən birində daha yüksək dil səviyyəsi əsasında şifahi nitq və yazı bacarıqlarını öyrədir. Bu fənn çərçivəsində tələbələr təqdimat etmə, işgüzar və akademik yazı bacarıqlarına və zəngin söz ehtiyatına yiyələnir.

Fənn üzrə təlim nəticələri
Bu fənni bitirən tələbə ixtisas üzrə :
- öyrəndiyi xarici dildə şifahi nitq və yazı bacarıqlarını nümayiş etdirir;
- mürəkkəb mətnləri oxuyub təhlil edir;
- konkret sual ətrafında rabitəli, məntiqli və adekvat şifahi və yazılı mətn formalaşdırır;
- ixtisas sahəsi daxilində müzakirələrdə iştirak edir;
- yazılı şəkildə işgüzar kommunikasiya yaratmağı bacarır;
- öyrəndiyi dildə təqdimatlar hazırlayır.
Kredit: 4

Fənnin qısa məzmunu
Fənnin məqsədi tələbələrə müasir komparativistika metodlarından istifadə etməklə dünyanın müxtəlif ölkələrinin siyasi sistemləri haqqında biliklər verməkdir. Sözügedən kurs siyasi sistem nəzəriyyəsinə əsas yanaşmaları nəzərdən keçirmək, Amerikanın, Avropanın, Asiyanın və Afrikanın aparıcı ölkələrinin siyasi sitemlərinin xüsusiyyətlərinin ətraflı, müqayisəli təhlilini vermək, müxtəlif ölkələrin siyasi mədəniyyətini təhlil etmək imkanını yaradır. Müxtəlif partiya sistemləri və seçki sistemləri müqayisə olunur. Müxtəlif dövlətlərdə qanunverici-icraedici hakimiyyətlər arasında qarşılıqlı münasibətlırin xüsusiyyətləri, müxtəlif siyasi rejimlərin spesifikası, mərkəzi və yerli hakimiyyətlər arasında mövcud olan münasibətlər tədqiq olunur. Kursun uğurla başa çatması halında tələbələr dünya siyasi sistemlərinin əsas xüsusiyyətlərini, onların fərqli xüsusiyyətlərini müəyyən edə və izah edə biləcəklər.

Fənn üzrə təlim nəticələri
Bu fənni bitirən tələbə:
- Siyasi sistem nəzəriyyəsinə dair əsas yanaşmaları nəzərdən keçirərək, siyasi sistem, onun strukturu, əsas komponentləri haqqında əsaslı biliklərə yiyələnərək siyasi sistemlərin inkişafını proqnozlaşdırmağı bacarır;
- Dünyanın müxtəlif ölkələrinin siyasi sistemlərini müqayisəli təhlil etmək və fərqli meyarlar əsasında ümumiləşmələr aparmağı bacarır; - Amerikanın, Avropanın, Asiyanın aparıcı ölkələrinin siyasi sitemlərinin fəaliyyət mexanizmlərini və xüsusiyyətlərini öyrənərək, onların inkişaf meyllərini müəyyən etməyi bacarır;
- Müxtəlif dövlətlərdə qanunverici-icraedici hakimiyyətlər arasında qarşılıqlı münasibətlırin xüsusiyyətləri, müxtəlif siyasi rejimlərin spesifikası, mərkəzi və yerli hakimiyyətlər arasında mövcud olan münasibətləri təhlil edərək konkret ölkədə demokratiyanın inkişaf səviyyəsini müəyyən etməyi bacarır;
- Müxtəlif dövlətlərdə siyasi partiyaları və seçki sistemləri haqqında biliklərə əsaslanaraq bu sahədə müstəqil tədqiqat/araşdırma aparmağı bacarır.
- Siyasi sistemlərin ideoloji əsaslarının və dəyərlər sisteminin dərindən təhlili əsasında milli siyasi sistemin inkişafında faydalı olacaq təklif və tövsiyələri irəli sürməyi bacarır.
Kredit: 5

Fənnin qısa məzmunu
Fənnin məqsədi tələbələrə beynəlxalq təhlükəsizlik sistemi haqqında sistemli və hərtərəfli biliklər vermək, müasir beynəlxalq təhlükəsizliyin nəzəri-konseptual, hüquqi əsaslarının, qlobal və transmilli təhükələr və onlara qarşı mübarizə, silahlanma, silahların məhdudlaşdırılması və tərkisilah problemi, silahlı miinaqişələr və beynəlxalq təhlükəsizlik, beynəlxalq informasiya və enerji təhlükəsizliyi, Avropada, Mərkəzi Asiyada, Yaxın və Orta şərqdə, Afrikada, Amerikada, Asiya-Sakit okean regionunda təhlükəsizlik problemləri, habelə aparıcı dövlətlərin milli təhlükəsizlik siyasətinin tədris olunması nəzərdə tutulur.

Fənn üzrə təlim nəticələri
Bu fənni bitirən tələbə:

- Beynəlxalq təhlükəsizlik problemlərinin və beynəlxalq təhlükəsizlik proseslərinin milli təhlükəsizliyə təsirlərini müəyyən etməyi bacarır;
- Qlobal strateji tahlükəsizlik, regional ve transmilli təhlükəsizlik problemlərinin yaranma səbəblərini təhlil etməyi va onların həlli yollarına dair mülahizələr irəli sürməyi bacarır;
- Təhlükəsizliklə bağlı müasir nəzəri-konseptual yanaşmaları öyrənərək konkret praktik situasiyaların təhlilində tətbiq etməyi bacarır;
- Dünyanın aparıcı dövlətlərinin milli təhlükəsizlik konsepsiyalarını/doktrinalarını və siyasətlərini tənqidi təhlil edərək müxtəlif meyarlar əsasında umümiləşdirməyi və qiymətləndirməyi bacarır;
- Beynəlxalq təhlükəsizlik mühitində baş verən dəyişikliklərin inkişaf meyllərini müəyyən etməyi bacarır;
- Beynəlxalq təhlükəsizlik strukturlarının və qurumlarının fəaliyyətini tənqidi təhlil edə bilmək və qiymətləndirməyi bacarır.
Kredit: 6

Fənnin qısa məzmunu
Bu fənndə mühim iqtisadi anlayışlar izah edilir, bazar iqtisadiyyatının ümumi xarakteristikası verilir və məhdud iqtisadi ehtiyatların səmərəli istifadə olunmasında bazar mexanizminin rolu müəyyənləşdirilir – iqtisadi subyektlərin qərar qəbul edilməsini şərtləndirən prinsiplər açıqlanır.

Fənn üzrə təlim nəticələri
Bu fənni bitirən tələbə:
- Baza iqtisadi anlayışları və onların qarşılıqlı əlaqəsini,iqtisadi subyektlərin davranış prinsiplər ini öyrənilməsi;
- İqtisadiyyatda bazar mexanizminin rolu haqqında təsəvvürə malik obacaq,iqtisadihadisə və prosesləri məzmun və formal təhlilinin ilkin vərdişlərini öyrədilməsi;
- İqtisadiyyatda baş verən prosesləri başa düşmək üçün nəzəri bazaya malik biliklərinverilməsi;
- Bazar mexanizminin əsas elementləri olan tələb təklif qiymət rəqabət onların qarşılıqlıəlaqəsini;
- Bazar iqtisadiyyatının fəaliyyət qanunauyğunluqlarını;
- İqtisadi subyektlərin qərarların qəbul etmə mexanizmini;
Kredit: 5

Fənnin qısa məzmunu
Bu fənn tələbələrə ixtisası üzrə xarici dillərdən birində daha yüksək dil səviyyəsi əsasında şifahi nitq və yazı bacarıqlarını öyrədir. Bu fənn çərçivəsində tələbələr təqdimat etmə, işgüzar və akademik yazı bacarıqlarına və zəngin söz ehtiyatına yiyələnir.

Fənn üzrə təlim nəticələri
Bu fənni bitirən tələbə:
- öyrəndiyi xarici dildə daha yüksək dil səviyyəsi üzrə şifahi nitq və yazı bacarıqlarını nümayiş etdirir;
- mürəkkəb mətnləri oxuyub təhlil edir;
- konkret sual ətrafında rabitəli, məntiqli və adekvat şifahi və yazılı mətn formalaşdırır;
- ixtisas sahəsi daxilində müzakirələrdə iştirak edir;
- yazılı şəkildə işgüzar kommunikasiya yaratmağı bacarır;
- öyrəndiyi dildə təqdimatlar hazırlayır.
Kredit: 5

Fənnin qısa məzmunu
Bu fənni öyrənməklə tələbə Azərbaycan Respublikasının fövqəladə halların idarə olunması, fövqəladə halların xarakteristikasını, fövqəladə hallardan əsas müdafiə üsullarını və vasitələri, fövqəladə hallar zamanı yaranmış şəraitinin qiymətləndirməsi, özünə və digər şəxslərə yardım etməyi, istehsalat proseslərində mülki müdafiə planının hazırlanması, turistlərə və və ətrafındakılara ilkin tibbi yardım kimi məsələləri bacarmalıdır.

Fənn üzrə təlim nəticələri
Bu fənni bitirən tələbə:
- Fövqəladə hallarda əhalinin müdafiəsinin və ərazinin mühafizəsinin əsas üsullarını, kollektiv və fərdi mühafizə vasitələrini bilir, onlardan istifadə qaydalarını şərh edir.
- Fövqəladə hallar zamanı rabitə və xəbərdarlıq sistemlərinin vacibliyini bilir və onlardan istifadə qaydalarını nümayiş etdirir.
- Fövqəladə hallarda evdə, küçədə, müəssisədə davranış qaydalarını bilir və ona əməl edir.
- Fövqəladə hallarda tənəffüs üzvlərinin qorunması üçün sadə vasitələrin necə hazırlanması və istifadə qaydalarını bilir və şərh edir.
- Müxtəlif zədələnmə zamanı ilk tibbi yardımın məqsəd və vəzifələrini, prinsiplərini, göstərilmə qaydalarını bilir və tətbiq edir.
- Geniş yayılmış xəstəliklərin növlərini, onların yaranma səbəblərini, əlamətlərini, profilaktikasını, yoluxucu xəstəliklərdən qorunma qaydalarını bilir və şərh edir.
Kredit: 4

Fənnin qısa məzmunu
Fənn çərçivəsində müasir inteqrasiya nəzəriyyələri, inteqrasiya proseslərinin formaları, növləri, intensivliyi, xüsusilə siyasi inteqrasiya problemi təhlil olunur, beynəlxalq təşkilatarın yaranma tarixi, beynəlxalq təşkilatların təsnifatı və növləri, onların strukturu və fəaliyyəti,həmçinin qlobal əməkdaşlıq perspektivləri tədris olunur. Tədris prosesində beynəlxalq hökümətlərarası təşkilatlarla bərabər aparıcı beynəlxalq qeyri hökümət təşkilatlarının strukturu və fəaliyyəti öyrənilir. Fənnin tədrisinin məqsədi tələbələrə müasir dünyada qlobal siyasi, iqtisadi və mədəni birliyin - qlobal cəmiyyətin formalaşdırılması məsələlərinə dair nəzəri - praktik dünyagörüşünün formalaşdırılması və biliklərin verilməsidir.

Fənn üzrə təlim nəticələri
Bu fənni bitirən tələbə:
- İnteqrasiya nəzəriyyələrini təhlil edə bilir və müasir inteqrasiya birliklərinin təhlilində tətbiq etməyi bacarır;
- Qlobal və regional beynəlxalq təşkilatların fəaliyyətini öyrənərək çoxtərəfli əməkdaşlığın dərinləşdirilməsini və inteqrasiya mərhələsinə keçməsini əngəlləyən səbəbləri müəyyən etməyi bacarır;
- Dünyanın müxtəlif regionlarında reallaşan inteqrasiya proseslərini müqayisəli əsasda tənqidi təhlil edərək, əsas problemləri müəyyən etməyi və bütövlükdə inteqrasiya proseslərinin inkişaf perspektivlərinə dair proqnozlar irəli sürməyi bacarır;
- Beynəlxalq qeyri hökümət təşkilatlarının qlobal problemlərinin həllində rolunu tənqidi təhlil etməyi bacarır;
- BMT-nin və Avroatlantik strukturların fəaliyyətinin tənqidi təhlili əsasında milli inkişaf üçün potensial imkanları və çağırışları müəyyən etməyi bacarır;
- İnteqrasiya prosesləri nəticəsində formalaşan qlobal camiyyətin yaratdıgı imkanları və çağırışları müəyyən etməyi bacarır.
Kredit: 4

Fənnin qısa məzmunu
Fənn çərçivəsində münaqişələrə, xüsusilə vətəndaş münaqişələrinə/müharibələrinə dair müasir nəzəriyyələrin təhlil edilməsi, bu nəzəriyyələrin praktik münaqişələr üzərində tətbiq edilərək öyrənilməsi, XX əsrin sonu - XXI əsrdə baş verən münaqişələrin səbəbləri, növləri, formaları və onların həlli texnologiyaları haqqında biliklərin mənimsənilməsi, xüsusilə daxili münaqişələrin dünyada daha geniş yayılmasının səbəbləri, növləri, dünyanın müxtəlif regionlarında inkişaf dinamikası və beynəlxalq münasibətlərə təsirlərinin öyrənilməsi nəzərdə tutulur. Bundan əlavə fənnin tədrisi münaqişələrin tənzimlənməsinin və həllinin müasir dövrdə geniş yayılmış diplomatik-siyasi və xarici müdaxilə üsullarını dərindən təhlil edilməsini ehtiva edir.

Fənn üzrə təlim nəticələri
Bu fənni bitirən tələbə:
-Münaqişələrə (xüsusilə daxili münaqişələrə) dair müasir nəzəriyyələri öyrənərək praktik situasiyaların üzərində tətbiq etməyi bacarır;
- Münaqişələrin səbəblərini izah edə bilmək və onların növlərini, xüsusiyyətlərini müəyyən etməyi bacarır;
- Münaqişələrin beynəlxalq münasibətlər sisteminə təsirini müəyyən etməyi bacarır;
- Münaqişələrin həllinə dair yanaşmaları təhlil edərək, siyasi, hüquqi, hərbi və digər vasitələrin konkret münaqişələrin həllində səmərəliliyini müəyyən etməyi bacarır;
- Münaqişələrin tənzimlənməsi və həlli texnologiyalarının praktik tətbiqi hallarını təhlil edərək, onların səmərəliliyini müəyyən etməyi bacarır;
- Müasir dövrdə vətəndaş müharibələrinin/münaqişələrinin geniş yayılmasının beynəlxalq sistemin inkişaf xüsusiyyətləri ilə əsaslandırmağı bacarır.
Kredit: 4

Fənnin qısa məzmunu
İxtisaslı mütəxəssisin hazırlanması təhlil və tədqiqatın aparılması, düzgün qərarların qəbul edilməsi bacarıqlarının formalaşdırılmasını tələb edir. Tələbələr tədris prosesində və peşə fəaliyyətində qarşıya qoyulan konkret məqsədləri və məsələləri həll etmek üçün bir sıra vacib nəzəri və empirik metodlara yiyələnirlər: Modellərin qurulması; analogiyaların aparılması; deduksiya; fərziyyələrin irəli sürülməsi; abstraksiya; müşahiıdə; eksperimentin aparılması; sorğuların keçirilməsi, təhlili, ümumiləşdirilməsi, qiymətləndirilməsi; delfi üsulu; kontent analiz; faktların/informasiyanın toplanması, seçilməsi, kompüter vasitəsi ilə emalı, onlar arasında əlaqənin qurulması; müqayisə; ölçmə; irəli sürülən fərziyyəni yoxlamaq üçün müxtəlif statistik təhlillərdən istifadə bacarığı və s. Fənn çərçivəsində tələbələrdə məntiqi mühakimə yürütmə və tənqidi təfəkkür bacarıqları inkişaf etdirilir. Tələbələr deduksiya və induksiya yolu ilə nəticələr çıxarmaq, deduktiv və induktiv arqumentləri müəyyənləşdirmək və qiymətləndirmək, səfsətələrin mövcudluğunu aşkar etmək və onlara yol verməmək, tənqidi təfəkkürün əsas komponentlərini müəyyən edə bilmək bacarığına yiyələnirlər. Tələbələrə deduksiya, induksiya və arqumentasiya bacarığını tətbiq edərək şifahi və yazılı nitq vərdişlərini inkişaf etdirmək, məntiqi və tənqidi təfəkkür qabiliyyəti ilə tədqiqat aparmaq vərdişlərinin sintezinə nail olmaq öyrədilir. Bununla yanaşı, fənnin tədrisinə riyazi məntiq elementlərinin, riyazi statistikanın metodlarının daxil edilməsi tələbələrin gələcək təhsili üçün etibarlı zəmin yaradır.

Fənn üzrə təlim nəticələri
Bu fənni bitirən tələbə:
- Müstəqil tədqiqat aparmaq və təhlil edə bilmək üçün müxtəlif tədqiqat metodlarından istifadə etməyi bacarır;
- Müxtəlif sorğular keçirmək, nəticələrini təhlil etmək və ümumiləşdirməyi bacarır;
- Statistik metodlardan istifadə edərək tədqiqat apara bilir;
- Topladığı faktları, informasiyaları kompüter proqramları vasitəsilə emal etməyi bacarır;
- Mürəkkəb məsələlərin bir neçə mümkün həlli yolunu müəyyən etmək, alternativ mülahizələr irəli sürmə bacarığına yiyələnir;
- Ümumi məntiqi və ritorik səfsətələri müəyyən edə bilir;
- Tezis, mülahizə, mühakimə və arqumentləri formalaşdıra bilir;
- Eynilik, ziddiyətsizlik, üçüncünü istisna və kafi əsas qanunu kimi formal məntiq qanunlarını bilmək, bunları əqli nəticə və sübut prosesində tətbiq edə bilir.
Kredit: 6

Fənnin qısa məzmunu
Dövlətlər və beynəlxalq hüququn digər subyektləri arasında yaranan münasibətləri tənzim edən beynəlxalq ümumi hüquq çərçivəsində beynəlxalq münasibətlərin beynəlxalq-hüquqi tənzimlənməsi xüsusiyyətləri, beynəlxalq hüququn subyektləri və mənbələri, beynəlxalq müqavilələr hüququ, beynəlxalq hüququn prinsipleri, beynəlxalq və milli hüququn qarşılıqlı nisbət məsələləri, beynəlxalq hüquqda məsuliyyət, beynəlxalq mubahisələrin dinc yolla həll edilməsi, beynəlxalq təşkilatlar hüququ, beynəlxalq tahlükəsizlik və xarici əlaqələr hüququ, beynəlxalq hüquqda ərazi, beynəlxalq dəniz hüququ, beynəlxalq hava hüququ, beynəlxalq kosmos hüququ, beynəlxalq iqtisadi hüquq, beynəlxalq ekologiya hüququ, beynəlxalq humanitar hüquq, beynəlxalq cinayət hüququ va beynəlxalq hüququn digər sahələri öyrənilir. Beynəlxalq hüququn hər bir sahəsinin əsas xüsusiyyətlərinin və elementlərinin təhlili Azərbaycan Respublikası milli qanunvericiliyinin təkmilləşdirilməsi nöqteyi-nəzərindən çox əhəmiyyətlidir.

Fənn üzrə təlim nəticələri
Bu fənni bitirən tələbə:
- Beynəlxalq hüququn mahiyyətini və fəaliyyət istiqamətlərini bilməklə beynəlxalq münasibətlərin tənzimlənməsi qaydalarından, mənbələrindən, prinsiplərindən istifadə edə bilir;
- Beynəlxalq müqavilələrin mahiyyətini və əsas elementlərini bilməklə dövlətlərarası münasibətlərin tənzimlənməsində onların zəruri rolunu əsaslandırmağı bacarır;
- Beynəlxalq hüququn əsas prinsiplərini, o cümlədən beynəlxalq hüquq normlarının məzmununu bilməklə onların əhəmiyyətini qiymətləndirməyi bacarır;
- Beynəlxalq təşkilatların beynəlxalq və milli hüquqi tənzimetmə üçün vacib əhəmiyyətini əsaslandırmağı bacarır;
- Beynəlxalq hüququn ayrı-ayrı sahələrinin ayrılıqda əsas xüsusiyyətlərini və fəaliyyət istiqamətlərini geniş məzmunda təhlil edə bilir;
- Beynəlxalq hüququn prinsip və normalarından istifadə etməklə aktual beynəlxalq prolemləri təhlil etməyi və qiymətləndirməyi bacarır.
Kredit: 3

Fənnin qısa məzmunu
Fənn çərçivəsində strateji idarəetmə və planlaşdırma, onun tarixi, əsas prinsipləri, məqsədləri, informasiya resurslarının strateji idarə olunması, informasiya savaşı, psixoloji savaş və təbliğat (propaqanda), siyasət sahəsində strateji idarəetmə, sosial sahədə strateji idarəetmə, iqtisadi sahədə strateji idarəetmə, strategiyanın hazırlanması prosesində vəziyyətin analizi, strateji məqsədlərin düzgün formalaşdırılması, daxili və xarici mühitin nəzərə alınması, təhlili, qərar qəbul etmə prosesi, qərarların qəbul edilməsi prosesində risklərin minimuma endirilməsi, strategiyaların qiymətləndirilməsinin kəmiyyət və keyfiyyət göstəriciləri, strategiyanın reallaşdırılması, nəzarət, strateji idarəetmənin effektivliyinin qiymətləndirilməsi, qərar qəbul etmənin metodları, strateji idarəetmənin modelləri, strateji idarəetmənin instrumentləri kimi məsələlər tədris olunur. Əsas diqqət strateji təhlilin metodlarının öyrənilməsinə yönləndirilir.

Fənn üzrə təlim nəticələri
Bu fənni bitirən tələbə:
- İnformasiya resurslarının strateji idarəolunmasını bacarır;
- Strateji məqsədləri düzgün formalaşdırmaq, strategiyanın hazırlanması prosesində vəziyyətin analizini aparmağı bacarır;
- İnformasiyanın psixoloji savaş şəraitində müəyyən olunmuş strateji idarəetmə vəzifələrini icra etməyi bacarır;
- Siyasət, sosial və iqtisadi sahələrdə strateji idarəetməni həyata keçirməyi bacarır;
- Qərar qəbul etmə prosesi, bu prosesdə risklərin minimuma endirilməsi, strategiyaların reallaşdırılması, onlara nəzarət etməklə bağlı səriştəyə malik olur;
- Strateji idarəetmənin metodlarını praktik tətbiq etməyi və onun effektivliyini qiymətləndirə bilir.
Kredit:3

Fənnin qısa məzmunu
Bu fənn multikulturalizm haqqında ümumi anlayışları, onun inkişaf mərhələlərini, bu sahədə əsas nəzəriyyələrin xüsusiyyətlərini, cəmiyyətdə mövcud olan etnik, irqi, dini və mədəni müxtəlifliklərin qorunması istiqamətində dövlətin apardığı siyasəti öyrədir. Azərbaycan Respublikasının multikulturalizm siyasətini, sosial-mədəni proseslərin mahiyyətini, onun xüsusiyyətlərini və bu siyasətin ölkədə uğurla həyata keçirilməsinin səbəblərini təhlil edir.

Fənn üzrə təlim nəticələri
Bu fənni bitirən tələbə:
- Dünya ölkələrində multikulturalizmin əsas modellərini, onların xüsusiyyətlərini təhlil edə bilməli,
- Azərbaycanın ictimai-fəlsəfi fikir tarixində formalaşmış multikulturalizm, tolerantlıq ideyalarını müqayisə etməyi bacarmalı,
- Azərbaycan multikulturalizminin nəzəri-ideoloji əsaslarını izah etməli,
- Azərbaycanda multikulturalizmin meydana gəlməsinin tarixi şərtlərini, xüsusiyyətlərini təqdim etməli,
- Azərbaycan Respublikasının multikulturalizm dövlət siyasətinin mahiyyətini, onun məqsəd və vəzifələrini, prinsiplərini, normativ-hüquqi bazasını, multikulturalizmin Azərbaycan modelinin xüsusiyyətlərini izah etməlidir.
Kredit:4

Fənnin qısa məzmunu
Fənn çərçivəsində xarici siyasət mexanizmi, xarici siyasət sahəsində qərarların qəbul edilməsi prosesinin mərhələləri, prosesə təsir edən amillər, müxtəlif dövlətlərdə xarici siyasət qərarlarının qəbul edilməsi prosesinin xüsusiyyətləri və xarici siyasətin proqnozlaşdırılması tədris olunur. Xarici siyasətin təhlili ilə məşğul olan aparıcı dünya (beyin mərkəzləri) mərkəzləri, müxtəlif dövlətlərin xarici siyasət kursunun təhlili, xarici siyasətə aid olan məlumatların/faktların təhlili kimi məsələlər kursa daxildir.

Fənn üzrə təlim nəticələri
Bu fənni bitirən tələbə:
- Xarici siyasətə dair sənədləri tərtib və icra etməyi bacarır;
- Xarici siyasət sahəsində qərar qəbulu bacarığına malik olur;
- Xarici siyasətə dair və tədqiqatlar aparmaq, qiymətləndirmə və proqnoz verməyi bacarır;
- Beynəlxalq münasibətlərdə aparıcı rol oynayan ölkələrin xarici siyasətinin formalaşması, qərar qəbulu və həyata keçirilməsi prosesini təhlil etmək və müxtəlif meyarlar əsasında ümumiləşdirməyi bacarır;
- Xarici siyasi mühitin inkişaf və dəyişməsini proqnozlaşdırmağı bacarır;
- Xarici siyasətə dair elmi nəzəriyyələri və konsepsiyaları praktik situasiyalar üzərində tədbiq etməyi bacarır.
Kredit:3

Fənnin qısa məzmunu
Fənnin məqsədi müasir diplomatiyanın beynəlxalq münasibətlərin tənzimlənməsində rolu, tarixi inkişafı və müasir dövrdə məqsəd və vəzifələri, o cümlədən diplomatiyanın əsas anlayış və prosesləri , onun ənənəvi və yeni sahələri haqqında sistemləşdirilmiş biliklər verməkdən ibarətdir. Fənnin tədrisi prosesində tələbələrə diplomatiyanın yeni dövrün çağırışlarına uyğunlaşdırılması, diplomatiyaya nəzəri yanaşmalar, eyni zamanda postbipolyar dövrdə diplomatiyanın xüsusiyyətləri, mexanizmləri nəzərdən keçirilir, ikitərəfli, çoxtərəfli diplomatiyanın səciyyəvi xüsusiyyətləri haqqında biliklər verilir; diplomatik qəbullar, söhbətlər, görüşlər, səfərlər zamanı davranış qaydaları və nitq vərdişləri formalaşdırılır; müasir diplomatiyanı həyata keçirən orqanlar sistemi, onların strukturu, vəzifə və səlahiyyətləri, fəaliyyət istiqamətləri öyrədilir; diplomatik xidmətin təşkilinin müqayisəli təhlili əsasında Amerika, Avropa, Asiya və Afrika dövlətlərinin, həmçinin Azərbaycan yerli təcrübəsi öyrədilir; tələb olunan ədəbiyyat və internet resurslarından istifadə etmək, sənədlərlə işləmək və onları hazırlamaq bacarıqları aşılanır.

Fənn üzrə təlim nəticələri
Bu fənni bitirən tələbə:
- Bütün diplomatik sənədləri tərtib və icra etməyi bacarır;
- Diplomatik danışıqları aparmaq üçün zəruri ünsiyyət normalarını və metodlarını ehtiva edən qabiliyyət və bacarıqlara malik olur;
- Müasir diplomat üçün zəruri olan şəxsi və peşəkar keyfiyyətləri- vətənpərvərlik, geniş erudusiya, dürüstlük , intizam, etibarlılıq, gözəl nitq- özündə aşılamaq və formalaşdırmaq qabiliyyətinə malik olur;
- Dünyanın aparıcı dövlətlərinin diplomatik/siyasi fəaliyyətini tənqidi təhlil etmək və onların təcrübəsindən peşəkar fəaliyyətində istifadə etməyi bacarır;
- Ölkə xaricində diplomatik strukturların işini təşkil etmək və idarə etmək üçün zəruri bacarıqlara malik olur;
- Diplomatik sahədə fəaliyyət göstərmək üçün zəruri beynəlxalq sənədləri və normaları tədbiq etməyi bacarır.
Kredit:4

Fənnin qısa məzmunu
Fənn çərçivəsində dünya iqtisadi sistemi, onun inkişaf prosesləri, qlobal iqtisadi problemlər, müasir dünya iqtisadiyyatının mexanizmi, dünya iqtisadiyyatının inkişafının əsas qanunauyğunluqları, dünya, regional və milli təsərrüfat əlaqələrinin qarşılıqlı asılılığı , iqtisadi qloballaşma şəraitində fəaliyyət göstərən dövlətlərinin beynəlxalq iqtisadi münasibətlər sistemi, beynəlxalq ticarət, beynəlxalq səviyyədə ticarətin tənzimlənməsi, beynəlxalq işçi qüvvəsi bazarı, beynəlxalq işçi qüvvəsinin miqrasiyası, beynəlxalq iqtisadi inteqrasiyanın formaları və səviyyələri, beynəlxalq maliyyə və iqtisadi təşkilatlar haqqında biliklər əldə olunur. Bundan əlavə, müxtəlif dövlətlərin, təsərrüfat subyektlərinin mallar, xidmətlər, əmək, kapital və istehsaın digər faktorları ilə beynəlxalq mübadilə sahəsində qarşılıqlı fəaliyyətinin qanunauyğunluqları öyrənilir.

Fənn üzrə təlim nəticələri
Bu fənni bitirən tələbə:
- Beynəlxalq iqtisadi münasibətlər, onun anlayışları, inkişaf prosesləri, mexanizmləri, qlobal iqtisadi problemlər haqqında biliklər əldə edir;
- Müxtəlif ölkələrin iqtisadiyyatını müqayisəli şəkildə təhlil etməyi bacarır;
- İqtisadi qloballaşma, dünya təsərrüfatında inteqrasiya prosesləri, beynəlxalq iqtisadi inteqrasiyasının forma və səviyyələrini təhlil etmək; beynəlxalq biznesin əhəmiyyətinin dərk edir;
- Beynəlxalq ticarət nəzəriyyələrini, beynəlxalq səviyyədə ticarətin tənzimlənməsi məsələlərinə dair sistemli biliklər formalaşdırmaq qabiliyyətinə malik olur;
- Beynəlxalq işçi qüvvəsi bazarı, beynəlxalq işçi qüvvəsinin miqrasiyası haqqında bilikləri əldə edir;
- Tədiyə balansını təhlil etməyi bacarır.
Kredit:3

Fənnin qısa məzmunu
Fənn çərçivəsində milli təhlükəsizlik nəzəriyyələri, Azərbaycan Respublikasının milli təhlükəsizliyinin konseptual və hüquqi əsasları, prinsipləri, bütövlükdə milli təhlükəsizlik sistemi, Ermənistan- Azərbaycan Dağlıq Qarabağ münaqişəsinin Azərbaycanın milli təhlükəsizliyinə ən ciddi təhdid kimi, Azərbaycanın hərbi təhlükəsizliyi, enerji təhlükəsizliyi, Azərbaycanın beynəlxalq təhlükəsizliyin təmin edilməsi prosesində iştirakı, transmilli təhlükələrə qarşı mübarizə kimi məsələlər tədris olunur.

Fənn üzrə təlim nəticələri
Bu fənni bitirən tələbə:
- Milli təhlükəsizliklə bağlı nəzəriyyələri praktik nümunələr üzərində tətbiq etməyi bacarır;
- Azərbaycan Respublikasının milli təhlükəsizliyinin konseptual və hüquqi əsaslarını təhlil edərək onun tətbiq olunduğu mühiti izah etməyi bacarır;
- Azərbaycan Respublikasının transmilli təhdidlərə qarşı mübarizəsini təhlil etmək və qiymətləndirməyi bacarır;
- Azərbaycan Respublikasının təhlükəsizlik mühiti, əsas təhdidlər və onlara qarşı mübarizəyə dair sistemli biliklərin formalaşdırma qabiliyyətinə sahib olur;
- Azərbaycan Respublikasının beynəlxalq təhlükəsizliyin təmin olunmasında yerini və rolunu təhlil edə və müəyyənləşdirməyi öyrənir.
Kredit:4

Fənnin qısa məzmunu
Fənnin tədrisi Azərbaycan Respublikasının xarici siyasət mexanizmi, strukturu va xarici siyasət resursları, Azerbaycan Respublikasının xarici siyasətinin nəzəri-konseptual əsasları, əsas prinsipləri, prioritetləri, istiqamətləri, müxəlif dövlətlərlə siyasi, hərbi, diplomatik, iqtisadi və mədəni sahələrdə ikitərfli münasibətlərinin öyrənilməsini, ölkənin ərazi bütövlüyünün təmin olunması istiqamətində həyata keçirilən diplomatik-siyasi fəaliyyətin, beynəlxalq təşkilatlarla əlaqələrin, müxtəlif beynəlxalq qurumların fəaliyyətində iştirakın, enerji siyasəti və onun regional və beynəlxalq münasibətlər sisteminə təsirinin və Azərbaycanın lider dövlətə çevrilməsi prosesinin təhlil edilərək öyrənilməsini nəzərdə tutur.

Fənn üzrə təlim nəticələri
Bu fənni bitirən tələbə:
- Azərbaycan Respublikasının xarici siyasətinin konseptual əsaslarını, prioritetlərini və istiqamətlərini izah etməyi və əsaslandırmağı bacarmaq, bu sahədə dərin təhlillər aparmaq səriştəsinə yiyələnir;
- Azərbaycan Respublikasının xarici siyasət strukturlarını ,qərar qəbulu və həyata keçirilmə mexanizmini təhlil edə bilmək və praktik nümunələr əsasında izah etməyi bacarır;
- Azərbaycan Respublikasının müxtəlif dövlətlərdə siyasi-diplomatik, iqtisadi və mədəni sahələrdə ikitərəfli və çoxtərəfli münasibətlərini tənqidi təhlil etmək və müxtəlif ölçülər əsasında qiymətləndirməyi bacarır;
- Ermənistan- Azərbaycan münaqişəsinə dair danışıqlar prosesinin mərhələləri, qəbul edilən sənədlərin və bəyannamələrin tənqidi təhlili və münaqişə ətrafında yaranmış beynəlxalq siyasi vəziyyətin öyrənilməsi əsasında onun həlli perspektivlərinə dair proqnozlar irəli sürməyi bacarır;
- Azərbaycanın dünyada güclənən mövqelərini elmi və siyasi cəhətdən izah etməyi bacarır.